రాష్ట్రీయం
టెన్షన్‌తో వచ్చి..నవ్వుతూ వెళ్లిన చార్మి
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, జూలై 26: టాలీవుడ్‌లో హాట్ టాపిక్‌గా మారిన డ్రగ్స్ వ్యవహారంలో విచారణ కొనసాగుతోంది. బుధవారం సిట్ అధికారులు నటి చార్మిపై ప్రశ్నల వర్షం కురిపించారు. సిట్ అధికారుల నాలుగు ప్రశ్నలే చార్మిని చుట్టేశాయి. దాదాపు ఆరున్నర గంటల పాటు సాగిన విచారణలో డ్రగ్స్ అలవాటు ఉందా? కెల్విన్‌తో సంబంధం ఉందా? డ్రగ్స్ ఎవరెవరికి సరఫరా అవుతున్నాయి? కీలక సూత్రధారులెవరు? అనే ప్రశ్నలు చార్మిని ఉక్కిరిబిక్కిరి చేశాయి. ఇదిలావుండగా కెల్విన్‌తో వాట్సాప్‌లో సంభాషణలు జరిగిన ఫుటేజీని సిట్ అధికారులు చార్మి ఎదుట ప్రదర్శించినట్టు తెలిసింది. కెల్విన్‌ను దాదా అని సంబోధిస్తూ..సంభాషణలు విన్న చార్మి ఒక్కసారిగా షాక్‌కు గురైనట్టు తెలుస్తోంది. ఇదిలావుండగా టెన్షన్‌తో సిట్ కార్యాలయానికి చేరుకున్న చార్మి..వెళ్లేటప్పుడు మాత్రం నవ్వుతూ వెళ్లినట్టు సిట్ అధికారులు తెలిపారు. చార్మి విచారణకు సహకరించాలని సిట్ పేర్కొంది. అయితే ఈ కేసులో చార్మిని కేవలం సాక్షిగానే విచారించామని సిట్ అధికారులు తెలిపారు. ఇలా ఉండగా, ఎన్‌ఫోర్స్‌మెంట్ డైరెక్టర్ అకున్ సబర్వాల్‌కు వస్తున్న బెదిరింపు కాల్స్ సంచలనం సృష్టిస్తున్నాయి. డ్రగ్స్ మాఫియాను కూకటివేళ్లతో సహ తొలగించేందుకు నడుంబిగించిన అకున్ సబర్వాల్ బుల్లెట్‌లా దూసుకుపోతున్నారు. అనుమానితులను సాక్ష్యాధారాలతో ఆరా తీస్తుండగా ఓ వైపు సినీ ప్రముఖులు, మరో వైపు వ్యాపారవేత్తలు ఖంగుతింటున్నారు. ఈ కేసు వ్యవహారంలో రోజుకో కొత్తపేరు వెలుగులోకి వస్తుంది. దీంతో అకున్ సబర్వాల్‌కు బెదిరింపులు పెరిగాయి. ఈ విషయాన్ని డిజిపి అనురాగ్‌శర్మ దృష్టికి కూడా వెళ్లింది. దీంతో డిజిపి అకున్‌కు భద్రతా ఏర్పాట్లు చేపట్టారు. ఇదిలావుండగా తన భర్తపై వస్తున్న బెదిరింపులపై ఆయన భార్య ఐఏఎస్ అధికారిణి స్మితా సబర్వాల్ స్పందించారు. తన భర్తకు ఏమైనా జరిగితే..ఊరుకునేది లేదని, ఎవరినీ వదిలిపెట్టనని ఆమె సహచరులతో అన్నట్టు తెలిసింది. ఓ మంచి పనికి సహకరించాల్సింది పోయి..హీనంగా బెదిరింపులకు పాల్పడడం ఏమిటని ప్రశ్నించినట్టు సమాచారం.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.