S ,7 à 8 RSCA (si SASPAS) et 6 cialis pharmacie cialis rapports de stage.

పంచారామ క్షేత్రానికి ట్రస్టుబోర్డు నియామకం జరిగేనా !

సామర్లకోట, ఫిబ్రవరి 26: సామర్లకోట పంచారామక్షేత్రం భీమేశ్వరాలయానికి ట్రస్టు బోర్డు నియామకం మహాశివరాత్రి ఉత్సవాలలోపు జరుగుతుందా? లేదా అనే సందేహాలు వ్యక్తమవుతున్నాయి. రాష్ట్ర విభజన నేపధ్యం, తదుపరి గత ఉమ్మడి ఆంధ్ర రాష్ట్రంలో ఏర్పాటుచేసిన ట్రస్టు బోర్డుల నియామకం జరగ్గా, తాజాగా నవ్యాంధ్రప్రదేశ్ ఏర్పడిన నాటి నుండి ఈ ఆలయానికి ట్రస్టు బోర్డు ఏర్పాటు కాలేదు. ఇప్పటికే దరఖాస్తులు కూడా దేవాదాయశాఖ స్వీకరించింది.

ఇసుకపై మల్లగుల్లాలు

ఏలూరు, ఫిబ్రవరి 26 : రాష్ట్రంలో అమలవుతున్న ఇసుక విధి విధానాల తీరుతెన్నులపై సొంత పార్టీ నుంచే కాకుండా ప్రజల నుంచి కూడా తీవ్ర అసంతృప్తిని, అసహనాన్ని ప్రభుత్వం మూటకట్టుకుంటోందన్న అభిప్రాయం ఇప్పుడు బహిరంగ రహస్యంగానే మారింది. ప్రభుత్వం ఏర్పడిన తొలి నాళ్లలోనే ఇసుక విధానంలో కొత్త తీరుతెన్నులను తీసుకువచ్చి డ్వాక్రా సంఘాలకు ఈ బాధ్యతలను అప్పగిస్తే అనుకూలమైన ఫలితాలు వస్తాయని ప్రభుత్వం భావించింది. అయితే చివరకు ఈ వ్యవహారం బెడిసికొట్టి అసలుకే మోసం వచ్చే పరిస్థితిని ఎదుర్కోవాల్సి వచ్చింది.

తలిదండ్రుల పేర్లూ రాయలేని స్థితిలో విద్యార్థులు

తోట్లవల్లూరు, ఫిబ్రవరి 26: ప్రైవేటు పాఠశాలలకు ధీటుగా ప్రభుత్వ పాఠశాలలో విద్యను అందించే ప్రభుత్వ లక్ష్యాన్ని అమలు చేయాల్సిన బాధ్యత ఉపాధ్యాయులదేనని డీఈఓ ఎ సుబ్బారెడ్డి అన్నారు. ప్రాధమికోన్నత విద్యను బలోపేతం చేసేందుకు విద్యాశాఖ చేపట్టిన చైతన్యం కార్యక్రమంలో శుక్రవారం తోట్లవల్లూరులో జరిగింది.

సీనియర్ల చేరికపై పీట ముడి

విశాఖపట్నం, ఫిబ్రవరి 26: వైఎస్‌ఆర్ కాంగ్రెస్ పార్టీ నుంచి వచ్చిన వారిని వచ్చినట్టు చేర్చుకుంటున్న తెలుగుదేశం పార్టీ కొణతాల రామకృష్ణ, దాడి వీరభద్రరావు విషయంలో మాత్రం స్పష్టమైన వైఖరిని ప్రదర్శించలేకపోతోంది. గత అసెంబ్లీ ఎన్నికలకు ముందు తెలుగుదేశం పార్టీ నుంచి బయటకు వచ్చిన దాడి వీరభద్రరావు వైఎస్‌ఆర్ కాంగ్రెస్ పార్టీలో చేరారు. అక్కడ కూడా ఇమడలేక ఇప్పుడు తటస్థంగా ఉన్నారు. అయితే, ఆయన తిరిగి తెలుగుదేశం పార్టీలోకి వెళ్లడానికి మార్గాన్ని సుగమం చేసుకున్నారు. అయితే, తాజా రాజకీయ సమీకరణలు ఆయన మోకాలుకు అడ్డుపడుతున్నాయి.

