రాష్ట్రీయం
ఐదుగురిని చంపేశాడు
S ,7 à 8 RSCA (si SASPAS) et 6 cialis pharmacie cialis rapports de stage.
ఖమ్మం, జూలై 26: ఆర్థిక ఇబ్బందులు తాళలేక కుటుంబాన్ని అంతం చేసి తానూ ఆత్మహత్యకు పాల్పడ్డాడు ఓ కుటుంబంలోని పెద్ద కొడుకు. ఖమ్మం జిల్లా జీళ్లచెరువు గ్రామంలో ఈ దుర్ఘటన సంచలనమైంది. కుటుం బ సమస్యలను తట్టుకోలేక తల్లితండ్రులు, భార్య, కూతుళ్లును మట్టుబెట్టి పాలేరు రిజర్వాయర్ కాల్వలోకి తోసేశాడు. అనంతరం తానూ ఆత్మహత్య కు పాల్పడ్డాడు. ఆరుగురి మృతదేహాలు పాలేరు రిజర్వాయర్ కాలువలో బుధవారం ఉదయం బయటపడ్డాయి. పోలీసుల కథనం ప్రకారం జీళ్ళచెరువుకు చెందిన షేక్ పెంటుసాహెబ్ (55) పెద్ద కొడుకు సలీంతో కలిసి ఉంటున్నాడు. ఆర్థిక సమస్యలతో కొంతకాలంగా సతమతమవుతున్న కుటుంబంలో మనస్పర్థలు చెలరేగాయి. పెద్ద కొడుకైన సలీం ఇంట్లో ఇబ్బందులను తట్టుకోలేక, సమస్యల పరిష్కారానికి పూజ చేద్దామంటూ నమ్మించి పాలేరు కాల్వకు తీసుకెళ్లాడు. తల్లిదండ్రులు, భార్య, సంతానాన్ని కాల్వలోకి తోసేసి, తానూ ఆత్మహత్యకు పాల్పడ్డాడు. ఘటనలో షేక్ పెంటు సాహెబ్ (55), అతడి భార్య మహెబూబా (50), పెద్ద కొడుకు సలీం (30), కోడలు రజియా (27), మనవరాళ్లు నసీమా (7), షాహనాజ్ (5)లు మృతిచెందారు. సలీం సోదరుడు బాబా బతికిపోయాడు. పోలీసుల కథనం ప్రకారం ఇంట్లో సమస్యలు సమసిపోడానికి పూజలు చేద్దామని కుటుంబాన్ని నమ్మించిన సలీం, అందర్నీ గ్రామానికి 10 కిలోమీటర్ల దూరంలోని పాలేరు రిజర్వాయర్ వద్దకు మంగళవారం అర్ధరాత్రి తీసుకెళ్లాడు. పూజాసామగ్రి తేవాలంటూ తమ్ముడు బాబాను తిరిగి ఇంటికి పంపాడు. ఇంటికి తిరిగి వచ్చిన తమ్ముడు ఇంటిదగ్గర ఆత్మహత్య చేసుకుంటున్నామని రాసిన లేఖను చూసి వెంటనే సంఘటనా స్థలానికి చేరుకున్నా అప్పటికే దారుణం జరిగిపోయింది. కుటుంబ సభ్యుల కాళ్లు, చేతులు కట్టేసి కాలువలోకి తోసేసిన సలీం తాను కూడా అదే కాలువలోకి దూకి ఆత్మహత్య చేసుకున్నాడు. కాలువలోకి తోసేసే ముందు కుటుంబ సభ్యులకు మత్తుమందు ఇచ్చి ఉంటాడని పోలీసులు అనుమానిస్తున్నారు. పెంటుసాహెబ్ కుటుంబం అంతా ఒకేసారి మరణించడంతో గ్రామంలో విషాద ఛాయలు అలుముకున్నాయి. ఖమ్మం పోలీస్ కమిషనర్ తఫ్సీర్ ఇక్బాల్, ఎసిపి సురేష్‌కుమార్‌లు సంఘటనా స్థలానికి చేరుకొని పరిస్థితులను సమీక్షించి విచారణ జరిపారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.