రాష్ట్రీయం
అమెరికాలో కాల్పులు - తెనాలి యువకుడుదుర్మరణం
S ,7 à 8 RSCA (si SASPAS) et 6 cialis pharmacie cialis rapports de stage.
తెనాలి, సెప్టెంబర్ 7: అమెరికాలో మరోమారు కాల్పుల కలకలం రేగింది. ఈ కాల్పుల్లో గుంటూరు జిల్లా తెనాలి పట్టణం చెంచుపేటకు చెందిన కందేపి పృథ్వీరాజ్ (26) మృతిచెందిన వార్త ఈ ప్రాంత వాసులను దు:ఖసాగరంలో ముంచివేసింది. పృథ్వీరాజ్ ఉన్నత చదువులు చదివి, అమెరికాలోని సిన్సినాటీలో ఓ బ్యాంకులో ఉద్యోగం చేస్తున్నాడు. శుక్రవారం పృథ్వీరాజ్ విధులు నిర్వహిస్తున్న బ్యాంకుపై దుండగులు దాడిచేసి కాల్పులు జరిపారు. ఈ కాల్పుల్లో పృథ్వీరాజ్ సహా నలుగురు ఉద్యోగులు మృతిచెందారు. ఆ మేరకు అక్కడి బ్యాంకు అధికారులు తమకు సమాచారం అందించినట్లు పృథ్వీరాజ్ కుటుంబ సభ్యులు పేర్కొన్నారు. మృతుని తండ్రి గోపీనాథ్ ఏపీ రాష్ట్ర గృహ నిర్మాణ సంస్థలో డీఈగా విజయవాడలో విధులు నిర్వహిస్తున్నారు. చిన్నవయస్సులో పృథ్వీరాజ్ మృతి చెందడంతో తండ్రి గోపీనాథ్, తల్లి సుధారాణి తట్టుకోలేక పోతున్నారు. ఇటీవలే ఫోనుచేసి త్వరలోనే ఇంటికి వస్తానంటూ చెప్పిన తనయుడు కాల్పుల్లో మృతిచెందటం తమను కలచివేసిందని తల్లి సుధారాణి బోరున విలపించింది. స్థానిక శాసన సభ్యుడు ఆలపాటి రాజేంద్రప్రసాద్ కుటుంబ సభ్యులను, తల్లిదండ్రులను పరామర్శించి ఓదార్చారు. పృథ్వీరాజ్ మృతదేహం త్వరలోనే అమెరికా నుండి తెనాలికి తీసుకువచ్చే విధంగా ముఖ్యమంత్రి చంద్రబాబునాయుడుతో మాట్లాడనున్నట్లు తెలిపారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.