S ,7 à 8 RSCA (si SASPAS) et 6 cialis pharmacie cialis rapports de stage.

జీఎస్‌టీ బిల్లుతో పన్నుల సంస్కరణలు : అరుణ్‌జైట్లీ

దిల్లీ: జీఎస్‌టీ బిల్లు వల్లే పన్నుల సంస్కరణలు సాధ్యమని కేంద్ర ఆర్థికమంత్రి అరుణ్‌జైట్లీ స్పష్టం చేశారు. బుధవారం రాజ్యసభలో వస్తు, సేవల పన్ను (జీఎస్‌టీ) సవరణ బిల్లును జైట్లీ ప్రవేశపెట్టారు. చర్చను ప్రారంభించిన జైట్లీ మాట్లాడుతూ దేశంలోనే అతిపెద్ద పన్ను సంస్కరణ బిల్లు జీఎస్‌టీ అని వివరించారు. ఒకే దేశం, ఒకే పన్ను విధానం ఉండాలనే లక్ష్యంతో జీఎస్‌టీ బిల్లు రూపొందించినట్లు చెప్పారు. జీఎస్‌టీ సవరణ బిల్లుకు అన్ని రాష్ట్రాలు మద్దతు ఇవ్వాలని కోరారు. ఇప్పటికే జీఎస్‌టీ బిల్లుపై విస్తృత సంప్రదింపులు జరిపామని వెల్లడించారు.

గురుకుల విద్యాసంస్థల్లో 1794 పోస్టుల భర్తీకి ప్రకటన

హైదరాబాద్‌: తెలంగాణలో సాంఘిక సంక్షేమ గురుకుల పాఠశాలల్లో 1164 పోస్టులు, గురుకుల మహిళా డిగ్రీ కళాశాలల్లో 630 పోస్టుల భర్తీకి ప్రభుత్వం ఉత్తర్వులు జారీ చేసింది. గతంలో అనుమతించిన 758 పోస్టులకు అదనంగా తాజా ప్రకటనను ప్రభుత్వం వెలువరించింది. పబ్లిక్‌ సర్వీస్‌ కమిషన్‌ ద్వారా ఈ పోస్టులు భర్తీ చేయనున్నారు.

అక్రమ వెంచర్లలో స్థలాలు కొనవద్దు

హైదరాబాద్: అనుమతులు లేకుండా వేసిన లే అవుట్లలో స్థలాలు, భవనాలు కొనవద్దని అధికారులు హెచ్చరించారు. శంషాబాద్ మండలం మదన్‌పల్లిలో వెలసిన అక్రమ వెంచర్లపై అధికారులు బుధవారం దాడులు చేశారు. అక్రమ నిర్మాణాలను తొలగించారు. అనుమతులు లేని వెంచర్లలో పెట్టుబడులు పెట్టి మోసపోరాదని వారు ప్రజలను హెచ్చరిస్తున్నారు.

కేంద్రం స్పందనపై భవిష్యత్ కార్యాచరణ

విజయవాడ: ఎపికి ప్రత్యేక హోదా కోసం పార్లమెంటులో జరుగుతున్న ఆందోళనపై టిడిపి అధినేత, సిఎం చంద్రబాబు బుధవారం తన పార్టీ ఎంపీలతో టెలికాన్ఫరెన్స్ నిర్వహించారు. స్పష్టమైన హామీ వచ్చేంత వరకూ ఆందోళనను పలు రూపాల్లో కొనసాగించాలని ఆయన సూచించారు. కేంద్రం స్పందనపై తమ భవిష్యత్ కార్యాచరణ ఆధారపడి ఉంటుందని స్పష్టం చేశారు.

పార్లమెంటు వద్ద వైకాపా ఎంపీల ధర్నా

దిల్లీ: ఎపికి ప్రత్యేక హోదా ప్రకటించాలని కోరుతూ వైకాపా ఎంపీలు పార్లమెంటు ఆవరణలోని గాంధీ విగ్రహం వద్ద బుధవారం ధర్నా చేపట్టారు. వీరికి టిడిపి ఎంపీ జెసి దివాకర రెడ్డి మద్దతు తెలిపారు.

పోరాటానికి టిడిపి ఎంపీల విరామం

దిల్లీ: ఎపికి ప్రత్యేకహోదా కోసం పార్లమెంటులో తాము చేస్తున్న పోరాటాన్ని తాత్కాలికంగా విరమిస్తున్నట్లు టిడిపి ఎంపీలు తెలిపారు. కేంద్రమంత్రులు అరుణ్ జైట్లీ, అనంతకుమార్ ఇచ్చిన హామీలను దృష్టిలో పెట్టుకుని తాము ఈ నిర్ణయం తీసుకున్నామని చెప్పారు. వారం లోగా తమ డిమాండ్‌ను నెరవేర్చకుంటే మళ్లీ పోరాటం ప్రారంభిస్తామన్నారు. పదవులను వదులుకునేందుకైనా సిద్ధమేనని, తమ ఆందోళనకు ఇతర పార్టీల ఎంపీలు సైతం మద్దతు ఇస్తున్నారన్నారు. కాంగ్రెస్ పార్టీకి మాత్రం ఎలాంటి చిత్తశుద్ధి లేదన్నారు.

