S ,7 à 8 RSCA (si SASPAS) et 6 cialis pharmacie cialis rapports de stage.

కుండపోత వర్షంతో వణుకుతున్న జిల్లాలోని తూర్పు మండలాలు

తిరుపతి, డిసెబర్ 2: గత 20రోజులుగా కురుస్తున్న వర్షాలతో చిత్తూరు జిల్లా వణుకుతోంది. మరో నాలుగు రోజులు ఇదే పరిస్థితి కొనసాగితే పరిస్థితి చేయిదాటే పరిస్థితి కనిపిస్తోంది. ముఖ్యంగా గత రెండు రోజులుగా కురుస్తున్న వర్షాలతో తూర్పు మండలాల్లోని ప్రజలు పడుతున్న ఇబ్బందులు వర్ణణాతీతం. సత్యవేడులో దీపా(35) బుధవారం తెల్లవారుజామున 2.30గంటలకు ఎన్ ఎం కండ్రిగ వద్ద పొంగుతున్న వరదలో కొట్టుకుపోయింది. దాదాపు వంద గ్రామాలకు సంబంధాలు పూర్తిగా తెగిపోయాయి. స్వర్ణముఖి, కాళంగి రిజ్వాయర్, అరణియార్, ఉబ్బలమడుగు, సదాశివకోన, కృష్ణాపురం ప్రాజెక్టుల్లో వరదనీటితో ఉద్ధృతంగా ప్రవహిస్తోంది.

సీమజిల్లాల సస్యశ్యామలమే బాబు లక్ష్యం

కడప,డిసెంబర్ 2: సీమ జిల్లాలకు సాగు, తాగునీరు తెప్పించి సస్యశ్యామలం చేయడమే ముఖ్యమంత్రి చంద్రబాబునాయుడు ధ్యేయమని తెలుగుదేశం పార్టీ రాష్ట్ర పరిశీలకుడు హరిబాబు, తెలుగుదేశం పార్టీ జిల్లా అధ్యక్షుడు ఆర్.శ్రీనివాసరెడ్డి (వాసు) పేర్కొన్నారు. చైతన్యయాత్రలో భాగంగా బుధవారం వారు జిల్లాలోని వివిధప్రాంతాల్లో విస్తృతంగా పర్యటించారు. కడపలోని పలు డివిజన్లలో తెలుగుదేశం నేతలను వెంటపెట్టుకుని ప్రభుత్వం ప్రవేశపెట్టిన పథకాలను ప్రజలకు వివరించారు. ప్రజాసమస్యలను పరిష్కరించడమే టిడిపి ప్రభుత్వ ధ్యేయమని, పట్టిసీమ నుంచి జిల్లాకు నీరు తేవడం, గండికోటను పూర్తిచేసి జిల్లాను సస్యశ్యామలం చేయడం లక్ష్యమని వారు పేర్కొన్నారు.

ఒక్కటే ముసురు..

అనంతపురం, డిసెంబర్ 2 : బంగాళాఖాతంలో ఏర్పడ్డ అల్పపీడనం ప్రభావంతో రెండు రోజుల నుంచి జిల్లావ్యాప్తంగా ఆకాశం మేఘావృతమవడంతోపాటు చిరుజల్లులు పడుతుండటంతో ముసురు కమ్ముకుంటోంది. మరో 24 గంటల పాటు ఇదే పరిస్థితి కొనసాగనుందని వాతావరణ శాఖ అధికారులు పేర్కొన్నారు. బుధవారం బుక్కరాయసముద్రం (మండలంలో) 8.9 (మిల్లీమీటర్లలో), పెనుకొండలో 7.7, ఆమడగూరులో 7.8, నార్పలలో 8.8, గార్లదినె్నలో 4.2, యల్లనూరులో 10.7, కంబదూరులో 8.4, నంబులపూలకుంటలో 8.3, గాండ్లపెంటలో 2.2, గుమ్మగట్టలో 2, రొద్దంలో 2, చిలమత్తూరులో 3.7 ఎంఎం వర్షపాతం నమోదైంది.

మారుతున్న రాజకీయ పరిణామాలతో వామపక్షాల్లో గుబులు...!

