S ,7 à 8 RSCA (si SASPAS) et 6 cialis pharmacie cialis rapports de stage.

రాష్ట్రంలో టీఆర్‌ఎస్‌కు ప్రత్యామ్నాయం బీజేపీయే..

నాగర్‌కర్నూల్, మార్చి 25: ప్రజలు ఓట్లు వేసి గెలిపించిన ఎమ్మెల్యేలనే కాపాడుకోలేని స్థితిలో కాంగ్రెస్ పార్టీ ఉందని, రాబోయే రోజులలో రాష్ట్రంలో టీఆర్‌ఎస్‌కు బీజేపీ పార్టీయే ప్రత్యామ్నాయమని బీజేపీ జాతీయ ప్రధాన కార్యదర్శి మురళీధర్‌రావు అన్నారు. సోమవారం పట్టణంలోని ఓ ఫంక్షన్ హాల్‌లో బీజేపీ సీనియర్ నాయకులు బుసిరెడ్డి సుధాకర్‌రెడ్డి అధ్యక్షతన జరిగిన పార్లమెంట్ నియోజకవర్గస్థాయి ముఖ్య కార్యకర్తల సమావేశంలో ఆయన పాల్గొని మాట్లాడారు. గత శాసనసభ ఎన్నికలలో బీజేపీ ప్రచారంలో ముందంజలో ఉన్నప్పటికి, సరైన వనరులు లేకపోవడంతో వెనకడుగు వేయాల్సి వచ్చిందన్నారు.

హరీషన్న కరివేపాకయ్యాడు!

మెదక్, మార్చి 25: ‘హరీషన్నా.. అప్పుడు నీవు లేకపోతే టీఆర్‌ఎస్ లేదు, సింగూర్ నుండి సిద్దిపేట వరకు పాదయాత్ర చేశావు, ప్రస్తుతం రెండోసారి శాసనసభ ఎన్నికలు ముగిసి మంత్రివర్గం ఏర్పడిన తరువాత ఇప్పుడు కరివేపాకయ్యావు’ అని మెదక్ పార్లమెంట్ బీజేపీ అభ్యర్థి రఘునందన్‌రావు బాధను వ్యక్తం చేశారు. సోమవారం నామినేషన్ వేసిన అనంతరం విలేఖరులతో మాట్లాడుతూ కేంద్ర నిధులు గ్రామపంచాయతీలకు నేరుగా ఢిల్లీ నుండి సర్పంచ్ ఖాతాల్లో పడుతుందన్నారు. అప్పుడు దళారులు, బ్రోకర్ల వ్యవస్థ ఉండదని తెలిపారు. మూతపడిన ఎన్‌డీఎస్‌ఎల్ తెరవాలన్నదే లక్ష్యం. ఆరు లైన్ల జాతీయ రహదారులు పూర్తి అవుతాయని తెలిపారు.

దేశం చూపు తెలంగాణ వైపు

సైదాపూర్, మార్చి 25: బీజేపీ, కాంగ్రెస్‌లను ప్రజలు నమ్మరని, జనమంతా కారు వైపే ఉన్నారని వైద్య, ఆరోగ్య శాఖ మంత్రి ఈటల రాజేందర్ అన్నారు. సోమవారం కరీంనగర్ జిల్లా సైదాపూర్ మండలం వెనె్కపల్లి, సైదాపూర్ గ్రామాల్లో పార్లమెంటు ఎన్నికల ప్రచారంలో భాగంగా టీఆర్‌ఎస్ ఎంపీ అభ్యర్థి బోయినిపల్లి వినోద్ కుమార్ ప్రచారంలో రోడ్‌షో దాదాపు 8 వేల మందితో ర్యాలీ తీశారు. ఈ సందర్భంగా ఆయన మాట్లాడుతూ తెలంగాణ రావడంలో కేసీఆర్‌తో కలిసి జాతీయ పార్టీలను దేశంలోని వివిధ ప్రాంతీయ పార్టీలతో సిఎం కేసిఆర్‌తో కలిసి వినోద్ కుమార్ ఢిల్లీలో చక్రం తిప్పి తెలంగాణను సాధించడంలో ముఖ్య పాత్ర పోషించారన్నారు.

