S ,7 à 8 RSCA (si SASPAS) et 6 cialis pharmacie cialis rapports de stage.

అన్ని విధాలా ఆదుకుంటాం..

ముజఫర్‌పూర్, జూన్ 16: రాష్ట్రంలో పిల్లల మరణాలకు దారి తీస్తున్న మెదడు వాపు వ్యాధి, హైపోగ్లిసేమియాను ఎదుర్కొనేందుకు బీహార్ ప్రభుత్వాన్ని అన్ని విధాలా ఆదుకుంటామని కేంద్ర ఆరోగ్య మంత్రి హర్షవర్దన్ ఆదివారం నాడిక్కడ వెల్లడించారు. మృతి చెందిన పిల్లల కుటుంబాలను ముజఫర్‌పూర్‌లో ఆయన పరామర్శించారు. ప్రభుత్వం అన్ని విధాలా సహాయపడుతుందని హామీ ఇచ్చారు. ఇదిలాఉండగా బీహార్‌లో చిన్నారుల పాలిట మెదడ వాపు లక్షణాలు కలిగిన వ్యాధి మృత్యుకూపంగా మారుతోంది. తాజాగా ఆదివారం ముజఫర్‌పూర్‌లో మరో చిన్నారి ఈ వ్యాధి కారణంగా మరణించడంతో మృతుల సంఖ్య 83కు పెరిగింది.

పాట్నాలో.. చారిత్రాత్మక కట్టడం కూల్చివేత

పాట్నా, జూన్ 16: బీహార్ రాజధాని పాట్నాలో ఓ వందేళ్ళ చారిత్రక కట్టడాన్ని మున్సిపల్ అధికారులు కూల్చివేయించారు. ఇది స్మార్ట్ సిటీ ప్రాజెక్టు నిర్మాణం కోసమేనని అధికారులు చల్లగా సెలవిచ్చారు. వందేళ్ళ క్రితం పాట్నాలో మొట్టమొదటి మార్కెట్ నిర్మాణం జరిగింది. ఇది గోల్ మార్కెట్‌గా పేరొందింది. కాగా శుక్రవారం ప్రారంభమైన కూల్చి వేతలు ఆదివారం కూడా కొనసాగాయి. రాష్ట్ర ప్రభుత్వం ప్రతిష్టాత్మకంగా చేపట్టిన మెగా ప్రాజెక్టుకు అడ్డుగా ఉన్న కట్టడాలనూ కూల్చి వేస్తున్నట్లు పాట్నా మున్సిపల్ కమిషనర్ అనుపమ్ కుమార్ సుమన్ తెలిపారు. ఇందులో భాగంగానే గోల్ మార్కెట్‌నూ కూల్చి వేస్తున్నట్లు ఆయన చెప్పారు.

అట్టుడుకిన హాంకాంగ్

హాంకాంగ్ మళ్లీ నిరసనలతో అట్టుడుకింది. ప్రభుత్వం తీసుకొస్తున్న ఓ ప్రతికూల బిల్లుకు వ్యతిరేకంగా లక్షలాదిగా ప్రజలు ఆదివారం ప్రదర్శన జరిపారు. ఈ బిల్లు వల్ల చైనాతో హాంకాంగ్ సంబంధాలు దెబ్బతింటాయన్న ఆందోళన ప్రజల్లో తీవ్ర స్థాయికి చేరుకుంది.

అశోకుడే ఆదర్శం

న్యూయార్క్, జూన్ 16: అన్ని విధాలా చిన్నా భిన్నం అవుతున్న వర్తమాన సమాజానికి రెండు వేల సంవత్సరాల క్రితం నాటి భారత చక్రవర్తి అశోకుడు ప్రవచించిన సామరస్య భావనలే ఆదర్శమని ఐక్య రాజ్య సమితి డిప్యూటీ సెక్రటరీ జనరల్ అమీనా మహమ్మద్ అన్నారు. వర్తమాన సంక్లిష్ట సమాజంలో అసహనం పెరిగిపోతోందని పేర్కొన్న ఆమె అశోకుడి సామరస్య సంబంధాల ప్రవచనాలను ఉటంకించారు. మైనారిటీలు, శరణార్ధులపై దాడులు పెచ్చరిల్లుతున్నాయని, ప్రార్థనా స్థలాలను లక్ష్యంగా చేసుకొని మట్టుబెడుతున్న నేటి సమాజంలో సమీకృత సామాజిక జీవనం, వైవిధ్యం ఎంతో అవసరమని ఆమె ఉద్ఘాటించారు.

కురిస్తే ‘కుర్ది’ కానరాదు

పనాజీ, జూన్ 16: అది గోవాలోని ఓ చిన్ని గ్రామం. ఇంకా చెప్పాలంటే ముంపు గ్రామం. ఆనకట్ట నిర్మాణంలో భాగంగా ముంపునకు గురైన గ్రామం. ఏడాది పొడవునా అది నిజంగానే ముంపులోనే ఉంటుంది. మే నెలలో కొద్ది రోజులు మినహా. ఈ ప్రత్యేకతే ఆ గ్రామానికి ఎనలేని గుర్తింపును తెచ్చిపెట్టింది. ఆ గ్రామం పేరే కుర్ది. వర్షాలు పడినప్పటినుంచి మళ్లీ వేసవి వచ్చే వరకూ కుర్ది గ్రామం నీటిలోనే ఉంటుంది. వేసవిలో నీరు తగ్గుముఖం పట్టిన తర్వాతే ఆ గ్రామం వెలుగుచూస్తుంది. కుర్దిలో ఉన్న శివాలయం కూడా అప్పటివరకూ నీటిలోనే మునిగి ఉండటం గమనార్హం. నీరు పూర్తిగా తగ్గిన ఆ కొద్ది రోజులు అక్కడ పండగ వాతావరణమే ఉంటుంది.

