రాష్ట్రీయం
విస్తరణే వ్యూహం
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, అక్టోబర్ 22: రాష్ట్రీయ స్వయం సేవక్ సంఘ్ (ఆర్‌ఎస్‌ఎస్) తమ శాఖలను తెలంగాణలో మరింత విస్తరించేందుకు పక్కా ప్రణాళికతో ముందుకొచ్చింది. రాబోయే రెండు మూడేళ్ళలో దేశవ్యాప్తంగా లక్షకుపైగా శాఖలను విస్తరించాలని లక్ష్యంగా పెట్టుకుంది. కుల వివక్షకు వ్యతిరేకంగా పోరాటాలు చేస్తూ, అన్ని సామాజిక వర్గాలనూ ఆకర్షించాలన్న పట్టుదలతో ఉంది. దేశ సామాజిక, రాజకీయం వంటి అనేకానేక అంశాలపై ఆదివారం నుంచి మూడు రోజులపాటు ఆర్‌ఎస్‌ఎస్ అఖిల భారత కార్యకారిణి (ఎగ్జిక్యూటివ్ కౌన్సిల్) సమావేశాల్లో చర్చించనున్నారు. నగర శివారులోని ఘట్‌కేసర్ అన్నోజిగుడాలోని శ్రీ విద్య విహార్ పాఠశాల్లో 20న కార్యకారిణి సమావేశాలు ప్రారంభమైనా, ఆదివారం నుంచి మూడు రోజులపాటు కీలకమైన అంశాలపై చర్చించనున్నారు. శనివారం జరిగిన భేటీలో మూడు రోజులపాటు చేపట్టే అజెండాను ఖరారు చేశారు. దేశ భద్రత, కుల వివక్షకు వ్యతిరేకంగా ప్రజల్లో చైతన్యం తేవడం వంటి పలు తీర్మానాలనూ సమావేశాల్లో చేయనున్నారు. ఇప్పటికే ప్రారంభమైన సమావేశాల్లో ఆర్‌ఎస్‌ఎస్ సర్ సంఘ్ చాలక్ మోహన్ జీ భాగవత్ పాల్గొంటున్నారు. బిజెపి జాతీయ అధ్యక్షుడు అమీత్ షా, పార్టీ రాష్ట్ర అధ్యక్షుడు కె లక్ష్మణ్, పార్టీ శాసనసభాపక్షం నాయకుడు జి కిషన్‌రెడ్డి, పార్టీ ఎమ్మెల్సీ, ఎమ్మెల్యేలు హాజరుకానున్నారు. ఇంకా స్వదేశీ జాగరణ్ మంచ్, బిఎంఎస్, బికెఎస్ వంటి అనుబంధ విభాగాల ముఖ్య నేతలతో కలిపి 500 మంది ప్రతినిధులు హాజరవుతారు.
2025నాటికి అన్ని గ్రామాల్లో..
ఆర్‌ఎస్‌ఎస్ ఆవిర్భవించి 2025 సంవత్సరం నాటికి వందేళ్లు పూర్తికానుంది. అప్పటికి దేశవ్యాప్తంగా అన్ని గ్రామాలకూ శాఖలు విస్తరించే యోచనలో ఉన్నారు. ప్రతి గ్రామంలో స్వయం సేవకులను తయారు చేసి శాఖలు నిర్వహించాలని ఆలోచన చేస్తున్నారు. తెలుగు రాష్ట్రాలైన తెలంగాణ, ఆంధ్రప్రదేశ్‌లోనూ శాఖలను మరింత విస్తరించే దిశగా ప్రణాళిక సిద్ధమవుతోంది. తెలంగాణలో ప్రస్తుతం 2300 శాఖలున్నాయి. రెండు మూడేళ్ళలో మరో నాలుగు వందల శాఖలను విస్తరించాలన్న లక్ష్యంగా పెట్టుకున్నారు.
ఆసక్తి పెరుగుతుంది: మన్మోహన్ వైద్య
ఆర్‌ఎస్‌ఎస్ అఖిల భారత ప్రచార ప్రముఖ్ మన్మోహన్ వైద్య మాట్లాడుతూ ఆర్‌ఎస్‌ఎస్‌లో చేరాలన్న కోరిక దేశవ్యాప్తంగా ప్రజల్లో పెరుగుతున్నదన్నారు. దేశంలో ఇప్పటికే 52 వేల పైచిలుకు శాఖలు విస్తరించి ఉన్నాయని చెప్పారు. వీటిలో 65శాతం శాఖలు విద్యార్థులే నిర్వహిస్తున్నారన్నారు. విద్యార్థులు, యువత కలిపి నిర్వహిస్తున్న శాఖల సంఖ్య 91 శాతం ఉంటుందన్నారు. తాజాగా ఆర్‌ఎస్‌ఎస్‌లో చేరేందుకు వెబ్‌సైట్ ద్వారా 31,800 మంది ముందుకొచ్చారని ఆయన వివరించారు. దేశవ్యాప్తంగా కుల వివక్షతకు వ్యతిరేకంగా స్వయం సేవకులు పోరాటం చేస్తున్నారని చెప్పారు. దేవాలయాలు, స్మశానాల్లో కులవివక్ష ఉండరాదన్న అంశంపై తాము దేశవ్యాప్తంగా సర్వే చేయించామని, ఇందులో తెలంగాణలో తక్కువ ఉందన్నారు. విలేఖరుల సమావేశంలో ఆర్‌ఎస్‌ఎస్ తెలంగాణ మీడియా ఇన్‌ఛార్జి ఎన్ ఆయూష్ కూడా పాల్గొన్నారు. రాంపల్లి మల్లిఖార్జున్ రావు ఏర్పాట్లను పర్యవేక్షిస్తున్నారు.
మీడియా సందడి
ఆర్‌ఎస్‌ఎస్ సమావేశాలకు వేదిక అయిన అన్నోజిగుడాలోని శ్రీ విద్య విహార్ పాఠశాల ప్రాంగణానికి జాతీయ, ప్రాంతీయ మీడియా ప్రతినిధులు, ప్రత్యక్ష ప్రసారం చేసే ఓబి వ్యాన్లతో తరలి రావడంతో సందడిగా మారింది. ఆర్‌ఎస్‌ఎస్ ముఖ్య నేతలు ఉండడంతో పోలీసు మెటల్ డిటెక్టర్లతో భారీ బందోబస్తు ఏర్పాటు చేశారు.
చిత్రాలు.. మీడియాతో మాట్లాడుతున్న ప్రచార ప్రముఖ్ మన్మోహన్ వైద్య
ఆర్‌ఎస్‌ఎస్ అఖిల భారత కార్యకారిణి సమావేశాలకు ముస్తాబైన శ్రీవిద్యావిహార్ ప్రాంగణం.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.