అంతర్జాతీయం
పాక్ మాజీ అధ్యక్షుడు జర్దారీ అరెస్టుకు కోర్టు ఆదేశం
S ,7 à 8 RSCA (si SASPAS) et 6 cialis pharmacie cialis rapports de stage.
కరాచీ, ఆగస్టు 17: మనీ ల్యాండరింగ్ కేసులో పాకిస్తాన్ మాజీ అధ్యక్షుడు, పీపీపీ కోచైర్మన్ ఆసిఫ్ అలీ జర్దారీతోబాటు మరో 15మంది అనుమానితులను అరెస్టు చేసి విచారణ జరపాల్సిందిగా ఆ దేశానికి చెందిన ఓ బ్యాంకింగ్ కోర్టు ఆదేశించింది. ఇందుకు సంబంధించి నాన్‌బెయిలబుల్ వారెంట్‌ను న్యాయస్థానం జారీచేసింది. నకిలీ బ్యాంకు అకౌంట్లకు సంబంధించిన ఈ కుంభకోణంలో 35 మిలియన్ రూపాయల ధనం మనీల్యాండరింగ్‌కు గురైందన్నది ఆరోపణ. కాగా సెప్టెంబర్ 4వ తేదీలోగా అరవై మూడేళ్ల జర్దారీని అరెస్టు చేసి కోర్టులో ప్రవేశపెట్టాలని పాక్ బ్యాంకింగ్ కోర్టు ఆదేశించినట్లు వార్తాసంస్థ ఎక్స్‌ప్రెస్ ట్రిబ్యూన్ పేర్కొంది. అయతే మాజీ పాక్ అధ్యక్షుడికి అలాంటి వారెంట్లేవీ జారీ కాలేదని పీపీపీ ప్రతినిధి ఫర్హతుల్లా బాబర్ ఒక ప్రకటనలో తెలిపారు. ఇలావుండగా జర్దారీ, ఆయన సోదరి ఫర్యాల్ తల్పూర్‌లతోబాటు మొత్తం 18 మందిని అనుమానితులుగా పేర్కొంటూ దాఖలైన ఇంటీరియమ్ చార్జిషీట్ కేసులో వీరంతా పరారీలో ఉన్న నిందితులుగా ఫెడరల్ ఇనె్వస్టిగేషన్ ఏజెన్సీ (ఎఫ్‌ఐఏ) పేర్కొంది. అయితే తల్పుర్‌కు ఈ కేసులో బెయిలు లభించింది. 2015లో జరిగిన అనుమానాస్పద బ్యాంకింగ్ లావాదేవీల్లో 29 బినామీ అకౌంట్లను దర్యాప్తు సంస్థలు కనుగొన్నాయి. ఇందులో 16 సమ్మిట్ బ్యాంకువి కాగా మరో ఎనిమిది సింధ్ బ్యాంకు, ఐదు యునైటెడ్ బ్యాంకువిగా గుర్తించారు. గత జూలైలో దర్యాప్తు సంస్థ అందించిన నివేదిక ఆధారంగా పాకిస్తాన్ స్టాక్ ఎక్చేంజ్ మాజీ చైర్మన్ హుస్సేన్ లవాయ్ అరెస్టుకు కోర్టు ఆదేశాలివ్వడం జరిగింది. కేసు దర్యాప్తులో వాస్తవాలు వెలుగుచూసే వరకు ఆయన రిమాండ్‌ను పొడిగించినట్లు ఎఫ్‌ఐఏ ప్రతినిధి తెలిపారు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.