అంతర్జాతీయం
పాక్ కొత్త అధ్యక్షుడిగా ఆరిఫ్ అల్వీ ప్రమాణం
S ,7 à 8 RSCA (si SASPAS) et 6 cialis pharmacie cialis rapports de stage.
ఇస్లామాబాద్, సెప్టెంబర్ 9: పాకిస్తాన్ నూతన అధ్యక్షుడుగా ఆరిఫ్ అల్వీ ఆదివారం పదవీ ప్రమాణ స్వీకారం చేశారు. ప్రధాని ఇమ్రాన్‌ఖాన్‌కు అత్యంత సన్నిహితుడు, అధికార తెహ్రీక్-ఏ-ఇన్సాఫ్ పార్టీ వ్యవస్థాపకుల్లో ఒకరైన అరవై తొమ్మిదేళ్ల దంద వైద్యుడు ఆరిఫ్ అల్వీ పాకిస్తాన్‌కు 13వ అధ్యక్షుడు. అజ్వాన్ ఎ సదర్ (రాష్టప్రతి భవన్)లో నిరాడంబరంగా జరిగిన కార్యక్రమంలో చీఫ్ జస్టిస్ సాకిబ్ నిసార్ అల్వీ చేత ప్రమాణ స్వీకారం చేయించారు. కార్యక్రమానికి ప్రధాన మంత్రి ఇమ్రాన్ ఖాన్, ఆర్మీ చీఫ్ జనరల్ ఓమర్ జావేద్ బజ్వాలతోబాటు సైనిక, పౌర విభాగాలకు చెందిన పలువురు ఉన్నతాధికారులు హాజరయ్యారు. చైనా విదేశాంగ శాఖ మంత్రి వాంగ్ ఈ, సౌదీ సమాచార శాఖ మంత్రి అవ్వాద్‌బిన్ సలేహ్ అలీ అవ్వాద్‌లు అతిధులుగా హాజరయ్యారు. దేశాధ్యక్ష పదవి కోసం జరిగిన ముక్కోణపు పోటీలో డాక్టర్ అల్వీ తన సమీప అభ్యర్థులు పాకిస్తాన్ పీపుల్స్‌పార్టీ అభ్యర్థి అయిజాజ్ అహసాన్, ముస్లిం లీగ్ -ఎన్ నామినీ వౌలానా ఫజులుర్ రెహమాన్‌లను ఓడించారు. పాకిస్తాన్‌లో ప్రధాని సిఫార్సులతో పనిచేసే అధ్యక్షుడిని ఫెడరల్ విధానానికి చిహ్నంగా, రాజ్యాంగ అధినేతగా భావిస్తారు. కాగా కరాచీకి చెందిన అల్వీ ఉమ్మడి భారత దేశ విభజన సందర్భంగా మన దేశంలోని ఆగ్రా నుంచి పాకిస్తాన్‌కు వలసవెళ్లిన కుటుంబానికి చెందిన వారు. ఆయన తండ్రి దంత వైద్యుడైన డాక్టర్ హబీబ్ ఉర్ రహమాన్ ఇలాసి అల్వీ మన దేశ తొలి ప్రధాని జవహర్‌లాల్ నెహ్రూకు వైద్యం చేసేవారని అధికార పార్టీ వర్గాల కథనం మేరకు తెలుస్తోంది.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.