అంతర్జాతీయం
నేపాల్‌లో కూలిన హెలికాప్టర్
S ,7 à 8 RSCA (si SASPAS) et 6 cialis pharmacie cialis rapports de stage.
ఖాట్మండు, సెప్టెంబర్ 8: ఏడుగురు ప్రయాణిస్తున్న ఓ హెలికాప్టర్ శనివారం నేపాల్‌లో కుప్పకూలింది. ఈ సంఘటనలో ఒక విదేశీయుడుసహా ఆరుగురు మృతి చెందారు. అత్యంత ఆశ్చర్యకరంగా ఓ మహిళ ప్రాణాలతో బయటపడింది. ఆల్టిట్యూట్ ఎయిర్ సంస్థకు చెందిన ఈ హెలికాప్టర్ శనివారం ఉదయం గోర్ఖాలోని సమాగున్ నుంచి బయలుదేరింది. అయితే, 32 కిలోమీటర్లు ప్రయాణించిన తర్వాత ఖాట్మండు టవర్‌తో సిగ్నల్స్ కోల్పోయింది. రెస్క్యూ అధికారులు వెంటనే రంగంలోకి దిగి, జాడ లేకుండా పోయిన హెలికాప్టర్‌ను వెతకడం ప్రారంభించారు. మధ్యాహ్నాకి ధాండింగ్, నువాకోట్ జిల్లాల సరిహద్దుల్లోని దట్టమైన అడవుల్లో అది కూలిపోయినట్టు కనుగొన్నారు. పైలట్ కేసీ నిశ్చల్‌సహా ఆరుగురు సంఘటన స్థలంలోనే మృతి చెందినట్టు అధికారులు ప్రకటించారు. వీరిలో జపాన్‌కు చెందిన ట్రెకర్ హిరోమీ కొమాత్సు కూడా ఉన్నట్టు తెలిపారు. కొద్దిపాటి గాయాలతో బయటపడిన మహిళను చికిత్స కోసం సమీపంలోని ఆసుపత్రికి తరలించినట్టు పేర్కొన్నారు. ప్రతికూల వాతావరణమే ఈ దుర్ఘటనకు కారణంగా అనుమానిస్తున్నారు. విచారణ ప్రారంభమైందని, నివేదిక అందిన తర్వాత వివరాలు తెలుస్తాయని అల్టిట్యూట్ ఎయిర్ ప్రైవేట్ లిమిటెడ్ మేనేజింగ్ డైరెక్టర్ నిమా నురూ షెర్పా ఒక ప్రకటనలో పేర్కొన్నారు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.