Others
లేఖలు
S ,7 à 8 RSCA (si SASPAS) et 6 cialis pharmacie cialis rapports de stage.
Published Sunday, 10 June 2018
- సముద్రాల శ్రీదేవి, 9949837743
ఉద్విగ్న కెరటాలు ఎగసే వేళ
అలలు రాస్తున్న లేఖ ఇది
సంద్రం ఒక నీలి కాగితం
మది వూహల మధురోహల
సమ్మోహన కావ్యం
నిశిరాత్రుల కడలి చెలియలి
కట్టతో చెలరేగిన తతంగం
అప్పుడే విచ్చిన చంద్రుడి పువ్వులోని
పుప్పొడి సిరాతో రాసిన లేఖ
అనుభవాల, భావాల ఏరువాక
ఆలోచనల తరంగాలు నింగిని
తాకుతూ, నీటి పాదముల చెంత
లేఖలు పరిచింది.
దోచుకున్న వలపు ఆణిముత్యాలను
ఎడద ఆల్చిప్పలో దాచుకుంది
అక్షర గులకరాళ్లను నీటి పారదర్శకతలో
ప్రదర్శిస్తుంది.. పరవశిస్తుంది
కలల అలల కౌగిలి గిలిగింతలో
పులకించింది యామిని
అందాల బంధాల సొదలతో
లేఖలు చదువుతుంది వెనె్నల జవ్వని