జాతీయ వార్తలు
వణుకుతున్న ఢిల్లీ
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, జనవరి 22: ఏడాది ఆరంభంలోనే దేశ రాజధాని ఢిల్లీని డెంగ్యూ వణికిస్తోంది. వారం వ్యవధిలో ఇప్పటికే మూడు డెంగ్యూ కేసులు నమోదయ్యాయి. డెంగ్యూలాంటి వెక్టర్-బోర్న్ డిసీజెస్ సాధారణంగా జూలై రెండోవారం నుంచి నవంబర్ చివరి మధ్య నమోదవుతుంటాయి. ఒక్కోసారి డిసెంబర్ వరకూ కూడా ఇలాంటి పరిస్థితులు కనిపిస్తూ ఉండొచ్చు. ‘జనవరి 20 వరకూ మూడు డెంగ్యూ కేసులు నమోదయ్యాయి. అయితే, మలేరియా, చికెన్ గున్యా కేసులో నమోదైన దాఖలాలు లేవు’ అని ఢిల్లీ మున్సిపల్ వైద్యాధికారులు విడుదల చేసిన ప్రకటనలో పేర్కొన్నారు. నిజానికి జనవరి 13 వరకూ ఎలాంటి కేసులు నమోదు కాలేదని, వారం వ్యవధిలోనే ముగ్గురు డెంగ్యూ బారిన పడినట్టు వైద్యాధికారులు పేర్కొన్నారు. దక్షిణ ఢిల్లీ మున్సిపల్ కార్పొరేషన్ అధికారుల లెక్కల ప్రకారం గత ఏడాది ఢిల్లీలో 9,271 మంది డెంగ్యూ బారిన పడ్డారు. ఈ ప్రాణాంతక వ్యాధికి పదిమంది ప్రాణాలు కోల్పోతే, వారిలో ఐదుగురు ఢిల్లీయేతరవాసులు. మున్సిపల్ అధికారుల లెక్కల ప్రకారం నలుగురే చనిపోయినట్టు గుర్తించినా, ప్రయివేట్ ఆస్పత్రుల్లో అనేక మరణాలు డెంగ్యూ కారణంగానే అని నమోదయ్యాయి. అన్నీ డెంగ్యూ మరణాలే కాకున్నా, దోమనుంచి వ్యాప్తిచెందే చికెన్‌గున్యా, మలేరియా వ్యాధులవల్లా ఈ మరణాలు చోటుచేసుకున్నట్టు తెలుస్తోంది.
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.