లక్నో, ఫిబ్రవరి 4: ఉత్తరప్రదేశ్ అసెంబ్లీ ఎన్నికల రెండో దశలో పోటీ చేస్తున్న అభ్యర్థుల్లో 118 మందిపై క్రిమినల్ కేసులు పెండింగ్‌లో ఉన్నట్లు ఈ ఎన్నికలను పరిశీలిస్తున్న ఓ స్వచ్ఛంద సంస్థవెల్లడించింది. ఉత్తరప్రదేశ్‌లో ఈ నెల 11న జరిగే రెండో దశ ఎన్నికల్లో మొత్తం 337 మంది అభ్యర్థులు రంగంలో ఉన్నారు.

కోటా (రాజస్థాన్), ఫిబ్రవరి 4: భూకుంభకోణం కేసులో రాజస్థాన్ మాజీ మంత్రి మదన్ దిలావర్‌తోపాటు మరోవ 29 మందిపై ఎసిబి అధికారులు చార్జిషీట్ దాఖలు చేశారు. అత్రూ పంచాయతి సమితి పరిధిలో ప్రభుత్వ భూమిని వేలం వేయడానికిగాను వీరంతా నకిలీ డాక్యుమెంట్లను సమర్పించారని ఎసిబి తన చార్జిషీట్‌లో ఆరోపించింది.

ఎటావా, ఫిబ్రవరి 4: ఆస్తి కేసుకు సంబంధించి ఉత్తరప్రదేశ్‌లోని జశ్వంత్‌పూర్ నియోజకవర్గంనుంచి కాంగ్రెస్ అభ్యర్థిగా పోటీ చేస్తున్న అజయ్ యాదవ్‌ను శనివారం పోలీసులు అరెస్టు చేసి చీఫ్ జ్యుడీషియల్ మేజిస్ట్రేట్ కోర్టు ఎదుట హాజరు పరిచారు.

న్యూఢిల్లీ, ఫిబ్రవరి 4: హోం మంత్రి చిదంబరానికి ఊరట కలిగించేలా కోర్టు తీర్పు ఇచ్చినప్పటికీ ప్రభుత్వంపై ఉన్న ‘అవినీతిమచ్చ’ మాసిపోదని భారతీయ జనతాపార్టీ శనివారం తెలిపింది. ‘ఈ తీర్పు వల్ల ప్రభుత్వంపై ఉన్న అవినీతిమచ్చ మాసిపోదు. మా ఉద్యమం తీవ్రత కూడా తగ్గదు.