S ,7 à 8 RSCA (si SASPAS) et 6 cialis pharmacie cialis rapports de stage.

చంద్రబాబుపై కేసుల కొట్టివేత

హైదరాబాద్, జూన్ 21: తనపై ఆంధ్ర, తెలంగాణలో వివిధ పోలీసు స్టేషన్లలో ఉన్న కేసులను కొట్టివేయాలని కోరుతూ ఆంధ్రప్రదేశ్ ముఖ్యమంత్రి చంద్రబాబునాయుడు హైకోర్టులో పిటిషన్ దాఖలు చేశారు. సంబంధించిన రికార్డులను పరిశీలించిన తర్వాత చంద్రబాబు పిటిషన్‌లో పేర్కొన్న కేసుల ఎఫ్‌ఐఆర్‌లను కొట్టివేస్తూ హైకోర్టు ఆదేశాలు జారీ చేసింది. ఈ పిటిషన్‌ను జస్టిస్ వి రామసుబ్రమణియన్, జస్టిస్ ఏ శంకర్ నారాయణతో కూడిన ధర్మాసనం విచారణ నిమిత్తం స్వీకరించింది.

కోడెలపై చర్యలు తీసుకోవాలి

హైదరాబాద్, జూన్ 21: కేంద్ర ఎన్నికల నిబంధనలను తుంగలో తొక్కి అసెంబ్లీ ఎన్నికల్లో సత్తెనపల్లి నుంచి గెలిచేందుకు దాదాపు 11 కోట్ల రూపాయల వ్యయం చేసినట్లు ఏపి స్పీకర్ డాక్టర్ కోడెల శివప్రసాదరావు ప్రకటించడంపై ఎన్నికల సంఘం చర్యలు తీసుకోవాలని వైకాపా డిమాండ్ చేసింది. మంగళవారం ఇక్కడ వైకాపా అధికార ప్రతినిధి అంబటి రాంబాబు విలేఖర్ల సమావేశంలో మాట్లాడుతూ సాక్షాత్తూ చట్టసభ గౌరవాన్ని, ప్రతిపత్తిని కాపాడాల్సిన స్పీకర్ తాను గత అసెంబ్లీ ఎన్నికల్లో ఇంత పెద్ద మొత్తంలో ఖర్చుపెట్టినట్లు ప్రకటించడంపై సుమోటోగా స్వీకరించాలన్నారు.

బస్ భవన్‌లో లీగల్ సెల్, పిఎఫ్ ట్రస్టులు

హైదరాబాద్, జూన్ 21: హైదరాబాద్‌లోని ఏపిఎస్‌ఆర్టీసి బస్ భవన్ నుంచి ఉద్యోగులను విజయవాడకు తరలించినా, బస్‌భవన్‌లో కొన్ని శాఖలు పనిచేస్తాయని ఆర్టీసి ఎండి సాంబశివరావు హామీ ఇచ్చారని ఎంప్లారుూస్ యూనియన్ ఉపప్రధాన కార్యదర్శి పి దామోదరరావు తెలిపారు. లీగల్ సెల్‌తో పాటు స్ట్ఫా రిటైర్‌మెంట్ బెనిఫిట్ స్కీం, స్ట్ఫా బెన్వవిలెంట్ ట్రస్టు, పిఎఫ్ ట్రస్టుల ఉద్యోగులు బస్‌భవన్‌లో పనిచేస్తారన్నారు. ఈ నెల 27వ తేదీ నాటికి విజయవాడకు ఆంధ్రా ఉద్యోగులు తరలిరావాలని ప్రభుత్వం ఆదేశించిన నేపథ్యంలో తాము ఆర్టీసీ ఎండిని కలిశామన్నారు. బస్ భవన్‌ను పూర్తిగా ఏపి వదిలిపెడితే ఆర్టీసికి నష్టం వస్తుందని తాము ఎండికి తెలిపామన్నారు.

