రాష్ట్రీయం
మహాకూటమి ముందడుగు
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, సెప్టెంబర్ 9: ముందస్తు ఎన్నికలను సమర్థంగా ఎదుర్కోవడానికి జరుగుతున్న కసరత్తులో విపక్షాలు ముందడుగు వేశాయి. టీఆర్‌ఎస్‌ను గద్దె దింపాలన్న ఏకైక లక్ష్యంతో పార్టీల సిద్ధాంతాలను పక్కన పెట్టి ‘మహాకూటమి’ ఏర్పాటుకు సంసిద్ధమయ్యాయి. ఇందుకు తెలుగు దేశం పార్టీ జాతీయ అధ్యక్షుడు, ఏపీ ముఖ్యమంత్రి చంద్రబాబు నాయుడు సూచనతో ఆ పార్టీ తెలంగాణ శాఖ అధ్యక్షుడు ఎల్. రమణ చొరవ తీసుకున్నారు. ఆదివారం సీపీఐ రాష్ట్ర కార్యదర్శి చాడ వెంకట రెడ్డితో ఆయన జరిపిన తొలి దఫాజ చర్చలు ఫలప్రదమయ్యాయి. సోమవారం ఉదయం తెలంగాణ జన సమితి (టీజేఎస్) అధ్యక్షుడు ప్రొఫెసర్ కోదండరామ్‌తో, సాయంత్రం పీసీసీ అధ్యక్షుడు ఉత్తమ్ కుమార్ రెడ్డితో రమణ చర్చలు జరపనున్నారు. ఇతర పార్టీలతోనూ సంప్రదింపులు జరిపి, పొత్తులు పెట్టుకోవడానికి వీలుగా రమణ నేతృత్వంలో ఏడుగురు సభ్యులతో పొత్తుల కమిటీని చంద్రబాబు నాయుడు ఏర్పాటు చేశారు. అదేవిధంగా మాజీ హోం మంత్రి టీ. దేవేందర్ గౌడ్ నేతృత్వంలో ఎన్నికల ప్రణాళిక కమిటీని, గరికపాటి సారథ్యంలో ఎన్నికల ప్రచార కమిటీని ఆయన నియమించారు.
ఇలావుంటే, టీడీపీ పొత్తుల కమిటీ నేతలు రమణ, రావుల చంద్రశేఖర్ రెడ్డి, పెద్దిరెడ్డి ప్రభృతులు సీపీఐ నేతలు చాడ వెంకటరెడ్డి, పల్లా వెంకటరెడ్డి తదితరులతో చర్చించి, పొత్తుల విషయంపై ఒక అంగీకారానికి వచ్చారు. ఇది తొలి సమావేశం కాబట్టి, పొత్తుకు వీలుగా సయోధ్య కుదుర్చుకోవాలని వారు భావించారు. ఆ తర్వాత కాంగ్రెస్, టీజేఎస్ తదితర పార్టీలతో చర్చలు జరిపి, మహాకూటమి ఏర్పాటైన తర్వాతే ఏయే అసెంబ్లీ స్థానాల్లో ఏయే పార్టీ పోటీ చేయాలన్న అంశంపై కూలంకషంగా చర్చించి అంగీకారానికి రావచ్చని వారు నిర్ణయించారు. అనంతరం రమణ మీడియాతో మాట్లాడుతూ ఈ ఎన్నికల్లో మహాకూటమి విజయం సాధిస్తుందన్న ధీమా వ్యక్తం చేశారు. ఎన్నికల్లో మహాకూటమి జెండా ఎగుర వేస్తామని అన్నారు. ఆపద్ధర్మ ముఖ్యమంత్రి కేసీఆర్‌కు రాజకీయ, నైతిక విలువలు లేవని విమర్శించారు. మహాకూటమి ఏర్పాటుకు విపక్షాలు సుముఖంగా ఉన్నాయని తెలిపారు. సోమవారం ప్రొఫెసర్ కోదండరామ్, ఉత్తమ్ కుమార్ రెడ్డితో చర్చించనున్నట్లు చెప్పారు. సీపీఐ నేత చాడ వెంకటరెడ్డి మాట్లాడుతూ ప్రతిపక్షాల ఓట్లు చీలిపోకుండా ఉండేందుకు, ఐక్య పోరాటం చేసేందుకు వీలుగా కూటమి ఏర్పాటు జరుగుతుందన్నారు. గెలిచే స్థానాలనే తాము అడుగుతామని ఆయన తెలిపారు. కేసీఆర్ రైతు సమస్యలను పట్టించుకోవడం లేదని ఆయన విమర్శించారు.
ఆ రెండు పార్టీలు జత కట్టేనా?
మహాకూటమి వైపు సీపీఎం, సీని నటుడు పవన్ కల్యాణ్ నేతృత్వంలోని జన సేన పార్టీలు అంతగా ఆసక్తి కనబరచడం లేదు. ఆ రెండు పార్టీలూ కలిసి పోటీ చేసే సూచనలు కనిపిస్తున్నాయి. ముందస్తు ఎన్నికల నేపథ్యంలో పవన్ కల్యాణ్ ఆదివారం పార్టీ ముఖ్యులతో సమావేశమై మంతనాలు జరిపారు. తెలంగాణలో అన్ని స్థానాల్లో పోటీ చేస్తామని ఆయన ఇదివరకే ప్రకటించినప్పటికీ, పార్టీ గట్టిగా నిలబడే స్థానాల లెక్కలు తీస్తున్నారు. రాష్ట్ర రాజకీయ పరిస్థితులను ఎప్పటికప్పుడు గమనిస్తూ నిర్ణయం తీసుకోవాలని పవన్ కల్యాణ్ భావిస్తున్నారు.
చిత్రం..తెలంగాణ జన సమితి ఆదివారం హైదరాబాద్‌లో నిర్వహించిన కార్యక్రమంలో
డప్పు కొడుతున్న ప్రొఫెసర్ కోదండరామ్
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.