రాష్ట్రీయం
జీడీపీ హైస్పీడ్
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్: తెలంగాణ రాష్ట్రం అవతరించిన నాలుగేళ్లలోపలే జిడిపిలో 14.1 శాతం వృద్ధిరేటును సాధించింది. 2016-17లో రాష్ట్ర జిడిపి రూ. 6,41,985 కోట్లు ఉంటే, 2017-18లో ఈ మొత్తం రూ.7,32,657 కోట్లకు చేరుకుంది. జాతీయ జిడిపిలో తెలంగాణ రాష్ట్ర జిడిపి వాటా 2013-14లో 4.02 శాతం ఉంటే, 2017-18లో రాష్ట్ర వాటా 4.37 శాతానికి పెరిగింది. ఈ వివరాలను రాష్ట్రప్రణాళిక శాఖ 2018 సంవత్సరానిక ప్రచురించిన సామాజిక ఆర్థిక అవుట్‌లుక్ సర్వేలో వెల్లడించింది. రాష్ట్ర తలసరి ఆదాయం 2017-18లో 1,75,534 ఉంటే, 2016-17లో రూ. 1,54,734 నమోదైంది. తలసరి ఆదాయం 13.4 శాతం పెరిగింది. జాతీయ తలసరి ఆదాయం 2017-18లో రూ.1,12,764 నమోదైంది. జాతీయ తలసరి ఆదాయంపై తెలంగాణ ఆదాయం 8.6 శాతం ఎక్కువ. దీని ద్వారా రాష్ట్ర తలసరి ఆదాయ వృద్ధి, జాతీయ తలసరి ఆదాయ వృద్ధి కంటే ఎక్కువు వేగంగా పెరుగుతోంది. దేశం మొత్తం మీద ఆర్థికంగా వేగంగా ఎదుగుతున్న రాష్ట్రం తెలంగాణ. రాష్ట్ర ఆర్థిక రంగంలో స్థిర ధరలో సగటున 9 శాతం వృద్ధిరేటు నమోదైంది. పెద్ద నోట్ల రద్దు, వస్తు సేవల పన్ను ప్రవేశపెట్టడం వంటి కారణాల వల్ల దేశ ఆర్థిక వ్యవస్థలో వృద్ధిరేటు మందగించింది. కాని ఆర్థికాభివృద్థిలో జాతీయ రేటు 2015-16లో 8.2 శాతం, 2016-17లో 7.1 శాతం, 2017లో 6.6 శాతంగా నమోదైంది. ఆర్థికాభివృద్ధిలో జాతీయ మందగమనానికి భిన్నంగా తెలంగాణ రాష్ట్రంలో వృద్ధిరేటు నిలకడగా ముందుకు సాగుతోంది. 2015-16లో వృద్ధిరేటు 8.6 శాతం, 2016-17లో 10.1 శాతం, 2017-18లో 10.4 శాతం నమోదైంది. వ్యవసాయ అనుబంధ రంగాల్లో వృద్ధిరేటు 9.8 శాతం, పారశ్రామిక రంగంలో 8.6 శాతం నమోదైంది. ఈ ఏడాది పత్తి పంట దిగుబడి 43.32 లక్షల బేళ్లు ఉంటుందని అంచనా. గత సంవత్సరం 34.44 లక్షల బేళ్ల పత్తి దిగుబడి అయింది. వ్యవసాయ రంగానికి 24 గంటల విద్యుత్ సరఫరా, సాగునీటి రంగాల్లో ప్రగతి, వ్యవసాయ రుణాల మాఫీ, వ్యవసాయ రంగ యాంత్రీకరణ, సూక్ష్మ నీటిపారుదల విధానాల వల్ల భవిష్యత్తులో దిగుబడి పెరుగుతుందని అంచనా వేశారు. రాష్ట్ర జనాభాలో 11 శాతం మందికి అంటే దాదాపు 38.87 లక్షల మందికి ఆసరా పెన్షన్ల ద్వారా లబ్ధి చేకూరుతుందని సామాజిక, ఆర్థిక అవుట్‌లుక్‌లో పేర్కొన్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.