అంతర్జాతీయం
బేషరతు చర్చలకు సిద్ధం
S ,7 à 8 RSCA (si SASPAS) et 6 cialis pharmacie cialis rapports de stage.
భారత్‌కు సంకేతాలు పంపిన పాక్ ప్రధాని
వలెట్టా, నవంబర్ 28; ఉపఖండంలో సుస్థిర శాంతి కోసం భారత్‌లో బేషరతుగా చర్చలు జరపడానికి పాకిస్తాన్ సిద్ధంగా ఉందని పాక్ ప్రధాని నవాజ్ షరీఫ్ చెప్పారు. మాల్టాలోని వలెట్టాలో కామనె్వల్త్ దేశాధినేతల సమావేశం (చోగమ్) సందర్భంగా శుక్రవారం బ్రిటీష్ ప్రధాని డేవిడ్ కామెరాన్‌తో సమావేశం సందర్భంగా షరీఫ్ ఈ విషయం చెప్పినట్లు పాకిస్తాన్ టీవీ న్యూస్ చానల్ ‘జియో న్యూస్’ పేర్కొంది. భారత్, అఫ్గానిస్థాన్ సహా తన పొరుగుదేశాలన్నిటితో స్నేహపూర్వక సంబంధాలను కొనసాగించాలన్నదే పాక్ ఉద్దేశమని షరీఫ్ చెప్పినట్లు ఆ చానల్ తెలిపింది. సరిహద్దుల్లో పాక్ సైన్యాలు తరచూ కాల్పుల విరమణ ఓప్పందాన్ని ఉల్లంఘించడంపై ఇరు దేశాల మధ్య సంబంధాలు దెబ్బతిన్న విషయం తెలిసిందే. గత ఆగస్టులో న్యూఢిల్లీలో జరగాల్సిన ఇరు దేశాల జాతీయ భద్రతా సలహాదారుల భేటీ సైతం అజెండాపై వివాదం కారణంగా రద్దయిన విషయం తెలిసిందే. దేశంలో ఉగ్రవాద దాడులపై చర్చ జరగాలని భారత్ కోరగా, కాశ్మీర్‌పై చర్చించాలని పాక్ పట్టుబట్టడమే ఈ చర్చలు రద్దు కావడానికి ప్రధాన కారణం. పారిస్‌లో ఇటీవల జరిగిన ఉగ్రవాద దాడుల పట్ల పాక్ తీవ్రంగా బాధపడుతోందని, ఉగ్రవాదానికి బలవుతున్న దేశంగా ఫ్రాన్స్ ప్రజల బాధలను తాము అర్థం చేసుకోగలమని షరీఫ్ కామెరాన్‌తో అన్నారు. ఉగ్రవాదం, వ్యవస్థీకృత నేరాలు, అక్రమ వలసలు లాంటి ఉమ్మడి ముప్పులను తిప్పి కొట్టడానికి కలిసి పని చేయాలన్న కృతనిశ్చయాన్ని ఈ సందర్భంగా ఇరువురు ప్రధానులు పునరుద్ఘాటించారు. కాగా, తమ గడ్డపైనుంచి తీవ్రవాదం, ఉగ్రవాదాన్ని పూర్తిగా నిర్మూలించడానికి పాక్ చేస్తున్న కృషిని ఈ సందర్భంగా కామెరాన్ ప్రశంసించారు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.