మేం చెప్పలేదు

హైదరాబాద్, జూన్ 21:సాక్షి ప్రసారాలను నిలిపివేయాలని ప్రభుత్వం, పోలీసులు ఎలాంటి ఆదేశాలు జారీ చేయలేదని ఆంధ్రప్రదేశ్ ప్రభుత్వం హైదరాబాద్ హైకోర్టుకు తెలిపింది. ఆంధ్రప్రదేశ్ సాక్షి ప్రసారాలను నిలిపివేసినట్టు సాక్షి మీడియా గ్రూప్ పిటిషన్‌పై హైకోర్టు న్యాయమూర్తి జస్టీస్ ఎవి శేషసాయి విచారణ ప్రారంభించారు. ముద్రగడ పద్మనాభం దీక్ష తరువాత సాక్షి ప్రసారాలను ఆంధ్రప్రదేశ్‌లో ప్రభుత్వం నిలిపివేసిందని వైఎస్‌ఆర్ కాంగ్రెస్ అధ్యక్షుడు జగన్మోహన్‌రెడ్డి ఆరోపించారు. ప్రభుత్వ నిర్ణయంపై సాక్షి టెలివిజన్ ఎడిటోరియల్ బోర్డు డైరెక్టర్ కె రామచంద్రమూర్తి కోర్టును ఆశ్రయించారు.

పోడు భూములకు హక్కు పత్రాలు ఇవ్వాలి

ఖమ్మం(గాంధీచౌక్), జూన్ 21: పోడు భూములకు హక్కు పత్రాలు పంపిణి చేయటంతో పాటు గిరిజన రైతులపై నమోదు చేసిన కేసులను ఎత్తి వేయాలని లంబాడి హక్కుల పోరాట సమితి జిల్లా కన్వీనర్ భద్రునాయక్ డిమాండ్ చేశారు. మంగళవారం సంఘ కార్యాలయంలో జరిగిన సమావేశంలో ఆయన మాట్లాడుతూ కార్పొరేట్ శక్తులకు అండదండలుగా రాష్ట్ర ప్రభుత్వ విధానాలు ఉన్నాయని ఆయన ఆరోపించారు. లక్ష ఎకరాల భూమిని పరిశ్రమల పేరుతో కార్పొరేట్ శక్తులకు దారదత్తం చేస్తుందని విమర్శించారు. పోడు రైతుల సమస్యలపై గత ప్రభుత్వాలు వ్యవహరించిన తీరులో కాకుండా సమస్యల శాస్వత పరిష్కరాలకు టిఆర్‌ఎస్ ప్రభుత్వం కృషి చేయాలని ఆయన డిమాండ్ చేశారు.

ఎమ్మెల్యేలే ఇంచార్జిలు!

హైదరాబాద్, జూన్ 21: కొత్తగా చేరిన ఎమ్మెల్యేలు-పాత నేతల మధ్య జరుగుతున్న కలహాలకు తెరదించేందుకు తెలుగుదేశం పార్టీ నాయకత్వం తెరదించనుంది. వైసీపీ నుంచి తెదేపాలో చేరిన 20 మంది వైసీపీ ఎమ్మెల్యేలు- ఎప్పటినుంచో కొనసాగుతున్న టిడిపి ఇంచార్జుల మధ్య గత కొద్దిరోజులుగా జరుగుతున్న ప్రచ్ఛన్న యుద్ధానికి పార్టీ జాతీయ ప్రధాన కార్యదర్శి లోకేష్ తెరదించి, ఎమ్మెల్యేలే నియోజకవర్గ ఇంచార్జిలుగా ఉంటారని సంకేతాలివ్వనున్నారు.

