అంతర్జాతీయం
300 మిలియన్ డాలర్ల ఆర్థిక సాయం నిలిపివేత
S ,7 à 8 RSCA (si SASPAS) et 6 cialis pharmacie cialis rapports de stage.
వాషింగ్టన్: ఉగ్రవాదాన్ని నిర్వీర్యం చేయడంలో పాకిస్తాన్ కలిసి రానందుకు ట్రంప్ ప్రభుత్వం ఆగ్రహంతో ఉంది. దీంతో పాకిస్తాన్‌కు 300 మిలియన్ డాలర్ల మేర ఆయుధ కొనుగోలుకు సంబంధించిన ఆర్థిక సహాయాన్ని నిలిపివేయాలని అమెరికా నిర్ణయించింది. దక్షిణాసియాలో శాంతి స్థాపనకు అమెరికా చేస్తున్న ప్రయత్నాలకు పాకిస్తాన్ కలిసి రావడం లేదని పెంటగాన్ వర్గాలు తెలిపాయి. హకానీ టెర్రర్ నెట్‌వర్క్, లష్కర్ తోయిబా కార్యకలాపాలపై పాకిస్తాన్ ఉక్కుపాదం మోపాలని, వారిని ఏరిపారేయాలని అమెరికా పలుసార్లు కోరింది. అమెరికా విజ్ఞప్తిని పాకిస్తాన్ పాలకులు పెడచెవిన పెడుతున్నారు. పాకిస్తాన్ కొత్త ప్రధాని ఇమ్రాన్ ఖాన్‌ను అమెరికా సెక్రటరీ మైక్ పొంపియో రెండు రోజుల్లో కలవనున్నారు. ఈ నేపథ్యంలో పాక్‌తో అనుసరించాల్సిన వైఖరిపై అమెరికా రక్షణ శాఖ కసరత్తు చేస్తోంది పాకిస్తాన్ ఉగ్రవాద సంస్థలకు అడ్డాగామారిందని, ఆఫ్గనిస్తాన్‌లో అస్థిరత్వం పెరిగేందుకు పరోక్షంగా సాయపడుతోందని అమెరికా ఆరోపిస్తోంది. ట్రంప్ గత ఏడాది ప్రధానిగా బాధ్యతలు స్వీకరించినప్పటి నుంచి పాకిస్తాన్ తీరుపట్ల గుర్రుగా ఉన్నారు. ట్రంప్ ప్రభుత్వం గత ఏడాది దక్షిణాసియాలో శాంతి సుస్థిరతల కోసం విధానాన్ని ప్రకటించారు. పాకిస్తాన్ మాత్రం ఈ విధానం పట్ల స్పందించకుండా ఒంటెత్తు పోకడలను అనుసరిస్తోందని పెంటగాన్ వర్గాలు తెలిపాయి. పాకిస్తాన్‌కు 300 మిలియన్ డాలర్ల ఫండ్‌ను ఇవ్వాలన్న ప్రతిపాదన అమలుకు నోచుకోకపోవచ్చని అమెరికా వర్గాలు తెలిపాయి. ఈ నిధులను ఇతర ప్రాధాన్యత రంగాలకు ఖర్చుపెట్టాలని ట్రంప్ ప్రభుత్వం భావిస్తోంది. పాకిస్తాన్‌పై నిరంతరం వత్తిడి కొనసాగిస్తామని, ఈ విషయంలో రాజీపడేప్రసక్తిలేదని ట్రంప్ ప్రతినిధి పేర్కొన్నారు. ప్రపంచ వ్యాప్తంగా ఉగ్రవాదాన్నినిర్మూలించడానికి పాకిస్తాన్ కలిసి రావడంలేదని అమెరికా నిపుణులు పదే పదే తమ ప్రభుత్వన్ని హెచ్చరించారు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.