రాష్ట్రీయం
సచివాలయంలో ఖాళీగా ఉన్న ఏపీ భవనాలను ఇవ్వండి
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, ఏప్రిల్ 20: హైదరాబాద్ సచివాలయంలో ఆంధ్రాకు కేటాయించిన సచివాలయ భవనాలను తమకు ఇస్తే ఉపయోగించుకుంటామని, ఈ విషయమై సానుకూలంగా స్పందించాలని తెలంగాణ ప్రభుత్వం కోరనుంది. గతంలో తెలంగాణ ప్రభుత్వం సచివాలయంలో ఖాళీగా ఉన్న ఆంధ్ర సచివాలయ భవనాలను తమకు ఇవ్వాలని కోరగా, ఇంతవరకు ఏపీ ప్రభుత్వం ఎటువంటి నిర్ణయం తీసుకోలేదు. హైదరాబాద్ ఉమ్మడి రాజధానిగా పదేళ్లపాటు వినియోగించుకునే హక్కు చట్టరీత్యా ఉండడం, ఈ భవనాలనుతెలంగాణకు అప్పగిస్తే రాజకీయంగా దుమా రం తలెత్తుతుందనే ఉద్దేశ్యంతో ఏపీ ప్రభుత్వం ఉన్న ట్లు సమాచారం. ఏపీ పునర్విభజన చట్టంలో పేర్కొ న్న నిబంధనకు అనుగుణంగా ఇక్కడ సచివాలయా న్ని జనాభా నిష్పత్తి 42:58 మేరకు భవనాలను రెండు రాష్ట్రాలకు పంచారు. సచివాలయం మొత్తం 25.5 ఎకరాల విస్తీర్ణంలో విస్తరించి ఉంది. ఇక్కడ 9.6 చదరపు అడుగుల స్ధలంలో భవనాలు ఉన్నాయి. ఆంధ్రాకు 15.21 ఎకరాలు కేటాయించగా, 5.31 లక్షల చదరపుఅడుగుల విస్తీర్ణంలో భవనాలను కేటాయించారు. తెలంగాణకు 10.29 ఎకరాలను కేటాయించారు. ఇందులో 3.85 లక్షల చదరపుఅడుగుల విస్తీర్ణంలో భవనాలు ఉన్నాయి. సచివాలయంలో మొత్తం పది బ్లాక్‌లు ఉన్నాయి. ఇందులో నాలుగు బ్లాక్‌లను తెలంగాణకు, ఐదు బ్లాక్‌లను ఆంధ్రాకు కేటాయించా రు. ఒక బ్లాక్‌లో హెరిటేజ్ నిర్మాణం ఉంది. దీనిపై కేంద్రం ఎటువంటి నిర్ణయం తీసుకోలేదు. తెలంగాణకు కేటాయించిన ఏ బ్లాక్ 46,500 చదరపు అడుగులు, బీ బ్లాక్ 36,750 చదరపు అడుగులు, సీ బ్లాక్ 55,800 చదరపు అడుగులు, డీ బ్లాక్ 2.46 లక్షల చదరపుఅడుగుల్లో విస్తరించి ఉంది. ఆంధ్రాకు కేటాయించిన హెచ్ సౌత్ బ్లాక్ 59,870 చదరపు అడుగులు, హెచ్ నార్త్‌బ్లాక్ 79,828 చదరపు అడుగులు, జే బ్లాక్ 1.46 లక్షల చదరపు అడుగులు, కె బ్లాక్ 55,427 చదరపు అడుగులు, ఎల్ బ్లాక్ 1.89 లక్షల చదరపు అడుగుల్లో విస్తరించి ఉంది. ఏపీకి కేటాయించిన బ్లాక్‌ల్లో చాలా మటుకు వినియోగంలో లేవు. ఈ భవనాల మె యింటెనెన్స్ కూడా సరిగా లేదు. విద్యుత్, నీటి బిల్లు లు పేరుకుపోతున్నాయి. కాగా తెలంగాణలో చాలా ప్రభుత్వ కార్యాలయాలకు భవనాలు వెలుపల ఉన్నా యి. ఆంధ్ర ప్రభుత్వం ఖాళీగా ఉన్న బ్లాక్‌లను ఇస్తే, వీటిల్లోకి తెలంగాణ ప్రభుత్వ కార్యాలయాలను మా ర్చవచ్చనే యోచనతో రాష్ట్ర ప్రభుత్వం ఉంది.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.