S ,7 à 8 RSCA (si SASPAS) et 6 cialis pharmacie cialis rapports de stage.

జిఎమ్‌ఆర్‌లో కువైట్ పెట్టుబడులు

ముంబయి/హైదరాబాద్, డిసెంబర్ 4: కువైట్ ఇనె్వస్ట్‌మెంట్ అథారిటీ నుంచి 60 ఏళ్ళ విదేశీ కరెన్సీ కన్వర్టబుల్ బాండ్ల ద్వారా దాదాపు 2,000 కోట్ల రూపాయల (300 మిలియన్ డాలర్లు) నిధులను జిఎమ్‌ఆర్ ఇన్‌ఫ్రాస్ట్రక్చర్ అందుకుంది. ఈ మేరకు కువైట్ ఇనె్వస్ట్‌మెంట్ అథారిటీతో ఒప్పందం కుదిరిందని జిఎమ్‌ఆర్ శుక్రవారం తెలిపింది. ఇదిలావుంటే హైదరాబాద్ రాజీవ్ గాంధీ అంతర్జాతీయ విమానాశ్రయం విస్తరణ పనులు వచ్చే ఆర్థిక సంవత్సరం (2016-17) నుంచి మొదలవుతాయని జిఎమ్‌ఆర్ స్పష్టం చేసింది. వార్షిక ప్రయాణికుల సామర్థ్యాన్ని ప్రస్తుతమున్న 12 మిలియన్ల నుంచి 20 మిలియన్లకు పెంచనున్నట్లు తెలిపింది.

56 ఎన్‌బిఎఫ్‌సిల రిజిస్ట్రేషన్లను రద్దు చేసిన ఆర్‌బిఐ

ముంబయి, డిసెంబర్ 4: రిజర్వ్ బ్యాంక్ ఆఫ్ ఇండియా (ఆర్‌బిఐ) 56 నాన్ బ్యాంకింగ్ ఫైనాన్షియల్ కంపెనీల (ఎన్‌బిఎఫ్‌సి) రిజిస్ట్రేషన్ సర్ట్ఫికెట్లను రద్దు చేసింది. దీంతో ఈ సంస్థలు ఎన్‌బిఎఫ్‌సి లావాదేవీలు జరపడానికి వీల్లేకుండగా, రిజిస్ట్రేషన్ రద్దైన సంస్థల్లో బజాజ్ ఫిన్‌సర్వ్, ఎబిఎన్‌ఎల్ ఇనె్వస్ట్‌మెంట్ లిమిటెడ్ తదితర సంస్థలున్నాయి. కాగా, ఏ కారణం చేత ఆర్‌బిఐ ఈ చర్యకు దిగిందో తెలియరాకుండగా, బాధిత సంస్థల్లో కోల్‌కతాకు చెందినవి 16, ముంబయికి చెందినవి 14 ఉన్నాయి. అలాగే చెన్నై, న్యూఢిల్లీ, గుజరాత్, అసోం, పంజాబ్, రాజస్తాన్, కర్నాటక, కేరళ, మహారాష్ట్ర, ఉత్తరప్రదేశ్, ఆంధ్రప్రదేశ్‌కు చెందిన సంస్థలున్నాయి.

స్తంభించిన రాజ్యసభ

వికె సింగ్ వ్యాఖ్యలపై గందరగోళం
బిఎస్సీ ఆందోళనకు కాంగ్రెస్ మద్దతు
కేబినెట్ నుంచి తప్పించాలని ఆజాద్ డిమాండ్

సల్మాన్ బెయిల్ రద్దుకు సుప్రీం ‘నో’

న్యూఢిల్లీ, డిసెంబర్ 4: హిట్ అండ్ రన్ కేసులో బాలీవుడ్ హీరో సల్మాన్‌ఖాన్‌కు బెయిల్ రద్దు చేయడానికి సుప్రీం కోర్టు నిరాకరించింది. 2002 హిట్ అండ్ రన్ కేసులో ఖాన్‌కు బాంబే హైకోర్టు బెయిల్ మంజూరు చేసింది. బాంబే హైకోర్టు ఆదేశాల్లో తాము జోక్యం చేసుకోలేమని జస్టిస్ ఎఫ్‌ఎంఐ కాలీఫుల్లా, జస్టిస్ అమితారాయ్‌తో కూడిన సుప్రీం కోర్టు ధర్మాసనం స్పష్టం చేసింది. సుశీల బాయ్ హిమ్మత్‌రావు తరఫున న్యాయవాది మనోహర్‌లాల్ శర్మ బెయిల్ రద్దు చేయాలంటూ పిటిషన్ దాఖలు చేశారు. ఖాన్ పోలీసు బాడీగార్డు రవీంద్ర పాటిల్ కుమారుడే సుశీల బాయ్. 2002 హిట్ అండ్ రన్ కేసులో రవీంద్రే ప్రత్యక్ష సాక్షి.

సామాజిక మాధ్యమంతో వినూత్న ప్రయోగం

న్యూఢిల్లీ, డిసెంబర్ 4: జలప్రళయానికి గురైన చెన్నైలో సహాయక చర్యల్లో నిమగ్నమైన ఎన్‌డిఆర్‌ఎఫ్ సహాయం కోసం ఎదురు చూస్తున్న వారిని చేరుకోవడం కోసం సామాజిక మాధ్యమాన్ని, ఇంటర్నెట్‌ను ఉపయోగించుకుంటోంది. అంతేకాదు బాధితులకు సాయం అందేలా చూడడం కోసం న్యూఢిల్లీలోని కేంద్ర కార్యాలయంలో ఒక ప్రత్యేక డెస్క్‌ను సైతం ఏర్పాటు చేసింది. ఎన్‌డిఆర్‌ఎఫ్ ప్రధాన కార్యాలయంలో ఏర్పాటు చేసిన ఈ హెల్ప్ డెస్క్‌కు సోషల్ మీడియా, ఇంటర్నెట్ ద్వారా ఇప్పటివరకు కీలక సమాచారంతో కూడిన వెయ్యికి పైగా సందేశాలు రాగా, సాయం అవసరమైన వారికి తగిన సమాధానాలను కూడా పోస్ట్ చేస్తున్నారు.

Pages