హైదరాబాద్, నవంబర్ 15: టీఆర్‌ఎస్ అధినేత కేసీఆర్‌ను కలిసి తన గురించి చెప్పాలని 70 రోజులు ఎదురుచూసినా ఫలితం లేకపోయిందని, అపాయింట్‌మెంట్ ఇవ్వలేదని చొప్పదండి మాజీ ఎమ్మెల్యే బొడిగ శోభ పేర్కొన్నారు. రాజకీయంగా తనను సమాధి చేయడం కోసమే తనకు అపాయింట్ ఇవ్వలేదని ఆమె చెప్పారు. గురువారం నాడు ఆమె బీజేపీ రాష్ట్ర అధ్యక్షుడు డాక్టర్ కే లక్ష్మణ్, జీ కిషన్‌రెడ్డి, బండారు దత్తాత్రేయల సమక్షంలో బీజేపీ తీర్ధం తీసుకున్నారు. ఈ సందర్భంగా జరిగిన కార్యక్రమంలో ఆమె మాట్లాడుతూ తెలంగాణ ఉద్యమం జలదృశ్యం మొదలు ఇంత వరకూ ఫుల్‌టైమ్ వర్కర్‌గా తాను టీఆర్‌ఎస్‌కు పనిచేశానని పేర్కొన్నారు.

తుర్కపల్లి, నవంబర్ 15: యాదాద్రి భువనగిరి జిల్లా పరిధిలోని ఆలేరు నియోజకవర్గం తాజామాజీ ఎమ్మెల్యే, టీఆర్‌ఎస్ అభ్యర్ధి గొంగిడి సునీత పనితీరును నిరసిస్తు తుర్కపల్లి జడ్పీటీసీ బోరెడ్డి జ్యోతి అయోధ్యరెడ్డి టీఆర్‌ఎస్ పార్టీకి రాజీనామా ప్రకటించారు. గురువారం ఆమె విలేఖరులతో మాట్లాడుతు ఆలేరు నియోజకవర్గానికి పట్టిన శని గొంగిడి సునీతామహేందర్‌రెడ్డిలంటు ఆమె విమర్శించారు.

హైదరాబాద్, నవంబర్ 15: టీఆర్‌ఎస్‌కు చెందిన ఇద్దరు ఎంపీలు కాంగ్రెస్ పార్టీలో చేరబోతున్నట్టు కాంగ్రెస్ నాయకుడు రేవంత్‌రెడ్డి చేసిన ఆరోపణ టీఆర్‌ఎస్‌లో కలకలం సృష్టించింది. తాము టీఆర్‌ఎస్‌కు రాజీనామా చేయనున్నట్టు వచ్చిన వార్తలను చేవేళ్ల ఎంపీ కొండా విశే్వశ్వర్‌రెడ్డి, మహబూబాద్ ఎంపీ సీతారామ్ నాయక్ తీవ్రంగా ఖండించారు. పార్టీ మారుతున్నట్టు జరుగుతున్న ప్రచారం పచ్చి అబద్ధమని ఎంపీ విశే్వశ్వర్‌రెడ్డి ఓ ప్రకటలో స్పష్టం చేశారు. మరో టీఆర్‌ఎస్ ఎంపీ సీతారామ్‌నాయక్ తెలంగాణ భవన్‌లో గురువారం మీడియా సమావేశం ఏర్పాటు చేసి తీవ్రంగా ఖండించారు.

హైదరాబాద్, నవంబర్ 15: తెలంగాణ శాసనసభ ఎన్నికల్లో అభ్యర్ధులను ఖరారు చేసిన బీజేపీ గురువారం రాత్రి మూడో జాబితాను విడుదల చేసింది. మూడో జాబితాలో 20 నియోజకవర్గాల అభ్యర్ధులను ప్రకటించింది.

హైదరాబాద్, నవంబర్ 15: ఆపద్ధర్మ ముఖ్యమంత్రి కేసీఆర్‌కు సీఈఓ రజత్ కుమార్, డీజీపీ మహేందర్‌రెడ్డి వత్తాసు పలుకుతున్నారని, వీరిపై కేంద్ర ఎన్నికల కమిషన్ చర్య తీసుకోవాలని టీపీసీసీ వర్కింగ్ ప్రెసిడెంట్ రేవంత్‌రెడ్డి డిమాండ్ చేశారు. గురువారం ఆయన సీఈఓ రజత్ కుమార్‌ను కలిసి టీఆర్‌ఎస్‌కు వ్యతిరేకంగా వినతిపత్రం ఇచ్చారు. ఆ తర్వాత మీడియా ప్రతినిధులతో మాట్లాడుతూ, ఇప్పటి వరకు తాను టీఆర్‌ఎస్‌పై రెండు సార్లు సీఈఓకు ఫిర్యాదు చేసినా ఎలాంటి చర్య తీసుకోలేదన్నారు.

హైదరాబాద్, నవంబర్ 15: అట్టడుగు వర్గాలను కేసీఆర్ మోసగించారని బీజేపీ రాష్ట్ర అధ్యక్షుడు డాక్టర్ కే లక్ష్మణ్ ఆరోపించారు. కేసీఆర్ బడుగు బలహీన వర్గాల వారికి వ్యతిరేకి అన్నారు. దళితులు , బడుగు బలహీన వర్గాలను రాజకీయంగా వ్యతిరేక దృష్టితో చూస్తున్నారని ఆరోపించారు. ఇందుకు ఫలితాన్ని రాబోయే ఎన్నికల్లో ఫలితాల్లో అనుభవిస్తారని చెప్పారు. కుల సంఘాలను కూడా కేసీఆర్ మోసం చేశారని, దేవాలయ భూములు , అధికార పార్టీ నేతలే అన్యాక్రాంతం చేశారని, ఉద్యోగులను కూడా ఈ ప్రభుత్వం మోసం చేసిందని అన్నారు. జర్నలిస్టులను టీఆర్‌ఎస్ మోసం చేసిందని అన్నారు.

