Others

తీరని దాహం

S ,7 à 8 RSCA (si SASPAS) et 6 cialis pharmacie cialis rapports de stage.

జీవితం అనుక్షణం చెలరేగే భావాలతో
సముద్రపు ఓడలా ప్రయాణిస్తుంది
దారి నిండా అలుపెరుగని పోరాటాలతో
ఆత్మ సిద్ధాంతాలపై సవారి చేస్తుంది

ప్రతిసారీ కోల్పోతున్న స్వప్నాల్ని
మళ్ళీ మళ్లీ పునరుజ్జీవింపచేయడానికి
ఉఛ్వాస నిశ్వాసాల మధ్య హృదయ
రేఖలపై జ్ఞాపకాల పొరలను
ఏర్పాటు చేసుకుంటుంది

రెక్కలు తొడిగిన ఆలోచనలతో
భవిష్యత్ ఆకాశం ఆశాజనకమైనప్పుడు
ఆనందం ఊపిరి సంతకమై
కన్నీటి కావ్యానికి భాష్యం చెబుతుంది

ఎప్పుడైతే ఆనందపు జీవితంలో
విషాదపు ఛాయలు చుట్టు ముడుతాయో
అప్పుడు అసంతృప్తి జ్వాలలు లేచి
ఆశల సామ్రాజ్యాన్ని భస్మీపటలం చేస్తాయి

జీవితం మళ్లీ నిలదొక్కుకునే ప్రయత్నంలో
అగ్ని రేఖలపై నుండి ప్రయాణిస్తుంది
‘తీరని దాహం’లా
ఆ జీవితం వెంటే లేస్తాయి...

- మహమ్మద్ నసీరుద్దీన్ 9440237804