రాష్ట్రీయం
యాంత్రికీకరణపై దృష్టి
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, జూన్ 2: సాంప్రదాయ పద్ధతిలో సాగుతున్న వ్యవసాయాన్ని యాంత్రీకరణ విధానంలోకి తేవాలని సీఎం కే.చంద్రశేఖర్ రావు సూచించారు. శనివారం ప్రగతి భవన్‌లో వ్యవసాయ అధికారులతో సీఎం సమీక్షా సమావేశం నిర్వహించారు. వ్యవసాయ మంత్రి పోచారం శ్రీనివాస్ రెడ్డి, రాష్ట్ర రైతు సమన్వయ సమితుల అధ్యక్షుడు గుత్తా సుఖేందర్ రెడ్డి, ఎంపీలు జితేందర్ రెడ్డి, బాల్క సుమన్, వ్యవసాయ శాఖ ముఖ్య కార్యదర్శి పార్ధసారథిలతో ప్రత్యేకంగా చర్చించారు. వ్యవసాయానికి ఎంతో చేస్తున్నా ఆధునిక పద్ధతుల్లో సాగక పోవడంతో ఇబ్బందులు ఉన్నాయన్నారు.
సాగుకు ఆధునికతను జోడిస్తే రైతుల భవిష్యత్ ఉజ్వలం అవుతుందన్నారు. వ్యవసాయ ప్రగతిలో ఏఈవోల పాత్ర కీలకమని, వారు అధికారుల్లా కాకుండా ప్రోత్సాహకర్తల్లా వ్యవహరించాలని సూచించారు. వ్యవసాయ విస్తరణాధికారులు ఏ పంట ఎప్పుడు వేయాలో, భూమికి ఏ పంట అనుకూలమో, ఏది వేస్తే మంచిదో అన్న విషయాలను రైతులకు తెలియజేయాలని సూచించారు. కేవలం పంటలపై సమాచారం అందించి వదిలివేయకుండా పండిన పంటకు రాష్ట్రంలో, రాష్ట్రం వెలుపల మార్కెటింగ్ సౌకర్యాల ఏర్పాట్లను కూడా ఏఈవోలు పర్యవేక్షించాలని కోరారు. రాష్ట్రం మొత్తం ప్రతి మండలంలో వ్యవసాయ యాంత్రీకరణ ముమ్మరంగా సాగేలా చూడాలన్నారు. ఆధునిక యంత్రాలు ప్రతీ రైతుకు అందుబాటులో ఉండేలా చర్యలు తీసుకోవాలని, రాబోయే బడ్జెట్‌లో యాంత్రీకరణకు నిధులుంటాయని పేర్కొన్నారు. వీటితో పాటు వ్యవసాయ అనుబంధ పరిశ్రమల ఏర్పాటుపై దృష్టి సారించాలన్నారు. రైతుల సంక్షేమానికి తీసుకుంటున్న చర్యల గురించి సమగ్ర సమాచారంతో రైతులకు అవగాహన కల్పించేందుకు వ్యవసాయ మంత్రి సంతకంతో ప్రతి రైతుకూ లేఖలు రాయాలని సూచించారు.
చిత్రం..వ్యవసాయంపై ఉన్నతాధికారులతో నిర్వహించిన సమీక్షలో మాట్లాడుతున్న సీఎం కేసీఆర్
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.