కొనసాగుతున్న ‘ఆపరేషన్ సన్‌రైజ్’

న్యూఢిల్లీ, జూన్ 16: భారత్-మయన్మార్ సహకార ఒప్పందాల్లో భాగంగా ‘ఆపరేషన్ సన్‌రైజ్’ కొనసాగుతోంది. ఇందులో భాగంగానే ఇరు దేశాల ఆర్మీలు ఆయా సరిహద్దుల్లోని ఉగ్రవాద స్థావరాలను ధ్వంసం చేస్తున్నాయి. మణిపూర్, నాగాలాండ్, అస్సాంలోని పలు ఉగ్రవాద స్థావరాలను మట్టుబెట్టినట్లు రక్షణ శాఖ వర్గాలు ఆదివారం వెల్లడించాయి. మూడు నెలల క్రితం ప్రారంభమైన ‘ఆపరేషన్ సన్‌రైజ్’లో భారత్-మయన్మార్ సరిహద్దుల్లోని ఈశాన్య ప్రాంతాలకు చెందిన ఉగ్రవాద స్థావరాలను ధ్వంసం చేశారు. ఈశాన్య రాష్ట్రాల సరిహద్దు మొత్తం 1640 కిలోమీటర్ల మేర విస్తరించి ఉంది. నాగాలాండ్, మణిపూర్‌లలోని ఉగ్రవాద ప్రాంతాలు ఇందులో భాగంగానే ఉన్నాయి.

లోపాలు వెతకొద్దు

భార్యాభర్తల మధ్య మనస్పర్థలకు, ఘర్షణకు చిన్న చిన్న సమస్యలే కారణమవుతాయి. అవే.. ఎదుటివ్యక్తి ఏం చేసినా తప్పుగా కనిపించడం, పాత మనస్పర్థలకు అవి జతకలవడం జరుగుతుంది. అలాంటి సమయంలో చేసిన తప్పులే గుర్తుకు వస్తాయి కానీ, మునుపు వారు చేసిన మంచి, చూపించిన ఆప్యాయత, ప్రేమలు గుర్తుకురావు. అలాంటప్పుడు..

తేలికపాటి ఆహారమే మేలు!

వేసవికాలంలో డీహైడ్రేషన్ అందరినీ వేధిస్తుంది. చలువ చేసే పదార్థాలు ఎన్ని తీసుకున్నా శరీరంలో వేడి ఇబ్బందులకు గురిచేస్తుంది. ఇలాంటప్పుడు తప్పనిసరిగా ఆహారంలో మార్పులు చేసుకోవాలి.
* వేసవికాలంలో నూనె వేయించినవి తగ్గించాలి. వేపుళ్లు, చిప్స్ వంటివాటికి దూరంగా ఉండాలి. ముఖ్యంగా ప్రయాణాల వేళ వీటి జోలికి వెళ్లకూడదు.
* రోజువారీ తీసుకునే కారం, మసాలాలు శరీరంలో వేడిని పెంచి జీవక్రియ రేటు మందగించడానికి కారణమవుతాయి. కాబట్టి ఈకాలంలో చలువ చేసే పదార్థాలను ఎంచుకోవాలి.

కొల్లాజెన్‌ను పెంచే మాస్క్‌లు

ప్రతిరోజూ మనం ఎదుర్కొనే మురికి, ధూళి, కాలుష్యం కారణంగా చర్మ సంరక్షణ అనేది అత్యంత క్లిష్టతరం. మనం తరచుగా ప్రభావిత ప్రాంతాలను శుభ్రం చేయడం, బ్లీచ్ చేయడం, ఫేషియల్ చేయించుకోవడం వంటి సౌందర్య చికిత్సలను అనుసరించడం ద్వారా కొన్ని చర్మ సమస్యలకు దూరంగా ఉండే అవకాశాలు ఉన్నాయి. కానీ వీటికోసం తరచుగా వివిధ రకాల స్పా, సెలూన్లను సందర్శిస్తుంటాం. ఇవి ఖర్చుతో కూడిన వ్యవహారంగా ఉన్నా, నమ్మదగిన ఫలితాలను మాత్రం ఖచ్చితత్వంతో ఇవ్వలేవు. వాస్తవంగా ఈ సెలూన్ ఆధారిత చికిత్సలు, మీ చర్మానికి హాని కలిగించే రసాయనాలతో కూడిన పదార్థాలను కలిగి ఉంటాయి.

ఇంట్లోంచి వాటిని తరమండి!

చాలామంది మహిళలకు ఎలుకలన్నా, సాలెపురుగులన్నా, బల్లులన్నా చాలా భయం. ఇంట్లో వాటి ఉనికిని కూడా ద్వేషిస్తారు. ఈ జీవులు ఇంటిని ఇబ్బందికరంగా మార్చేయటమే కాకుండా, అనేక రకాల వ్యాధుల వ్యాప్తికి కూడా కారణమవుతాయి. వీటిని వదిలించుకోవడం చాలా కష్టమైన పని. ఇవి ఒకసారి ఇంట్లోని వెచ్చదనానికి, సౌకర్యానికి అలవాటు పడ్డాక ఇంటిని వదలి వెళ్లవు. ఇంటి నలుమూలల్లో కాపురాలు పెట్టి వాటి సంతానాన్ని దినదిన ప్రవర్ధమానం చేసుకుంటాయి. కాబట్టి వీటిని వీలైనంత త్వరగా.. అంటే ఒకటి కనిపించగానే పారద్రోలడానికి ప్రయత్నించాలి.

Pages