రాష్ట్రీయం
గల్ఫ్ బాధితులను ఆదుకోరా?
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, జనవరి 2: గల్ఫ్ బాధితుల కష్టాలను తీర్చడంలో టీఆర్‌ఎస్ సర్కార్ పూర్తిగా విఫలమైందని, గల్ఫ్ బాధితులను ఆదుకునేందుకు కేసీఆర్ ప్రభుత్వం ఎలాంటి చర్యలూ చేపట్టకపోవడం దారుణమని బిజెపి రాష్ట్ర అధ్యక్షుడు డాక్టర్ కె లక్ష్మణ్ విమర్శించారు. గల్ఫ్ బాధితుల వెతలపై ఆయన గవర్నర్ నరసింహన్‌ను కలిసి వినతి పత్రం అందించిన తర్వాత మీడియాతో మాట్లాడారు. తెలంగాణ రాష్ట్రం నుండి 10 లక్షల మంది గల్ఫ్ దేశాల్లో పనిచేస్తున్నారని, ఇక్కడ ఉపాధి, ఉద్యోగ అవకాశాలు లేక చాలా మంది తెలుగువాళ్ల వలస బాట పడుతున్నారని అక్కడ వారి జీవితాలకు భద్రత లేకుండా పోయిందని ఆయన పేర్కొన్నారు. సమస్యలను విన్న తర్వాత గవర్నర్ నరసింహన్ కూడా సానుకూలంగా స్పందించారు. ఏజెంట్ల బారిన పడి మోసపోయిన వారు, వివిధ దేశాలకు వలస పోయి తిరిగి వచ్చిన వారు అప్పుల బాధలు భరించలేక ఆత్మహత్యలకు పాల్పడుతున్నారని, ఈ రాష్ట్ర ప్రభుత్వం గల్ఫ్ బాధితులకు ఎందుకు సాయం అందించడం లేదని లక్ష్మణ్ ప్రశ్నించారు.
టిఆర్‌ఎస్ అధికారంలోకి వస్తే బొగ్గుబాయి, దుబాయి, మంబాయి వలసలుండవని ప్రచారం చేసిన కేసీఆర్ అధికారంలోకి వచ్చిన తర్వాత గల్ఫ్ బాధితులకు ఎలాంటి అవకాశాలు కల్పించకపోగా, కనీసం మూతపడ్డ పరిశ్రమలను కూడా తెరిపించలేకపోయారని అన్నారు. కేరళ, పంజాబ్ తరహాలో ఎన్‌ఆర్‌ఐ పాలసీ తీసుకువస్తామని 2014లో టిఆర్‌ఎస్ హామీ ఇచ్చిందని, ఆ దిశగా ప్రభుత్వం ఎలాంటి చర్యలు చేపట్టలేదని ఆరోపించారు. గల్ఫ్ దేశాల్లో అలాగే గల్ఫ్ నుండి తిరిగి వచ్చి మృతి చెందిన వారి కుటుంబాలకు ఆరు లక్షలు చొప్పున పరిహారం చెల్లించి , బాధిత కుటుంబాల్లో ఒకరికి ప్రభుత్వ ఉద్యోగం ఇవ్వాలని లక్ష్మణ్ డిమాండ్ చేశారు. గల్ఫ్ బాధితులకు ఆరోగ్యశ్రీ పథకం వర్తింపచేయాలని, రేషన్ కార్డుల నుండి వారి పేర్లను తొలగించకుండా చర్యలు తీసుకోవాలని డిమాండ్ చేశారు. సెక్రటేరియట్‌లో గల్ఫ్ బాధితులకు ఒక సెల్ కూడా లేదని, గల్ఫ్ బాధితుల సమస్యల పరిష్కారానికి కేంద్ర విదేశాంగ మంత్రి సుష్మాస్వరాజ్ ఎప్పటికపుడు తగిన చర్యలు తీసుకుంటున్నారని , వేలాది మంది బాధితులకు రక్షణగా నిలిచి సమస్యలు పరిష్కరించారని అన్నారు. అధికార ప్రతినిధి ఎన్ వి సుభాష్, మీడియా కమిటీ కన్వీనర్ వి సుధాకర్ శర్మ, కిసాన్‌మోర్చ రాష్ట్ర ప్రధానకార్యదర్శి నర్సింహ నాయుడు తదితరులు ఆయన వెంట ఉన్నారు.
చిత్రం..గల్ఫ్ బాధితుల వెతలపై గవర్నర్ నరసింహన్‌ను కలిసి వినతిపత్రం అంద జేస్తున్న బీజేపీ రాష్ట్ర అధ్యక్షుడు డాక్టర్ లక్ష్మణ్
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.