ఖమ్మం, డిసెంబర్ 2: స్థానిక సంస్థలకోటాలో శాసనమండలి స్థానానికి జరుగుతున్న ఎన్నికల్లో మారుతున్న రాజకీయ పరిణామాలు వామపక్ష పార్టీల్లో గుబులు రేపుతున్నాయి. జిల్లాలో అత్యంత బలం కలిగిన వామపక్ష పార్టీలు ఉమ్మడి అభ్యర్థిగా సిపిఐ నేత పువ్వాడను ఎమ్మెల్సీ బరిలోకి దింపుతున్న విషయం తెలిసిందే. అయితే మొత్తం ఓట్లలో టిఆర్‌ఎస్‌కు సుమారు 317ఓట్లే ఉండగా, మిగిలిన అన్నింటిని తమ ఖాతాలో వేసుకునేందుకు వామపక్షపార్టీలు ప్రయత్నాలు చేస్తున్నారు. ఈ క్రమంలో వామపక్ష పార్టీలైన సిపిఎం, సిపిఐ, సిపిఐ(ఎంఎల్)న్యూడెమోక్రసి ఓటర్లతో పాటు కాంగ్రెస్ పార్టీ కూడా పువ్వాడకు మద్దతునిచ్చేందుకు సూత్రప్రాయంగా అంగీకరించినట్లు తెలుస్తోంది.

సమష్టిగా విధులు నిర్వర్తిస్తే మెరుగైన ఫలితాలు

వరంగల్, డిసెంబర్ 2: పోలీసు అధికారులు, సిబ్బంది సమిష్టిగా విధులు నిర్వర్తిస్తే పోలీసు కమిషనరేట్ పరిధిలో మెరుగైన ఫలితాలు రాబట్టవచ్చని నగర పోలీస్ కమిషనర్ సుధీర్‌బాబు తెలిపారు. వరంగల్ పార్లమెంటు ఉప ఎన్నికను ప్రశాంతంగా నిర్వహించిన సందర్భంగా బుధవారం పోలీస్ కమిషనరేట్ కార్యాలయంలో అభినందన సభ నిర్వహించారు. పోలీసు కమిషనర్ ఆధ్వర్యంలో ఏర్పాటు చేసిన ఈ అభినందన సభలో గత నెలలో జరిగిన ఉప ఎన్నిక సందర్భంగా వరంగల్ పోలీస్ కమిషనరేట్ పరిధిలో ఎన్నికలకు ముందు, ఎన్నికల రోజున ఎలాంటి అవాంఛనీయ సంఘటనలు జరుగకుండా కమిషనరేట్ పోలీసు అధికారులు, సిబ్బంది నిర్వహించిన విధుల తీరుపై పోలీస్ కమిషనర్ అభినందించారు.

ఎన్నికల నియమావళిని పాటించాలి

నిజామాబాద్, డిసెంబర్ 2: జిల్లాలో స్థానిక సంస్థల ఎమ్మెల్సీ స్థానానికి నోటిఫికేషన్ విడుదలైన దృష్ట్యా అన్ని రాజకీయ పార్టీలు ఎన్నికల నియమావళిని తు.చ తప్పకుండా పాటించాల్సి ఉంటుందని జాయింట్ కలెక్టర్, ఎన్నికల రిటర్నింగ్ అధికారి రవీందర్‌రెడ్డి స్పష్టం చేశారు. బుధవారం తన చాంబర్‌లో ఆయన గుర్తింపు పొందిన రాజకీయ పార్టీల ప్రతినిధులతో సమావేశమై ఎమ్మెల్సీ ఎన్నికల విధి విధానాల గురించి అవగాహన కల్పించారు.

నీతివంత సమాజాన్ని నెలకొల్పాలి

కలెక్టరేట్(నల్లగొండ), డిసెంబర్ 2: అవినీతిని అరికట్టి నైతిక విలువలతో కూడిన నీతివంతమైన సమాజాన్ని నెలకొల్పాల్సిన బాధ్యత ప్రతి ఒక్కరిపై ఉందని జిల్లా కలెక్టర్ పి.సత్యనారాయణరెడ్డి పిలుపునిచ్చారు. బుధవారం కలెక్టర్ తన క్యాంపు కార్యాలయంలో ఈనెల 3నుంచి 9వరకు నిర్వహించబోయే అవినీతి వ్యతిరేక వారోత్సవాలలో భాగంగా అవినీతి వ్యతిరేక నిరోధక శాఖ ఆధ్వర్యంలో రూపొందించిన గోడ పత్రికలను ఆయన ఆవిష్కరించారు. ఈ సందర్భంగా ఆయన మాట్లాడుతూ అవినీతి అనేది కేవలం ఇద్దరు వ్యక్తుల మధ్య లంచం ఇవ్వడానికి మాత్రమే పరిమితం కాదని, దేశ సమగ్రతకు, శాంతి భద్రతలకు ముప్పుగా పరిణమించడం చిన్న విషయం కాదన్నారు.