పసుపు బోర్డు ఏర్పాటు చేస్తాం

ఆర్మూర్, మార్చి 25: కేంద్రంలో మే 23వ తేదీ తర్వాత నరేంద్ర మోదీ నాయకత్వంలో ఎన్‌డీఏ ప్రభుత్వం ఏర్పడడం ఖాయమని, ఈ విషయం ప్రతిపక్షాలకు కూడా తెలుసునని బీజేపీ జాతీయ ప్రధాన కార్యదర్శి, మేనిఫెస్టో కమిటీ సభ్యుడు రాంమాధవ్ అన్నారు. అవినీతి రహిత పాలన, సుస్థిర, కుంభకోణాలు లేని పాలన అందిస్తున్న మోదీకి దేశ ప్రజలందరూ మద్దతు తెలుపుతున్నారని ఆయన చెప్పారు. సోమవారం రాత్రి ఆర్మూర్‌లో కమల విజయభేరి పేరిట జరిగిన బహిరంగ సభలో ఆయన ముఖ్యఅతిథిగా విచ్చేసి ప్రసంగించారు. పసుపు, ఎర్రజొన్న, చెరుకు రైతులను ఆదుకోవడానికి ప్రత్యేక చర్యలు తీసుకోవాలని నిర్ణయించామని అన్నారు.

పట్ట్భద్రుల ఎమ్మెల్సీ ఎవరో తేలేది నేడే!

విజయవాడ: ఆరేళ్లు అధికారంలో కొనసాగే కృష్ణా - గుంటూరు పట్ట్భద్రుల నియోజకవర్గ ఎమ్మెల్సీ ఎవరనేది మరికొన్ని గంటల్లోనే తేలనుంది. ఎలక్ట్రానిక్ ఓటింగ్ కాకపోవటం, 40మంది అభ్యర్థులు ఎన్నికల బరిలో నిలవడం, అనేక మడతలతో కూడిన బ్యాలెట్ పత్రాలను చక్కగా విడదీసి కట్టలు కట్టడానికే కొన్ని గంటల సమయం పడుతుంది. ఆపై ప్రతి ఓటును నిబంధనల ప్రకారం ఒకటికి పదిసార్లు పరిశీలించాల్సి ఉంది. పోలైన వాటిలో 50శాతం ఓట్లు ఏ ఒక్క అభ్యర్థికైనా మొదటి ప్రాధాన్యత ఓటుగా లభిస్తే గెలుపొందినట్లు ప్రకటిస్తారు.

మోదీతోనే దేశం సుభిక్షం

మచిలీపట్నం: దేశం సుభిక్షంగా ఉండాలంటే కేంద్రంలోనూ, రాష్ట్రంలోనూ బీజేపీ అధికారంలోకి రావల్సిన అవసరం ఎంతైనా ఉందని బందరు పార్లమెంట్ నియోజకవర్గ బీజేపీ అభ్యర్థి గుడివాక అంజిబాబు పేర్కొన్నారు. సోమవారం ఆయన పార్లమెంట్ నియోజకవర్గ అభ్యర్థిగా అంజిబాబు బందరు అసెంబ్లీ అభ్యర్థి పంతం వెంకట గజేంద్రరావుతో కలిసి కలెక్టరేట్‌లో రిటర్నింగ్ అధికారి, జిల్లా కలెక్టర్ ఎఎండి ఇంతియాజ్‌కు తన నామినేషన్ పత్రాలను అందచేశారు. పార్టీ నాయకులు, కార్యకర్తలతో కలిసి భారీ ఊరేగింపుగా నామినేషన్ కార్యక్రమానికి అంజిబాబు తరలి వచ్చారు. నామినేషన్ దాఖలు అనంతరం ఆయన మీడియాతో మాట్లాడుతూ ప్రధాని నరేంద్ర మోదీ ధీశాలి అన్నారు.

వచ్చేది సంక్షేమ రాజ్యమే

మచిలీపట్నం: బందరు పార్లమెంట్, అసెంబ్లీ నియోజకవర్గ వైఎస్‌ఆర్ సీపీ అభ్యర్థులైన వల్లభనేని బాలశౌరి, పేర్ని వెంకట్రామయ్య (నాని)ల నామినేషన్లకు జనం కదిలి వచ్చారు. గతంలో ఎన్నడూ లేని విధంగా వేలాది మంది ప్రజలు వీరి నామినేషన్ కార్యక్రమానికి తరలి వచ్చారు. మచిలీపట్నం అసెంబ్లీ నియోజకవర్గం నుండే కాకుండా పార్లమెంట్ పరిధిలోని ఏడు అసెంబ్లీ నియోజకవర్గాల నుండి ప్రజలు భారీగా తరలి వచ్చారు.

