జాతీయ వార్తలు
నా ఆశయం సిద్ధించింది..
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, నవంబర్ 9: వివాదాలను, వైషమ్యాలను విడనాడి మతసామరస్యం, శాంతి దిశగా ప్రతి ఒక్కరూ కలిసి పని చేయాల్సిన తరుణం ఆసన్నమైందని బీజేపీ సీనియర్ నాయకుడు ఎల్‌కె అద్వానీ అన్నారు. అయోధ్యపై సుప్రీం కోర్టు తాజాగా వెలువరించిన తీర్పు తన వాదననే రుజువు చేసిందని, ఈ చారిత్రక తీర్పు తనకు ఎంతో ఆనందాన్ని కలిగించిందని తెలిపారు. అయోధ్యలో అత్యద్భుత రీతిలో రామాలయ నిర్మాణానికి ఈ తీర్పు సుగమం చేయడం తనకు ఎంతో సంతృప్తిని ఇస్తోందని, రామజన్మభూమి ఉద్యమంలో క్రియాశీల భూమిక పోషించిన అద్వానీ అన్నారు. అయోధ్యలో రామాలయం కోసం జరిగిన ప్రజా ఉద్యమంలో తన వంతు తోడ్పాటు అందించే అవకాశాన్ని ఆ దేవుడు తనకు ఇచ్చారని తెలిపారు. భారత దేశ స్వాతంత్య్ర పోరాటం
తర్వాత అంతే భారీ స్థాయిలో జరిగిన ఉద్యమంగా రామాలయ నిర్మాణ ఉద్యమాన్ని ఆయన అభివర్ణించారు. సుప్రీం తాజా తీర్పుతో ఉద్యమ లక్ష్యం నెరవేరిందని తన కల ఫలించిందని అద్వానీ తెలిపారు. ఐదుగురు సభ్యుల ధర్మాసనం ముక్తకంఠంతో ఈ తీర్పును వెలువరించిందని, ఇది మరింత ఆనందకర విషయమని అద్వానీ పేర్కొన్నారు. భారత సాంస్కృతిక, నాగరికత చరిత్రలో రాముడికి, రామాయణానికి అత్యంత పవిత్రమైన స్థానం ఉందని పేర్కొన్న ఆయన రాముడి పవిత్ర జన్మస్థలం అంశం కూడా ప్రతి భారతీయుడి హృదయంలోనూ అంతగానూ నిండిపోయిందని అద్వానీ పేర్కొన్నారు. సుప్రీం తీర్పుతో ప్రజల నమ్మకం, మనోభావాలకు గౌరవం దక్కిందని గత కొన్ని దశాబ్దాలుగా సాగుతున్న ఈ వివాదస్పద ప్రక్రియకు తాజా పరిణామం ముగింపు పలికిందని తెలిపారు. ‘మందిర్-మసీదు వివాదానికి తెర పడింది. ఇప్పుడు ప్రతి ఒక్కరూ కలిసి పని చేసి శాంతి-సామరస్యాలను పెంపొదించాలి’ అని అన్నారు. అలాగే జాతీయ సమైక్యత, సమగ్రతల పరిరక్షణకు ప్రతి భారతీయుడు ముందుకు రావాలని, భిన్నత్వంలో ఏకత్వం భావనకు మరింత వనె్న తేవాలని పిలుపునిచ్చారు. అయోధ్యలో మసీదు నిర్మాణానికి ఓ ప్రముఖమైన చోటే ఐదు ఎకరాల స్థలాన్ని ముస్లింలకు ఇవ్వాలని సుప్రీం కోర్టు నిర్ణయించడం కూడా స్వాగతించదగ్గ అంశం అని సర్వోన్నత న్యాయస్థానం చారిత్రక తీర్పును యావత్ భారత పౌరులతో తానూ స్వరం కలుపుతున్నానన్నారు.
*చిత్రం... బీజేపీ సీనియర్ నాయకుడు ఎల్‌కె అద్వానీ
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.