రాష్ట్రీయం
టీ-కాంగ్రెస్‌కు పెరుగుతున్న వలసలు
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, సెప్టెంబర్ 8: తెలంగాణ రాష్ట్ర సమితి తరపున అసెంబ్లీకి పోటీ చేసేందుకు టిక్కెట్లు ఆశించి భంగపడిన నాయకులు పార్టీ నాయకత్వంపై తిరుగుబావుటా ఎగురు వేస్తున్నారు. వరంగల్ తూర్పు టిక్కెట్ ఆశించిన మాజీ ఎమ్మెల్యే కొండా సురేఖకు టిక్కెట్లు లభించలేదు. దీంతో ఆమె శనివారం మీడియాతో మాట్లాడుతూ తాము చేసిన తప్పేమిటో 24 గంటల్లో చెప్పాలని అధిష్టానానికి సవాల్ విసిరారు. కొండ సురేఖ ఆమె భర్త కొండా మురళి రెండు, మూడు రోజుల్లో కాంగ్రెస్‌లో చేరనున్నట్లు ప్రచారం జరుగుతున్నది. మరోవైపు టీఆర్‌ఎస్ రాజ్యసభ సభ్యుడు డీ. శ్రీనివాస్ పార్టీ నాయకత్వంతో ఇమడలేకపోతున్నందున, ఆయన కూడా కారు దిగేసి తిరిగి సొంత గూటికి చేరనున్నట్లు కాంగ్రెస్ వర్గాలు చెబుతున్నాయి. డీఎస్‌తో పాటు ఎమ్మెల్సీ భూపతి రెడ్డి కూడా కాంగ్రెస్‌లో చేరనున్నారు. ఈ నెల 12న వారు కాంగ్రెస్‌లో చేరేందుకు రంగం సిద్ధమైందంటున్నారు. ఆదిలాబాద్ మాజీ ఎంపీ రమేష్ రాథోడ్ తనకు నిర్మల్ జిల్లాలోని ఖానాపూర్ టిక్కెట్ కేటాయించాలని పట్టుబట్టారు. కానీ అందుకు టీఆర్‌ఎస్ నాయకత్వం ససేమిరా అనడంతో రాథోడ్ కాంగ్రెస్‌లో చేరనున్నారని ఆ పార్టీ నాయకులు చెబుతున్నారు. బీజేపీ నాయకుడు, మాజీ ఎమ్మెల్యే నందీశ్వర్ గౌడ్ కూడా కాంగ్రెస్‌లో చేరనున్నారు. శుక్రవారం బీజేపీ నాయకుడు, మాజీ మంత్రి డికే సమరసింహారెడ్డి కాంగ్రెస్‌లో చేరిన సంగతి తెలిసిందే. ఎన్నికలు సమీపిస్తున్న కొద్దీ ఇంకా ఎంత మంది చేరుతారోనన్న ఊహగానాలు కొనసాగుతున్నాయి.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.