రాష్ట్రీయం
తెగని చర్చలు.. తేలని సీట్లు
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్: తెలంగాణలో మహాకూటమి ఏర్పాటులో భాగంగా సంబంధిత పార్టీల మధ్య ఎడతెగని చర్చలు కొనసాగుతున్నాయి. ఏయే అసెంబ్లీ స్థానాల్లో పోటీ చేయాలనే అంశంపై ఈ చర్చలు ఎడతెగడం లేదు. టీటీడీపీ నేతలు ముందుగా తమ అసెంబ్లీ స్థానాలను సూచించినా, కాంగ్రెస్ పార్టీ వాటిలో కొన్నింటిని ఆమోదించేలా లేదు. సీపీఐ, జనసమితి సీట్ల వ్యవహారంలో పెద్దగా ఇబ్బంది తలెత్తకున్నా టీడీపీ అసెంబ్లీ సీట్ల విషయంలో కాంగ్రెస్ పార్టీ ఆచితూచి వ్యవహరిస్తోంది. టీటీడీపీ నేతలతో చర్చలు ముగిసిన వెంటనే టీడీపీ జాతీయ అధ్యక్షుడు చంద్రబాబునాయుడు రంగంలోకి దిగి కాంగ్రెస్ నేతలతో సంభాషించనున్నట్టు తెలిసింది. ఇప్పటికే రెండు దఫాలుగా సాగిన చర్చలు మరింత ముందుకు సాగాలంటే ముందు అసెంబ్లీల వ్యవహారం తేలాలని చెబుతున్నారు. చంద్రబాబునాయుడు అమెరికా పర్యటకు వెళ్లి ఈ నెల 28న తిరిగి వస్తారు. ఇంకో పక్క తెలంగాణ కాంగ్రెస్ ఎన్నికల కమిటీల పంచాయితీ మొదలవడంతో ఈ రెండు వ్యవహారాలు కొలిక్కి రావాలంటే కనీసం వారం పది రోజులు పడుతుందని చెబుతున్నారు. ముందస్తు ఎన్నికలకు నోటిఫికేషన్ జారీ అయ్యేంత వరకూ కాంగ్రెస్ పార్టీ తాము పోటీ చేసే నియోజకవర్గాలను తేల్చరాదని నిర్ణయించింది. అంత వరకూ చర్చల ప్రక్రియనే కొనసాగించాలని కాంగ్రెస్ నేతలు భావిస్తున్నారు.
సీపీఐ, టీడీపీ, జనసమితి పార్టీలకు సీట్ల కేటాయింపులో ఎలాంటి ఇబ్బంది రాదని కాంగ్రెస్ నేతలు చెబుతున్నారు. 119 స్థానాల్లో కాంగ్రెస్ పార్టీ 90 స్థానాల్లో పోటీచేసే యోచనలో ఉంది, టీడీపీ తమకు 30 అసెంబ్లీలను కేటాయించాలని కోరుతున్నా చివరికి 15 వరకూ అసెంబ్లీలను కేటాయించాలని కాంగ్రెస్ భావిస్తోంది. మరో పక్క సీపీఐ 15 అసెంబ్లీను కేటాయించాలని కోరినా వారికి మూడు, జనసమితి 30 అసెంబ్లీలను కోరినా, వారికి మూడు లేదా నాలుగు స్థానాలను కేటాయించనున్నట్టు తెలిసింది. ఎంఐఎం ప్రాబల్యం బాగా ఉన్న ఏడు నియోజకవర్గాల్లో కాంగ్రెస్ పోటీ చేసే యోచన లేకపోవడంతో వాటిలో ఎదైనా సీటు కోరితే టీడీపీకి లేదా జనసమితి పార్టీలకు కేటాయించనున్నట్టు
తెలుస్తోంది.
ఎందుకంత ఉలుకు?
మహాకూటమిని దుష్టచతుష్టయమని కల్వకుంట్ల కవిత చేసిన వ్యాఖ్యపై టీటీడీపీ నేతలు మండిపడ్డారు. పోలిట్‌బ్యూరో సభ్యుడు రేవూరి ప్రకాష్‌రెడ్డి మాట్లాడుతూ కేసీఆర్ కుటుంబం అంతా మహాకూటమిని చూసి ఎలా వణికిపోతున్నారో తెలుస్తోందని అన్నారు. రాష్ట్రంలో నిజాం కన్నా ఎక్కువగా నిర్బంధ పాలన కొనసాగుతోందని ఆయన వ్యాఖ్యానించారు. మరో పోలిట్‌బ్యూరో సభ్యుడు రావుల చంద్రశేఖరరెడ్డి మాట్లాడుతూ టీఆర్‌ఎస్ దాష్టీకాలకు గట్టయ్య చనిపోవడానికి ఎవరు సమాధానం చెబుతారని నిలదీశారు. రాజయ్య రోడ్లపైనే ఏడుస్తున్నారని, దీనికి ఎవరు బాధ్యత వహిస్తారని ప్రశ్నించారు. టీఆర్‌ఎస్ దుష్టపాలన గురించి ప్రజలకు సంపూర్ణంగా అర్ధమైందని అన్నారు.
బాబు వచ్చే జాబు వచ్చే
నిరుద్యోగుల భవితకు బంగారు బాట వేసేలా 18,450 ఉద్యోగాల భర్తీకి సీఎం ఆమోదం తెలిపారని , చంద్రబాబురాకతోనే జాబులు వస్తున్నాయని టీఎన్‌ఎస్‌ఎఫ్ రాష్ట్ర అధ్యక్షుడు బ్రహ్మం చౌదరి పేర్కొన్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.