తెలంగాణ
కాంగ్రెస్ ఎమ్మెల్యేలు రెడీగా ఉన్నారు
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, డిసెంబర్ 12: కాంగ్రెస్ పార్టీ నుంచి గెలుపొందిన కొందరు ఎమ్మెల్యేలు టీఆర్‌ఎస్‌లో చేరడానికి ఆసక్తి కనబర్చుస్తున్నట్టు టీఆర్‌ఎస్ అధినేత కేసీఆర్ అన్నారు. తెలంగాణ భవన్‌లో బుధవారం మీడియా చిట్‌చాట్‌లో ఈ విషయాన్ని ఆయన వెల్లడించారు. ఇలా ఉండగా రామగుండం నుంచి గెలుపొందిన టీఆర్‌ఎస్ రెబల్ అభ్యర్థి కోరుకంటి చందర్, ఖమ్మం జిల్లా వైరా నుంచి ఇండిపెండెంట్‌గా గెలుపొందిన రాములు నాయక్ టీఆర్‌ఎస్‌కు మద్దతు ప్రకటించారు. ఈ మేరకు వీరు ఇద్దరూ బుధవారం కేటీఆర్‌ను కలిసి తమ సంసిద్ధతను వ్యక్తం చేశారు. రామగుండం నుంచి టీఆర్‌ఎస్ టికెట్ ఆశించిన కోరుకంటి చందర్ టికెట్ దక్కక పోవడంతో ఫార్వర్డ్ బ్లాక్ అభ్యర్థిగా బరిలోకి దిగి టీఆర్‌ఎస్ అభ్యర్థి, ఆర్టీసీ చైర్మన్ సోమారపు సత్యనారాయణను ఓడించిన విషయం తెలిసిందే. తాను ఎన్నికలకు ముందు వరకు టీఆర్‌ఎస్ సభ్యుడినేనని కోరుకంటి చందర్ వ్యాఖ్యానించారు. కేసీఆర్ నాయకత్వంలోనే పని చేయాలని నిర్ణయించుకున్నానని ఆయన తెలిపారు. ఖమ్మం జిల్లా వైరా నుంచి ఇండిపెండెంట్‌గా గెలుపొందిన రాములు నాయక్ బుధవారం సాయంత్రం ఖమ్మం ఎంపీ పొంగులేటి శ్రీనివాస్‌రెడ్డితో కలిసి క్యాంపు కార్యాలయంలో కేటీఆర్‌ను కలిసారు. టీఆర్‌ఎస్‌లో చేరడానికి ఆసక్తిగా ఉన్నట్టు రాములు నాయక్ తెలిపారు. వీరు ఇద్దరు పార్టీలో చేరితే టీఆర్‌ఎస్ బలం 90కి చేరుకోనుంది.
అవమానించిన కాంగ్రెస్
తెలంగాణ రాష్ట్రం ఏర్పాటైన తర్వాత తాను కుటుంబ సమేతంగా ఏఐసీసీ అధ్యక్షురాలు సోనియా గాంధీని కలిసానని అన్నారు. అయితే టీఆర్‌ఎస్‌ను కాంగ్రెస్‌లో విలీనం చేయాలన్న ప్రతిపాదన వచ్చిందని, అలా చేసినా కాంగ్రెస్‌కు ఉపయోగం ఉండదని తాను చెప్పానని ఆయన తెలిపారు. మరోవైపు అప్పట్లో తమ పార్టీ నాయకురాలైన సినీ నటి విజయశాంతికి సోనియా కండువా కప్పారని, విజయరామారావు, చంద్రశేఖర్‌ను కాంగ్రెస్‌లో చేర్చుకుని అవమానించారని ఆయన చెప్పారు. దీంతో తాను ఒంటరిగానే పోటీ చేద్దామని నిర్ణయం తీసుకున్నానని అన్నారు. అయితే ఒంటరిగా పోటీ చేయడం ద్వారా నష్టపోతామా?, అధికారంలోకి వస్తామా? అనే ఆలోచన చేశామని ఆయన తెలిపారు. అప్పుడు ఉత్తర తెలంగాణ వైపు దృష్టి సారించి 40 సీట్లు సాధించాలని, దక్షిణ తెలంగాణలో 15 సీట్లకు పైగా సాధించుకోవచ్చన్న ధైర్యంతో ముందుకెళ్లామని ఆయన చెప్పారు.
చిత్రం..తెలంగాణ భవన్‌లో బుధవారం మీడియా సమావేశంలో మాట్లాడుతున్న టీఆర్‌ఎస్ అధినేత
కే చంద్రశేఖరరావు. వేదికపై జితేందర్‌రెడ్డి, కే కేశవరావు, మహమూద్ అలీ, నాయని నరసింహారెడ్డి తదితరులు
Related Articles
హైదరాబాద్, ఏప్రిల్ 13: కరోనా పై కేంద్ర, రాష్ట్రప్రభుత్వాల వైఫల్యంపై అఖిల పక్ష సమావేశాన్ని నిర్వహించాలని టీపీసీసీ నిర్ణయించింది. ఈ వివరాలను టీపీసీసీ అధ్యక్షుడు ఉత్తమ్‌కుమార్ రెడ్డి ప్రకటించారు. అన్నపూర్ణ కేంద్రాలపై సమాచారం ఇవ్వాలని రాష్ట్రప్రభుత్వాన్ని కోరారు.
హైదరాబాద్, ఏప్రిల్ 13: జాతీయ , రాష్ట్ర స్థాయి ప్రవేశపరీక్షలన్నీ వాయిదా పడ్డాయి. ఆంధ్రప్రదేశ్, తెలంగాణ రాష్ట్రాలు అన్ని ప్రవేశపరీక్షలను వాయిదా వేశాయి.
హైదరాబాద్, ఏప్రిల్ 13: కరోనా ఎఫెక్ట్ నేపథ్యంతో లాక్‌డౌన్ అమలు జరుగుతున్నందున గత సంవత్సరం మార్చి నెల బిల్లులనే ఈ ఏప్రిల్‌లో చెల్లించాలని విద్యుత్ శాఖ మంత్రి జగదీష్‌రెడ్డి స్పష్టం చేశారు.
హైదరాబాద్, ఏప్రిల్ 13:కరోనా వ్యాధి బాధితుల కోసం సికింద్రాబాద్ రైల్వే ఆసుపత్రిలో 142 ఐసోలేషన్ పడకలను ఏర్పాటు చేశారు. కరోనా వ్యాధి సోకిన వ్యక్తులకు మెరుగైన వైద్య సౌకర్యం అందించడానికి రైల్వే అధికారులు యుద్ధ ప్రాతిపధికన ఐసోలేషన్ పడకలను సిద్ధం చేశారు.
నేరేడుచర్ల, ఏప్రిల్ 13: నేరేడుచర్ల నుండి నిజాముద్దీన్ మర్కజ్ జమాత్‌కు వెళ్లి వచ్చిన వ్యక్తికి కరోనా వైరస్ సోకడంతో రెడ్‌జోన్ ప్రకటించిన ప్రాంతంలో పటిష్టంగా భద్రతా చర్యలు తీసుకుంటూ మిగిలిన ప్రాంతంలో అధికారులు లాక్‌డౌన్‌ను కట్టుదిట్టంగా అమలు చేస్తున్నారు.