టెన్త్‌లో వంద శాతం ఉత్తీర్ణత సాధించాలి

సంగారెడ్డి కలెక్టరేట్, డిసెంబర్ 2: షెడ్యూల్డ్ కులాల వసతి గృహాల్లోని పదవ తరగతి విద్యార్థులు వంద శాతం ఫలితాలు సాధించాలని, సాధించని సంక్షేమ వసతి గృహా అధికారులపై చర్యలు తప్పవని షెడ్యూల్డ్ కులాల అభివృద్ధి శాఖ సంచాలకులు ఎంవి రెడ్డి హెచ్చరించారు. బుధవారం హైదరాబాద్ నుండి ఎస్సీ కార్పోరేషన్ డిడి, ఇడిలతో వీడియోకాన్ఫరెన్స్ నిర్వహించారు. ఈ సందర్భంగా ఆయన మాట్లాడుతూ పదిలో వంద శాతం ఉత్తీర్ణత సాధించడమే కాకుండ ఎ-వన్ గ్రేడ్ సాధించేలా సంక్షేమాధికారులు చర్యలు తీసుకోవాలని ఆదేశించారు. వార్షిక పరీక్షలకు 3నెలల సమయం ఉన్నందున ట్యూటర్ల ద్వారా ప్రత్యేక తరగతులు నిర్వహించాలన్నారు.

రికార్డు స్థాయిలో పాలమూరు ఎత్తిపోతల భూ సేకరణ

వనపర్తి, డిసెంబర్ 2: రాష్ట్ర ప్రభుత్వం అత్యంత ప్రతిష్టాత్మకంగా చేపట్టిన పాలమూరు-రంగారెడ్డి ఎత్తిపోతల పథకం భూసేకరణ వేగవంతంగా జరుగుతుందని, గతంలోదేశంలోనే ఎక్కడా చెల్లించని విధంగా రికార్డుస్థాయిలో 5.5లక్షల రూపాయలు ఎకరాకు చెల్లిస్తున్నామని రాష్ట్ర ప్రణాళిక సంఘం ఉపాద్యక్షులు నిరంజన్‌రెడ్డి అన్నారు. బుధవారం సాయంత్రం ఆయన నివాసంలో ఏర్పాటుచేసిన విలేఖరుల సమావేశంలోమాట్లాడారు. పాలమూరు-రంగారెడ్డిలో అంతర్భాగమైన వీరాంజనేయ స్వామి ఏదుల రిజర్వాయర్‌కు 4500 ఎకరాల భూమి అవసరం ఉండగా ఇప్పటికీ వెయ్యి ఎకరాల భూ సేకరణ జరిగిందన్నారు. 4500 ఎకరాలు ఇచ్చేందుకు రైతులను ఒప్పించడం జరిగిందన్నారు.

ఎమ్మెల్సీ నోటిఫికేషన్ విడుదల

కరీంనగర్, డిసెంబర్ 2: స్థానిక సంస్థల కోటాలో జరగనున్న రెండు ఎమ్మెల్సీ స్థానాలకు సంబంధించి ఎన్నికల రిటర్నింగ్ అధికారి, జాయింట్ కలెక్టర్ పౌసమి బసు బుధవారం ఎన్నికల నోటిఫికేషన్ జారీ చేశారు. ఈ నెల 9వరకు నామినేషన్ల స్వీకరణ, 10న నామినేషన్ల పరిశీలన, 12న నామినేషన్ల ఉపసంహరణ, 27న పోలింగ్, 30న ఓట్ల లెక్కింపు ప్రక్రియ చేపట్టనున్నారు. మొదటిరోజు ఎవరూ నామినేషన్లు దాఖలు చేయలేదు. నామినేషన్లు దాఖలు చేసే సమయంలో ధరావత్తు చెల్లించాల్సి ఉండగా, ఇందులో జనరల్ అభ్యర్థులు రూ.10వేలు, ఎస్సీ, ఎస్టీ అభ్యర్థులు రూ.5వేలు ధరావతు చెల్లించాల్సి ఉంటుంది. ఎన్నికల రిటర్నింగ్ అధికారి తన (జెసి) చాంబర్‌లో నామినేషన్లను స్వీకరిస్తారు.

Pages