వైకాపాలోనే కొనసాగుతా..

మహానంది, ఫిబ్రవరి 26: ఎందరు పార్టీ మారినా తాను పార్టీని వీడేది లేదని వైకాపాలోనే కొనసాగుతానని ఎమ్మెల్యే బుడ్డా రాజశేఖర్‌రెడ్డి స్పష్టం చేశారు. శుక్రవారం ఆయన ఓ వివాహ వేడుకకు హాజరయ్యేందుకు వచ్చారు. అనంతరం ఆయన మాట్లాడుతూ భూమానాగిరెడ్డి పార్టీ మారడం ఆయన వ్యక్తిగత విషయమని, తాను పార్టీ మారనని తెలిపారు. బుడ్డాశేషిరెడ్డి, మండల వైకాపా అధ్యక్షులు రఘురామిరెడ్డి, కందుల రఘురామిరెడ్డి, గోపవరం పుల్లయ్య, ఆయా మండల నాయకులు, కార్యదర్శులు పాల్గొన్నారు.
ఆదోని డివిజన్‌లోకి జోరుగా
కర్నాటక మద్యం దిగుమతి!
* పట్టించుకోని ఎక్సైజ్ పోలీసులు

ఎన్నికల బరిలో 291మంది అభ్యర్థులు

ఖమ్మం, ఫిబ్రవరి 26: ఖమ్మం కార్పొరేషన్‌లో 50డివిజన్లకు గానూ 283మంది అభ్యర్థులు బరిలో నిలిచారు. మొత్తం 587మంది నామినేషన్లు వేయగా 11నామినేషన్లు పరిశీలనలో తిరస్కరించబడ్డాయి. మిగిలిన 288మంది శుక్రవారం ఉపసంహరణల సమయానికి తమ నామినేషన్లు ఉపసంహరించుకోవడంతో మిగిలిన 291మంది బరిలో నిలిచినట్లయింది. అయితే అన్ని ప్రధాన రాజకీయ పార్టీల్లోనూ కొన్ని డివిజన్లలో రెబల్ అభ్యర్థులు రంగంలో ఉండటం గమనార్హం.

కోల్డ్ స్టోరేజి అగ్నిప్రమాద బాధితులకు నష్ట పరిహార చర్యలు ప్రారంభం

యడ్లపాడు, ఫిబ్రవరి 26: యడ్లపాడులో బుధవారం అగ్నిప్రమాదానికి గురైన సిఆర్ కోల్డ్‌స్టోరేజ్‌లో మిర్చిటిక్కీలు దాచిన రైతులకు సంబంధించి నష్టపరిహార చర్యలు శుక్రవారం ప్రారంభమయ్యాయి. ఈ మేరకు కోల్డ్‌స్టోరేజ్ యజమాని రమేష్‌చంద్ర శుక్రవారం మిర్చి రైతులతో సమావేశమయ్యారు. రైతుల అభిప్రాయాలు సేకరించిన అనంతరం మంచి మిర్చికి క్వింటాల్‌కు 12 వేల రూపాయలు, తాలు రకం మిర్చికి 10 వేల రూపాయలు చెల్లించేవిధంగా కోల్డ్‌స్టోరేజ్ యాజమాన్యం, మిర్చిరైతుల మధ్య అంగీకారం కుదిరింది. ఈ మొత్తాన్ని 15 రోజుల్లోపు చెల్లిస్తామని రమేష్‌చంద్ర రైతులకు హామీ ఇచ్చారు.

