జాతీయ వార్తలు
కుప్పకూలిన విమానాలు
S ,7 à 8 RSCA (si SASPAS) et 6 cialis pharmacie cialis rapports de stage.
బెంగళూరు, ఫిబ్రవరి 19: భారత వాయుసేన (ఐఏఎఫ్) ఏరోబాటిక్ టీమ్ సూర్య కిరణ్‌కు చెందిన రెండు విమానాలు మంగళవారం కూలిపోవడం వల్ల ఒక పైలట్ మృతి చెందాడు. మరో ఇద్దరు పైలట్లు గాయపడినప్పటికీ, ప్రాణాలతో బయటపడ్డారు. బెంగళూరులోని యెలహంక వైమానిక స్థావరానికి సమీపంలో ఈ ప్రమాదం జరిగింది. అయిదు రోజుల పాటు సాగే ఏరో ఇండియా షో బుధవారం ప్రారంభం కానున్న తరుణంలో మంగళవారం రిహార్సల్‌లో పాల్గొన్న సందర్భంగా ఈ ప్రమాదం జరిగిందని ఒక ఉన్నత స్థాయి పోలీసు అధికారి తెలిపారు. అయితే, కూలిపోవడానికి ముందు ఈ రెండు విమానాలు పరస్పరం ఢీకొన్నాయా? లేదా? అనేది తెలియరాలేదు. ‘ప్రమాదం జరిగినప్పుడు విమానాలలో ముగ్గురు పైలట్లు ఉన్నారు. వారిలో ఒకరు మృతి చెందగా, మరో ఇద్దరు గాయపడ్డారు. గాయపడిన వారికి ఎలాంటి ప్రాణహాని లేదు’ అని ప్రమాదం జరిగిన వెంటనే హుటాహుటిన సంఘటన స్థలానికి చేరుకున్న డీజీపీ (ఫైర్ సర్వీసెస్) ఎం.ఎన్.రెడ్డి తెలిపారు. ఈ ప్రమాదంలో ఒక పౌరుడు కూడా గాయపడినట్టు ఆయన వివరించారు. మంగళవారం ఇక్కడ ఒక కార్యక్రమంలో పాల్గొన్న రక్షణ మంత్రి నిర్మలా సీతారామన్‌ను ఈ ప్రమాదం గురించి ప్రశ్నించ గా, దాని గురించి తనకు తెలుసని బదులిచ్చారు. అంతకు మించి ఆమె వివరాలు తెలపలేదు.
చిత్రం.. ఎయిర్‌ఫోర్స్ సూర్యకిరణ్ ఎరోబాటిక్ విమాన శిథిలాలు
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.