రాష్ట్రీయం
పొత్తులు..ఎత్తులు..మీ ఇష్టం
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, సెప్టెంబర్ 8: ‘తెలంగాణలో పార్టీని అధికారం దిశగా నడిపించేందుకు అవసరమైన ఎత్తులు, పొత్తులు మీ ఇష్టం..’ అని టీడీపీ జాతీయ అధ్యక్షుడు, ఎపీ ముఖ్యమంత్రి చంద్రబాబు నాయుడు తెలంగాణ పార్టీ నాయకులకు సూచించారు. ముందస్తు ఎన్నికల హడావుడి నేపథ్యంలో చంద్రబాబు శనివారం అమరావతి నుంచి హైదరాబాద్‌కు చేరుకుని పార్టీ కార్యాలయమైన ఎన్టీఆర్ భవన్‌లో పార్టీ కార్యవర్గంతో సమావేశమై చర్చించారు. కాంగ్రెస్‌తో పొత్తు పెట్టుకునే విషయంలో జోరుగా సాగుతున్న ప్రచారం గురించి తెలంగాణ పార్టీ నాయకులు ప్రస్తావించగా, ‘బ్రదర్ మీకు ఏదీ మంచిదనిపిస్తే, ఆ నిర్ణయం తీసుకోండి, ఇందులో నా ప్రమేయం ఏమీ ఉండదు, వత్తిడి అసలే ఉండదు, పార్టీని అధికారం వైపు నడిపించండి, పార్టీ శ్రేణులను కాపాడుకోండి, ఇందుకు అవసరమయ్యే సహాయ, సహకారాలు పూర్తిగా అందిస్తాను..’ అని చంద్రబాబు చెప్పినట్లు సమాచారం.
చెప్పకనే చెప్పిన చంద్రబాబు..
దీంతో కాంగ్రెస్‌తో చెలిమి చేసే విషయంలో చంద్రబాబు చెప్పకనే చెప్పినట్లుగా పార్టీ తెలంగాణ నాయకులు సంతోషించారు. తన నోటి నుంచి ఎందుకు చెప్పాలని చంద్రబాబు భావించి ఉంటారు. అందుకే వ్యూహాత్మకంగా పార్టీ నాయకులనే నిర్ణయం తీసుకోవాలన్నారు. ఇప్పటికే మీడియాలో కాంగ్రెస్-టీడీపీ కలిసి పోటీ చేయనున్నట్లు ప్రచారం జరుగుతున్నది. అంతేకాదు ఇది అపవిత్ర పొత్తు అంటూ బీజేపీ, మజ్లీస్ నేతలు దండెత్తడంతో, పొత్తుల సంగతిని ప్రచారం చేయడాన్ని ఆ పార్టీలే భుజానికి ఎత్తుకున్నాయని, ఇంకా ప్రత్యేకంగా చెప్పాల్సిన అవసరం ఏమీ లేదని తెలంగాణ టీడీపీ నేతలు భావిస్తున్నారు. ఏదైనప్పటికీ చంద్రబాబు తమకు స్వేచ్ఛ ఇవ్వడం వల్ల కాంగ్రెస్‌తో పొత్తు పెట్టుకోవాలని నేతలు భావిస్తున్నారు.
ఒకవేళ చంద్రబాబు నాయుడే కాంగ్రెస్‌తో పొత్తు పెట్టుకోవాలని శనివారం జరిగిన సమావేశంలో సూచించి ఉంటే మిగతా పార్టీలూ ఇంకా గోల చేస్తాయన్న అనుమానాలు టీడీపీ నేతలకు లేకపోలేదు. ఎందుకంటే దివంగత ఎన్టీఆర్ కాంగ్రెస్‌కు వ్యతిరేకంగానే 1982 సంవత్సరంలో తెలుగు దేశం పార్టీని స్థాపిస్తే, ఇప్పుడు ఆ పార్టీతో పొత్తు పెట్టుకుంటారా? అని మిగతా పార్టీలు ధ్వజమెత్తుతాయి. ఇప్పుడు మాత్రం ఆ విధంగా చేయవా? అనే ప్రశ్న ఉత్పన్నం కాకుండా ఉండదు. అయితే తమది జాతీయ పార్టీ కాబట్టి, తెలంగాణ రాష్ట్రంలోని రాజకీయ పరిస్థితులను బట్టి, అక్కడి స్థానిక నాయకులు ఈ నిర్ణయం తీసుకున్నట్లు తనకు చెప్పుకునే అవకాశం ఉంటుందని చంద్రబాబు ఎత్తుగడ అయి ఉంటుందని రాజకీయ విశే్లషకులు భావిస్తున్నారు. తెలంగాణలో టీఆర్‌ఎస్‌ను దెబ్బ తీయాలంటే ఇంత కంటే మంచి అవకాశం రాదని చంద్రబాబు భావించి ఉంటారన్న విశే్లషణ కూడా జరుగుతున్నది.
చిత్రం..ఎన్టీఆర్ భవన్‌లో శనివారం నిర్వహించిన తెలంగాణ టీడీపీ కార్యవర్గ సమావేశంలో మాట్లాడుతున్న ఆంధ్రప్రదేశ్ ముఖ్యమంత్రి, ఆ పార్టీ జాతీయ అధ్యక్షుడు చంద్రబాబు నాయుడు
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.