మల్టీస్టారర్‌లో రామ్

ఎనర్జిటిక్ హీరోగా మంచి గుర్తింపు తెచ్చుకున్న యువనటుడు రామ్‌కు ఈమధ్య సరైన విజయాలు అందడంలేదు. దాంతో యూత్‌ఫుల్ ఎంటర్‌టైనర్‌గా తెరకెక్కుతున్న చిత్రంలో నటిస్తున్నాడు. త్రినాథరావు నక్కిన దర్శకత్వంలో రూపొందుతున్న ‘హలో గురూ ప్రేమకోసమే’ చిత్రం దసరాకు విడుదల కానుంది. ఈ సినిమా తరువాత తాజాగా రామ్ మల్టీస్టారర్‌లో నటించేందుకు రెడీ అయ్యారు. అయితే ఈసారి ఆయన తమిళ హీరోతో కలిసి ఈ మల్టీస్టారర్ చేస్తారట. ప్రస్తుతం దీనికి సంబంధించిన ప్రయత్నాలు జరుగుతున్నాయి. ఆ తమిళ హీరో ఎవరనేది ఇంకా తెలియాల్సి వుంది. స్రవంతి రవికిశోర్ నిర్మించే ఈ చిత్రానికి సంబంధించిన అధికారిక వివరాలు త్వరలో వెల్లడికానున్నాయి.