చట్ట విరుద్ధంగా భూసేకరణ చేస్తున్న ప్రభుత్వం

ఖమ్మం(కల్చరల్), జూన్ 21: రాష్ట్ర ప్రభుత్వం 2013 భూ సేకరణ చట్టాన్ని ఉల్లంఘించి, దౌర్జన్యంగా రైతుల భూములను సేకరిస్తోందని తెలంగాణ రైతు సంఘం కార్యదర్శి బొంతల చంద్రారెడ్డి మండిపడ్డారు. మంగళవారం స్థానిక మంచికంటి మీటింగ్ హాల్ నందు మామిళ్ళ సంజీవరెడ్డి అధ్యక్షతన జరిగిన శ్రీరాంసాగర్ ప్రాజెక్టు 2వ దశ భూ నిర్వాసిత రైతుల జిల్లా స్ధాయి సదస్సులో ఆయన మాట్లాడుతూ ప్రాజెక్టు 2వ దశ కింద జిల్లాలో ప్రభుత్వం సేకరిస్తున్న భూమికి రైతులకిచ్చే పరిహారం అన్యాయంగా ఉందన్నారు.

మెగా టూరిజం ప్రాజెక్టుగా కొండవీడు

గుంటూరు, జూన్ 21: కొండవీడు కోట ప్రాంతాన్ని మెగా పర్యాటక ప్రాంతంగా అభివృద్ధి చేస్తున్నట్లు రాష్ట్ర వ్యవసాయశాఖ మంత్రి ప్రత్తిపాటి పుల్లారావు పేర్కొన్నారు. మంగళవారం కలెక్టరేట్‌లోని వీడియో కాన్ఫరెన్స్ హాలులో కొండవీడు కోట ప్రాంతంలో చేపట్టిన అభివృద్ధి కార్యక్రమాలపై రెవెన్యూ, దేవాదాయ, పురావస్తు, రోడ్లు భవనాలు తదితర ప్రభుత్వ శాఖల అధికారులతో సమీక్షించారు. ఈ సందర్భంగా పుల్లారావు మాట్లాడుతూ కొండవీడు కోట దిగువ నుండి పై వరకు నిర్మించనున్న ఘాట్‌రోడ్డును ఆగస్టు మాసాంతానికి పూర్తి చేయాలని ఆర్ అండ్ బి అధికారులను ఆదేశించారు.

హెల్మెట్లపై అవగాహన సదస్సు

ఖమ్మం(క్రైం), జూన్ 21: జూలై 1వ తేదీ నుంచి హెల్మట్‌లు ధరించాలని పోలీసులు అవగాహన సదస్సులు చేపట్టారు. స్థానిక జడ్పీ సమావేశ మందిరంలో మంగళవారం వన్‌టౌన్ సిఐ వెంకటనర్సయ్య, ఐఎంఏ హాల్‌లో ట్రాఫిక్ సిఐ పి నరేష్‌రెడ్డి వేరువేరుగా సదస్సులు నిర్వహించారు. ఈ సందర్భంగా వారు ద్విచక్ర వాహనదారులు, ప్రముఖులతో మాట్లాడుతూ మానవ తప్పిదాల వల్లే రోడ్డు ప్రమాదాలు జరుగుతున్నాయన్నారు. నివారించేందుకు ప్రతి ఒక్కరూ హెల్మెట్‌లు తప్పనిసరిగా వాడాలని హెల్మెట్ చట్టం గురించి వివరించారు.

ఇక లబ్ధిదారుడే డిజైనర్!

విజయవాడ, జూన్ 21: ఎన్టీఆర్ అర్బన్, రూరల్ గృహ నిర్మాణాల్లో లబ్ధిదారులకు వీలైనంత మేలు కల్పించాలని రాష్ట్ర ప్రభుత్వం నిర్ణయించింది. గృహ నిర్మాణ శాఖపై మంగళవారం రాత్రి ముఖ్యమంత్రి జరిపిన సమీక్షా సమావేశంలో ప్రభుత్వ గృహ నిర్మాణ లబ్ధిదారులకు మరింత ప్రయోజనం చేకూర్చే రెండు ముఖ్య నిర్ణయాలు తీసుకున్నారు.

Pages