జాతీయ వార్తలు
జార్ఖండ్‌లో వరద ఉధృతి
S ,7 à 8 RSCA (si SASPAS) et 6 cialis pharmacie cialis rapports de stage.
లోహర్‌దాగా, జూలై 26: జార్ఖండ్‌లో వరదలు విశ్వరూపం ప్రదర్శిస్తున్నాయ. లోహర్‌దాగా జిల్లాలోని కోయెల్ నది ప్రవాహంలో ఓ అంబులెన్స్ కొట్టుకుపోయింది. అంబులెన్స్‌లో ఒకే కుటుంబానికి చెందిన నలుగురు వ్యక్తులున్నట్టు అధికారులు వెల్లడించారు. బుధవారం తెల్లవారుజామున ఈ విషాదం చోటుచేసుకుంది. పక్షవాతానికి గురైన ఓ ఉపాధ్యాయుడు, ముగ్గురు వ్యక్తులు అంబులెన్స్‌తోపాటు కొట్టుకుపోయారని వారన్నారు. అయితే అంబులెన్స్ డ్రైవర్ మాత్రం ప్రమాదం నుంచి బయటపడ్డాడు. కోయెల్ నది ఉద్ధృతంగా ప్రవహిస్తోంది. అంబులెన్స్ కోయెల్ వంతెనపై నుంచి వెళ్తుండగా ఒక్కసారిగా ఇంజన్ ఆగిపోయింది. ఆ సమయంలో వాహనంలో ఆరుగురున్నారు. డ్రైవర్, టీచర్ బంధువు అంబులెన్స్‌ను తోయడానికి కిందకు దిగారు. అప్పటికే ప్రమాదం స్థాయిలో ప్రవహిస్తున్న కోయెల్ నది మరింద ఉగ్రరూపం దాల్చింది. అంతే ఒక్కసారిగా అంబులెన్స్ వరదలో కొట్టుకుపోయింది. డ్రైవర్‌తోపాటు ఒక వ్యక్తి బయపడగా నలుగురు వాహనంలోనే ఉండిపోయి ప్రమాదం బారిన పడ్డారని జిల్లా పోలీసు సూపరింటిండెంట్ కార్తిక్ వెల్లడించారు. సితోయా వంతెనపై తెల్లవారు జామున 2.30 గంటలకు ఈ ఘటన చోటుచేసుకుందని అన్నారు. బాధితులందరూ దల్తోన్‌గంజ్‌లోని ఛిన్‌పూర్ నుంచి రాంచీ వస్తున్నట్టు ఎస్‌పి చెప్పారు. ప్రమాద వార్త తెలిసిన 15 నిముషాల్లోనే సహాయక బృందాలు సంఘటనా స్థలానికి చేరుకుని గాలింపు చర్యలు చేపట్టినా ఫలితం దక్కలేదని డిప్యూటీ పోలీసు కమిషనర్ వినోద్ కుమార్ తెలిపారు. అయితే అంబులెన్స్ డ్రైవర్, టీచర్ బంధువు రాకేష్ రజక్‌లను రక్షించినట్టు ఆయన స్పష్టం చేశారు. పక్షవాతంతో బాధపడుతున్న ఉపాధ్యాయుడు ప్రసాద్, ఆయన బంధువులు శాంతిదేవి (50), కుశాల్ కిశోర్ (28), అశాప్రియ (18) అంబులెన్స్‌తోసహా కొట్టుకుపోయారని కమిషనర్ చెప్పారు. వరద ఉద్ధృతిగానే ఉందని, అయితే రోగి బంధువులు వత్తిడి చేయడంతో ముందుకు వెళ్లాల్సి వచ్చిందని అంబులెన్స్ డ్రైవర్ చెప్పాడు. వరద ఉద్ధృతి కారణంగా జిల్లాలో బుధవారం విద్యాసంస్థలకు సెలవు ప్రకటించారు.
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.