ఖమ్మం, నవంబర్ 15: అభ్యర్థుల ప్రకటన వెలువడిన వెంటనే అసంతృప్తి కూడా భారీ స్థాయిలో బయటపడింది. ఉమ్మడి ఖమ్మం జిల్లాలో కాంగ్రెస్, టీఆర్‌ఎస్‌ల్లో అసమ్మతులు బహిర్గతమయ్యాయి. మహకూటమిలో ఖమ్మం, పాలేరు, కొత్తగూడెం, వైరా, అశ్వారావుపేట, పినపాక, ఇల్లందు సీట్లను ఆశించిన నేతలు తమకు టిక్కెట్ దక్కకపోవటంతో రెబల్‌గా నామినేషన్ వేస్తామని ప్రకటించారు. ఖమ్మం నియోజకవర్గంలో కాంగ్రెస్ టిక్కెట్‌ను ఆశించిన మాజీ ఎమ్మెల్సీ పోట్ల నాగేశ్వరరావు, ఖమ్మం వ్యవసాయ మార్కెట్ కమిటీ మాజీ చైర్మన్ మానుకొండ రాధాకిషోర్ రెబల్‌గా ఈ నెల 19వ తేదిన నామినేషన్ దాఖలు చేస్తామని ప్రకటించారు.

హైదరాబాద్ , నవంబర్ 15: తెలంగాణ రాష్ట్రంలో 20 లక్షలకు పైగా ఉన్న దివ్యాంగుల సంక్షేమాన్ని కేసీఆర్ ప్రభుత్వం గాలికొదిలేసిందని తెలంగాణ దివ్యాంగుల విభాగం కన్వీనర్ సీహెచ్ శ్రీశైలం ఆరోపించింది. దివ్యాంగులపై సవతితల్లి ప్రేమ తప్ప, నిజమైన ప్రేమ లేదని, కేవలం ఫించను ఇచ్చి హక్కులను ఆత్మగౌరవాన్ని తుంగలో తొక్కారని చెప్పారు. దివ్యాంగులకు గురుకుల పాఠశాల , పోటీ పరీక్షలకు స్టడీ సర్కిల్‌ను ఏర్పాటు చేస్తామని అన్నారు. టీఆర్‌ఎస్ వచ్చాక 31 జిల్లాల్లో దివ్యాంగులకు ప్రత్యేక అధికారులను నియమించలేదని, 2016లో పార్లమెంటు ద్వారా దివ్యాంగుల హక్కుల చట్టం వచ్చినా, దానిని ఇంత వరకూ పకడ్బందీగా అమలుచేయడం లేదని అన్నారు.

అనకాపల్లి, నవంబర్ 15: ఆంధ్రప్రదేశ్‌లో అభివృద్ధిపై ఎటువంటి బహిరంగ చర్చకైనా సిద్ధమేనని ముఖ్యమంత్రి చంద్రబాబునాయుడు ప్రతిపక్షాలకు సవాల్ విసిరారు. 22 కోట్ల రూపాయల వ్యయంతో బాబూ జగ్జీవన్‌రామ్ ఉత్తరాంధ్ర సుజల స్రవంతి ప్రాజెక్టు నిర్మాణ పనులకు విశాఖ జిల్లా చోడవరంలో సీఎం చంద్రబాబు గురువారం సాయంత్రం శంకుస్థాపన చేసారు. ఈ సందర్భంగా జరిగిన బహిరంగ సభలో ఆయన మాట్లాడుతూ లోటుబడ్జెట్‌ను సైతం అధిగమించి కేంద్రం సహకరించకపోయినా స్వశక్తితో ఆంధ్రప్రదేశ్‌లో గత నాలుగేళ్లకాలంలో అనూహ్య అభివృద్ధిని సాధించానన్నారు.

కాకినాడ సిటీ, నవంబర్ 15: తూర్పు గోదావరి జిల్లా కాకినాడ సీపోర్టు కేంద్రంగా జరుగుతున్న అక్రమ వ్యవహారాలను అంతర్జాతీయ సమాజం దృష్టికి తీసుకెళ్తామని జనసేన అధ్యక్షుడు పవన్ కళ్యాణ్ ప్రకటించారు. ఈ పోర్టు కేంద్రంగా జరుగుతున్న నాసిరకం బియ్యం ఎగుమతుల కారణంగా అంతర్జాతీయంగా దేశీయ ఉత్పత్తులకు చెడ్డపేరు వస్తోందన్నారు. ఈ పోర్టు కేంద్రంగా నాసిరకం బియ్యం ఎగుమతి జరుగుతున్నాయనే విషయం తనకు ఒక ఆఫ్రికా దేశం విద్యార్థివల్ల తెలిసిందన్నారు. తూర్పు గోదావరి జిల్లా కేంద్రం కాకినాడలో గురువారం పవన్ కళ్యాణ్ విలేఖర్లతో మాట్లాడారు.