లేపాక్షి ప్రాశస్త్యాన్ని ప్రపంచానికి చాటుదాం

లేపాక్షి, ఫిబ్రవరి 26 : విజయనగర రాజుల కాలంలో నిర్మించి... శిల్పకళా కాణాచిగా పేరొందిన లేపాక్షి ప్రాశస్త్యాన్ని ప్రపంచ దేశాలకు చాటేవిధంగా నంది ఉత్సవాలను నిర్వహిద్దామని పౌర సరఫరాల శాఖ మంత్రి పరిటాల సునీత, ఎమ్మెల్యే నందమూరి బాలకృష్ణ పిలుపునిచ్చారు. శుక్రవారం నంది విగ్రహం నుంచి గురుకుల పాఠశాల వరకు భారీ ర్యాలీ నిర్వహించారు. అనంతరం ఏర్పాటు చేసిన సమావేశంలో వారు మాట్లాడుతూ రాయలు ఏలిన రాయలసీమలో వజ్రం లాంటి లేపాక్షి అభివృద్ధికి నిరంతరం కృషి చేస్తామన్నారు. లేపాక్షిని ప్రపంచ పర్యాటక కేంద్రాల్లో ఒకటిగా మారుస్తామన్నారు. వరల్డ్ హెరిటేజ్‌లో లేపాక్షిని చేర్చడానికి ప్రయత్నాలు చేస్తామన్నారు.

విద్యా ప్రమాణాలు పెరిగేనా?

ప్రభుత్వం ప్రాథమిక ఉన్నత పాఠశాలలు మూడు పూవులు ఆరు కాయలుగా గతంలో వికసించాయి. కాని నేడు పేరుకు మాత్రం గ్రామాల్లో రెండుమూడు ప్రాథమిక పాఠశాలలు వెలిశాయి. కాని ఫలితం శూన్యం! ప్రభుత్వానికి విపరీత నష్టం. అలాగే ఉన్నత పాఠశాలలు, మున్సిపల్ పాఠశాలలు కోకొల్లలు! కాలక్షేపానికి మాత్రం కనిపిస్తున్న వీటిని ఎవరు పట్టించుకొన్నట్లు? ఇక ఆంగ్లంలో టెక్నోస్కూల్ స్మార్ట్ స్కూల్, గ్లోబల్ స్కూల్, కానె్సప్ట్ స్కూల్ ఇంటర్ నేషనల్ స్కూల్ విచ్చలవిడిగా తాండవం చేస్తూ ధనార్జనకు ప్రాముఖ్యతనిచ్చేదని ప్రస్ఫుటంగా వున్నది. నేటి చదువులు వానాకాలం చదువులే కదా? మార్పురాగలదా?
- కోవూరు వెంకటేశ్వరప్రసాదరావు, కందుకూరు

విచక్షణ నేర్పని విద్య

‘విద్య’ వినయాన్ని పెంచి, ఆలోచనాశక్తినీ, వివేకాన్నీ, విచక్షణా జ్ఞానాన్నీ రేకెత్తిస్తుందనీ, ‘విశ్వవిద్యాలయాలు’ విజ్ఞాన కేంద్రాలనీ ఒకప్పటి భావన. చాలా కాలం క్రిందటే ఆ భ్రమలు తొలగిపోయినప్పటికీ- ఏదో ఆశ. ఇప్పుడు విశ్వవిద్యాలయాలు రాజకీయ కేంద్రాలు. కుల విద్వేషాలకీ, మత రాజకీయాలకీ ప్రధాన కేంద్రాలు. అటువంటి విశ్వవిద్యాలయాలనుంచీ, కళాశాలలనుంచీ బయటికి వచ్చిన వారినుండి సంస్కారం, విశాల దృక్పధం ఆశించడం వట్టి భ్రమ.రాజకీయ నాయకులు తాము మానవతావాదులమనీ, లౌకికవాదులమనీ గొంతెత్తి అరుస్తున్న మహానుభావులూ సమాజాన్నీ, దేశాన్నీ తమ అర్థంలేని ప్రసంగాలతో, ఉద్యమాలతో భ్రష్టుపట్టిస్తున్నామని ఎన్నటికీ గ్రహించలేరు.

- మహీధర్ సుగుణ

Pages