మంత్రి సుజనా ఇంటిముందు చీపుర్లతో నిరసన

విజయవాడ: ఎపికి ప్రత్యేక హోదాను సాధించడంలో కేంద్రమంత్రి సుజనా చౌదరి విఫలమయ్యారని ఆరోపిస్తూ ఆయన స్వగ్రామమైన వీరులపాడు మండలం పొన్నవరంలో బుధవారం ఉదయం కాంగ్రెస్ కార్యకర్తలు ఆందోళన చేపట్టారు. సుజనా ఇంటి ముందు రోడ్డును చీపుర్లతో ఊడ్చి వారు తమ నిరసన తెలిపారు. మంత్రి పదవిని కాపాడుకునేందుకు సుజనాచౌదరి బిజెపితో కుమ్మక్కయ్యారని కాంగ్రెస్ కార్యకర్తలు నినాదాలు చేశారు. సుజనా, చంద్రబాబులకు వ్యతిరేకంగా వారు మాట్లాడారు. దీంతో కొందరు టిడిపి కార్యకర్తలు మంత్రి ఇంటి వద్దకు చేరుకుని రాష్ట్రాన్ని విభజించింది కాంగ్రెస్ వారేనని వాదనకు దిగారు. సోనియాగాంధీ డౌన్‌డౌన్ అని వారు ఎదురుదాడికి దిగారు.

యుపి ఘటనలపై రాజ్యసభలో ఆందోళన

దిల్లీ: యుపిలో మహిళల పట్ల హింస, అత్యాచారాలు పెరిగిపోతున్నా కేంద్ర, రాష్ట్ర ప్రభుత్వాలు ఏ మాత్రం పట్టించుకోవడం లేదని రాజ్యసభలో బిఎస్పీ అధినేత్రి మాయావతి బుధవారం తీవ్ర స్థాయిలో ఆందోళన వ్యక్తం చేశారు. యుపిలో సమాజ్‌వాదీ సర్కారుతో కేంద్రం కుమ్మక్కయిందా? అని ఆమె ప్రశ్నించారు. సామూహిక అత్యాచారాలు, హింసతో యుపిలో మహిళలకు భద్రత లేకుండా పోయిందన్నారు. ఈ ఘటనలపై చర్చించేందుకు ప్రభుత్వం సిద్ధంగా ఉందని కేంద్ర మంత్రి ముఖ్తార్ అబ్సాస్ నఖ్వీ సభలో తెలిపారు.

అశోక్‌గజపతి బంగ్లా ఎదుట కాంగ్రెస్‌ నిరసన

విజయనగరం : ఆంధ్రప్రదేశ్‌కు ప్రత్యేక హోదా ఇవ్వాలని కోరుతూ కాంగ్రెస్‌ కాంగ్రెస్‌ నాయకులు, కార్యకర్తలు బుధవారం ఉదయం డీసీసీ అధ్యక్షుడు ఆదిరాజు ఆధ్వర్యంలో విజయనగరంలోని కేంద్ర మంత్రి అశోక్‌ గజపతిరాజు బంగ్లా ఎదుట నిరసన తెలిపారు. కేంద్ర ప్రభుత్వం మెడలు వంచి రాష్ట్రానికి ప్రత్యేక హోదా సాధిస్తామన్నారు. కార్యక్రమంలో కాంగ్రెస్‌ నాయకులు చిన్నఅప్పలనాయుడు, భానుమూర్తి, శ్రీనివాస్‌, కరీం తదితరులు పాల్గొన్నారు.

కొరియా క్షిపణి ప్రయోగం: జపాన్‌ ఆందోళన

సియోల్‌: ఉత్తరకొరియా తొలిసారిగా నేరుగా జపాన్‌ జలాల్లోకి ఖండాంతర క్షిపణిని జపాన్‌ నుంచి ఆందోళనలు వ్యక్తమవుతున్నాయి. కొరియా రెండు ఇంటర్మీడియట్‌ రేంజ్‌ క్షిపణులను ఒకదాని తర్వాత ఒకటి ప్రయోగించింది. కొరియా ప్రయోగించిన ఓ క్షిపణి జపాన్‌ సముద్ర జలాల్లో పడిందని.. జపాన్‌ ఉత్తర తీరానికి 250కిలోమీటర్ల దూరంలో పడినట్లు తెలుస్తోందని జపాన్‌ వెల్లడించింది. ఇది తమ దేశ భద్రతకు తీవ్రంగా ఆటంకం కలిగించే అంశమని జపాన్‌ ప్రధాని షింజో అబే ఆందోళన వ్యక్తంచేశారు. ఉ.కొరియా చర్యలను అమెరికా ఖండించింది.

Pages