రాష్ట్రీయం
‘పరిషత్’లో కారు జోరు
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, జూన్ 4: పరిషత్ ఎన్నికల్లో తెలంగాణ రాష్ట్ర సమితి ప్రభంజనం సృష్టించింది. శాసనసభ ఎన్నికల ఫలితాలే పరిషత్ ఎన్నికల్లోనూ టీఆర్‌ఎస్‌కు పునరావృతమయ్యాయి. హైదరాబాద్ మినహా 32 జిల్లాల్లో జరిగిన పరిషత్ ఎన్నికల్లో అన్ని జిల్లాల్లో జిల్లా పరిషత్ పీఠాలను కైవసం చేసుకోవడానికి సరిపడా మెజారిటీ స్థానాలను టీఆర్‌ఎస్ గెలుచుకుంది. జిల్లా ప్రాదేశిక నియోజకవర్గం (జడ్‌పీటీసీ), మండల ప్రాదేశిక నియోజకవర్గాలలో (ఎంపీటీసీ) మెజారిటీ స్థానాలను టీఆర్‌ఎస్ కైవసం చేసుకుంది. రాష్టవ్య్రాప్తంగా 534 జడ్‌పీటీసీ స్థానాలకు ఎన్నికలు జరగ్గా టీఆర్‌ఎస్ 445 స్థానాలను దక్కించుకుంది. ప్రధాన ప్రతిపక్షం కాంగ్రెస్ 75 జడ్‌పీటీసీలతో సరిపెట్టుకుంది. బీజేపీ 8 జడ్‌పీటీసీలు, ఇండిపెండెంట్లు ఐదు గెలుచుకున్నారు. మొత్తం 5817 ఎంపీటీసీలలో టీఆర్‌ఎస్ 3557, కాంగ్రెస్ 1377, బీజేపీ 211, సీపీఐ 35, టీడీపీ 21, ఇండిపెండెంట్లు 527 స్థానాలను గెలుచుకున్నాయి. జడ్‌పీటీసీ, ఎంపీటీసీలలో ఏ జిల్లాలూ కూడా ప్రతిపక్ష కాంగ్రెస్ గట్టిపోటీ ఇవ్వలేక పోయింది. అన్ని జిల్లా పరిషత్‌లనూ దక్కించుకోవడానికి సరిపడా మెజారిటీ జడ్‌పీటీసీ స్థానాలను టీఆర్‌ఎస్ గెలుచుకుంది. ఈ నెల 8న జరుగనున్న జిల్లా పరిషత్ చైర్మన్ ఎన్నికల్లో 32 జడ్‌పీ పీఠాలు టీఆర్‌ఎస్ దక్కించుకోవడం నల్లేరు మీద నడకే. కాగా ఏ జిల్లాలోనూ జిల్లా పరిషత్ పీఠాన్ని దక్కించుకోలేని పరాజయాన్ని కాంగ్రెస్‌కు ఎదురైంది. పార్లమెంట్ ఎన్నికల్లో ఉహించని ఫలితాలను సాధించిన బీజేపీ పరిషత్ ఎన్నికల్లోనూ ఫర్వాలేను అనిపించింది. రాష్ట్ర వ్యాప్తంగా 8 జడ్‌పీటీసీలు, 211 ఎంపీటీసీలను బీజేపీ గెలుచుకోగా, 35 ఎంపీటీసీలను సీపీఐ గెలుచుకుంది.
చిత్రం... తెలంగాణ భవన్ వద్ద టీఆర్‌ఎస్ కార్యకర్తల సంబురాలు
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.