కుమ్మక్కు రాజకీయాలు మా విజయానికి అడ్డుకాదు

మైలవరం: అపవిత్ర పొత్తులు, కుమ్మక్కు రాజకీయాలు తమ పార్టీ విజయాన్ని అడ్డుకోలేవని వైకాపా మైలవరం అసెంబ్లీ అభ్యర్థి వసంత వెంకట కృష్ణ ప్రసాద్(కేపీ) ధీమా వ్యక్తం చేశారు. సోమవారం స్థానిక పార్టీ కార్యాలయంలో ఏర్పాటు చేసిన విలేఖర్ల సమావేశంలో ఆయన మాట్లాడుతూ గ్రామాలలో తమ పర్యటనలో ప్రజల నుండి వస్తున్న స్పందన చూస్తుంటే వారి మద్దతు తమకే ఉందన్నారు. ఏ గ్రామానికి వెళ్ళినా ప్రజల నుండి తమకు అపూర్వమైన స్పందన లభిస్తుందని, బ్రహ్మరధం పడుతున్నారన్నారు.

అట్టహాసంగా జనసేన అభ్యర్థి అక్కల నామినేషన్ దాఖలు

మైలవరం: మైలవరం నియోజకవర్గ అసెంబ్లీకి వామపక్షాలు బలపరిచిన జనసేన అభ్యర్థి అక్కల రామ్మోహనరావు(గాంధీ) సోమవారం అట్టహాసంగా తన నామినేషన్ దాఖలు చేశారు. ఇబ్రహీంపట్నం మండలం కొండపల్లిలోని తన నివాస గృహం నుండి భారీ బైక్ ర్యాలీగా మైలవరం తరలివచ్చి రెండు గంటల సమయంలో రెండుసెట్ల నామినేషన్ పత్రాలను ఎన్నికల అధికారి సలాంకు అందించారు. అనంతరం ఆయన మాట్లాడుతూ రాష్ట్రంలో రాజకీయ ప్రత్యామ్నాయం కోసం ప్రజలు ఎదురు చూస్తున్నారని పవన్ కల్యాణ్ రాకతో ఆ లోటును భర్తీ చేస్తాడని ప్రజలు ఆనందంతో ఉన్నారన్నారు. ప్రజలనుండి వస్తున్న స్పందనకు జనసేనకు పట్టం కట్టేందుకు సిద్ధంగా ఉన్నట్లు స్పష్టమైందన్నారు.

నీతివంతమైన పాలన మోదీ కే సాధ్యం

నూజివీడు: దేశంలో నీతివంతమైన పాలన ప్రధానమంత్రి నరేంద్రమోదీ వల్లే సాధ్యం అవుతుందని మాజీ శాసనసభ్యుడు, ఏలూరు పార్లమెంట్ బీజేపీ అభ్యర్థి చిన్నం రామకోటయ్య చెప్పారు. ఎంపీ అభ్యర్ధిగా సోమవారం నామినేషన్ దాఖలు చేసిన అనంతరం ఆయన నూజివీడు విలేఖరులతో మాట్లాడుతూ 2009లో నూజివీడులో శాసనసభ్యునిగా పనిచేసి, ప్రజలకు అందుబాటులో ఉన్నానని చెప్పారు. ప్రస్తుతం పార్లమెంట్ ఎన్నికలలో పోటీ చేసి బీజేపిని విజయ పథం వైపు తీసుకువెళ్ళాలనే కాంక్షతో ఎన్నికల బరిలోకి దిగానని అన్నారు. దేశంలో ప్రధానమంత్రి నరేంద్రమోదీ నీతి వంతమైన పాలన అందించటంతో పాటు ప్రపంచంలో దేశాన్ని అన్ని రంగాల్లో ముందుంచేందుకు కృషి చేస్తున్నారని అన్నారు.

Pages