అంతర్జాతీయం
33 రిజర్వుడ్ సీట్లు దక్కించుకున్న ఇమ్రాన్‌ఖాన్
S ,7 à 8 RSCA (si SASPAS) et 6 cialis pharmacie cialis rapports de stage.
ఇస్లామాబాద్, ఆగస్టు 12: పాకిస్తాన్ జాతీయ అసెంబ్లీకి ఇటీవల జరిగిన ఎన్నికల్లో అత్యధిక స్థానాలు గెల్చుకున్న ఏకైక పార్టీగా అవతరించిన మాజీ క్రికెటర్, పాకిస్తాన్ తెహ్రీక్-ఇ-ఇన్సాఫ్ (పీటీఐ) అధినేత ఇమ్రాన్ ఖాన్ పార్టీలో మరో 33 రిజర్వుడ్ సీట్లు జమ అయ్యాయి. ఈ రిజర్వుడ్ సీట్లు దక్కించుకోవడంతో ఆ పార్టీ బలం 158కు చేరుకుంది. కేంద్రంలో అధికార పగ్గాలు చేపట్టడానికి ఇమ్రాన్ ఖాన్ పార్టీ ఇంకా కేవలం 14 సీట్ల దూరంలో ఉంది. అయితే, సంపూర్ణ మెజారిటీ కోసం ఇమ్రాన్ ఖాన్ ఇప్పటికే పలు ఇండిపెండెంట్ల మద్దతును అభ్యర్థించారు. పాకిస్తాన్ ఎన్నికల కమిషన్ గత నెలలో జరిగిన జాతీయ ఎన్నికల్లో పోటీ చేసిన వివిధ పార్టీలకు వచ్చిన ఓట్లను ప్రాతిపదికగా చేసుకుని 60 రిజర్వుడ్ సీట్లు, 10 మైనారిటీ సీట్లను తాజాగా ప్రకటించింది. ఇమ్రాన్ ఖాన్ నేతృత్వంలోని పీటీఐకి అత్యధికంగా 33 రిజర్వుడ్ సీట్లు దక్కాయి. ఇందులో 28 మహిళలు, ఐదుగురు ముస్లిమేతర వ్యక్తులు ఉన్నారు. ఇమ్రాన్ ఖాన్ పార్టీకి పంజాబ్ నుంచి మహిళలకు 16 రిజర్వుడు సీట్లు, పంజాబ్ నుంచి నాలుగు సీట్లు, ఖైబర్ పక్తున్‌క్వా నుంచి ఏడు, బలూచిస్తాన్ నుంచి ఒక సీటు దక్కాయి. పాకిస్తాన్ ముస్లిం లీగ్ నవాజ్ (పీఎంఎల్-ఎన్) పార్టీకి ఐదు, పాకిస్తాన్ పీపుల్స్ పార్టీ (పీపీపీ)కి రెండు, ముతాహిదా మజ్లిస్-ఇ-అమల్ (ఎంఎంఏ) పార్టీకి ఒక సీటు దక్కాయి. దేశం తదుపరి ప్రధానమంత్రిగా ఇమ్రాన్ ఖాన్ పేరు ఖరారైనప్పటికీ చిన్నపార్టీల మద్దతుతో జాతీయ అసెంబ్లీలో బలనిరూపణ చేసుకోవాల్సి ఉంది. 342 సీట్లు ఉన్న జాతీయ అసెంబ్లీలో ఏ పార్టీ అయినా అధికార పగ్గాలు చేపట్టాలంటే 172 సీట్ల మేజిక్ ఫిగర్ ఉండాలి.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.