S ,7 à 8 RSCA (si SASPAS) et 6 cialis pharmacie cialis rapports de stage.

విదేశీ పెట్టుబడులకు చమురు సెగ

న్యూఢిల్లీ: దేశీయ స్టాక్ మార్కెట్లలో విదేశీ పెట్టుబడుల ఉపసంహరణలు అంతకంతకూ పెరిగిపోతున్నాయ. కొత్తగా పెట్టుబడులకు దూరంగా ఉండటమేగాక, గతంలో పెట్టిన పెట్టుబడులనూ విదేశీ మదుపరులు తిరిగి తీసేసు కుంటున్నారు. గడచిన మూడు వారాల్లో దాదాపు 4,600 కోట్ల రూపాయల పెట్టుబడులను భారతీయ మార్కెట్ల నుంచి విదేశీ పోర్ట్ఫోలియో మదుపరులు (ఎఫ్‌పిఐ) గుంజేసుకున్నారు. డిపాజిటరీలు అందించిన సమాచారం మేరకు ఈ నెల 1-19 మధ్య దేశీయ స్టాక్ మార్కెట్ల నుంచి ఎఫ్‌పిఐలు 4,503 కోట్ల రూపాయల పెట్టుబడులను వెనక్కి తీసుకున్నారు. రుణ మార్కెట్ల నుంచి కూడా మరో 96 కోట్ల రూపాయల పెట్టుబడులను పట్టుకుపోయారు.

తపాలా శాఖ పెట్టుబడులకు పిఐబి ఆమోదం

న్యూఢిల్లీ: పేమెంట్స్ బ్యాంక్ ఏర్పాటు కోసం తపాలా శాఖ 800 కోట్ల రూపాయల పెట్టుబడుల ప్రతిపాదనకు పబ్లిక్ ఇనె్వస్ట్‌మెంట్ బోర్డు (పిఐబి) ఆమోదం తెలిపింది. అంతేగాక నెల రోజుల్లోపే కేబినెట్ ముందుకు ఈ ప్రతిపాదన వెళ్లనుంది. ప్రభుత్వరంగ సంస్థల పెట్టుబడుల ప్రతిపాదనలను కేంద్ర ఆర్థిక మంత్రిత్వ శాఖ ఆధ్వర్యంలోని పిఐబి పరిశీలించి తుది ఆమోదం కోసం కేబినెట్‌కు పంపిస్తుంది. ‘జనవరి 19న జరిగిన పిఐబి సమావేశంలో ఈ ప్రతిపాదనను ఆమోదించారు. దీన్ని తుది ఆమోదం కోసం కేబినెట్ వద్దకు పిఐబి సిఫార్సు చేయనుంది.’ అని తపాలా శాఖ సీనియర్ అధికారి ఒకరు పిటిఐకి తెలిపారు.

మదుపరుల చూపు బడ్జెట్ వైపు

న్యూఢిల్లీ: దేశీయ స్టాక్ మార్కెట్లు ఈ వారం కూడా ఒడిదుడుకులకు లోనుకావచ్చని నిపుణులు అంచనా వేస్తున్నా రు. అయితే రైల్వే బడ్జెట్, ఆర్థిక సర్వే ఆధారంగా పెట్టుబడులపై మదుపరుల ఆలోచన మారవచ్చని పేర్కొంటున్నారు. అలాగే అంతర్జాతీయ మార్కెట్ల తీరుతెన్నులు, ముడి చమురు ధరలు, డాలర్‌తో పోల్చితే రూపాయి మారకం విలువ, విదేశీ మదుపరుల పెట్టుబడులు కూడా మార్కెట్ ట్రేడింగ్‌ను ప్రభావితం చేయవచ్చని అభిప్రాయపడుతున్నారు.

హెచ్‌ఐఎల్ విజేత పంజాబ్

రాంచీ: హాకీ ఇండియా లీగ్ (హెచ్‌ఐఎల్) టైటిల్‌ను జేపీ పంజాబ్ వారియర్స్ జట్టు కైవసం చేసుకుంది. ఆదివారం జరిగిన ఫైనల్‌లో కళింగ లాన్సర్స్‌ను ఢీకొన్న ఈ జట్టు 6-1 తేడాతో ప్రత్యర్థిని చిత్తుచేసింది. లీగ్ దశ ముగిసే సమయానికి 37 పాయింట్లతో అగ్రస్థానాన్ని ఆక్రమించిన హాట్ ఫేవరిట్ రాంచీ రేస్‌ను ప్లే ఆఫ్ మ్యాచ్‌లో ఓడించిన ఢిల్లీ వేవ్‌రైడర్స్ మూడో స్థానాన్ని ఆక్రమించింది. కాగా, అత్యంత ఉత్కంఠ భరితంగా సాగుతుందని ఊహించిన టైటిల్ పోరు ఏకపక్షంగా కొనసాగింది. మ్యాచ్ మొదలైన మరుక్షణం నుంచే పంజాబ్ జట్టు దూకుడుగా ఆడింది. నాలుగో నిమిషంలోనే అర్మాన్ ఖురేషి ఫీల్డ్ గోల్ చేయడంతో ఆ జట్టుకు 2-0 ఆధిక్యం లభించింది.

ఢిల్లీ ఓపెన్ టెన్నిస్ ఫైనల్‌లో సాకేత్ ఓటమి

న్యూఢిల్లీ: ఢిల్లీ ఓపెన్ పురుషుల సింగిల్స్‌లో భారత ఆటగాడు సాకేత్ మైనేని రన్నరప్ ట్రోఫీతో సరిపుచ్చుకున్నాడు. ఫైనల్‌లో ఫ్రాన్స్‌కుచెందిన స్ట్ఫిన్ రాబర్ట్‌ను ఢీకొన్న అతను 3-6, 0-6 తేడాతో పరాజయాన్ని ఎదుర్కొన్నాడు. మొదటి సెట్‌లో సాకేత్ నుంచి కొద్దిపాటి ప్రతిఘటన ఎదురైనప్పటికీ దానిని సమర్థంగా అధిగమించిన రాబర్ట్ రెండో సెట్‌లో చెలరేగిపోయాడు. సాకేత్‌కు ఎలాంటి అవకాశం ఇవ్వకుండా ఆ సెట్‌ను సొంతం చేసుకొని టైటిల్ అందుకున్నాడు. పురుషుల డబుల్స్ ఫైనల్‌లో ఓడిన సాకేత్ సింగిల్స్‌లోనూ టైటిల్ సాధించలేకపోయాడు.

ఎన్నిసార్లు అడిగినా నా సమాధానం మారదు

కోల్‌కతా: ఒకే ప్రశ్నను ఎన్నిసార్లు మార్చిమార్చి అడిగినా తన సమాధానంలో మార్పు ఉండదని రిటైర్మెంట్‌పై భారత పరిమిత ఓవర్ల జట్ల కె ప్టెన్ మహేంద్ర సింగ్ ధోనీ విలేఖరుల సమావేశంలో స్పష్టం చేశాడు. ఆసియా చాంపియన్‌షిప్‌లో పాల్గొనడానికి వెళుతున్న సందర్భంగా ఏర్పాటైన సమావేశంలో ధోనీపై విలేఖరులు రిటైర్మెంట్ గురించి పదేపదే ప్రశ్నించడంతో అతను స్పందిస్తూ, ఎన్నిసార్లు అడిగినా తన సమాధానం ఒకటేనని వ్యాఖ్యానించాడు. ‘నెల లేదా 15 రోజుల క్రితం ఇదే ప్రశ్నకు నేను సమాధానమిచ్చాను. ఇంతలోనే నా సమాధానం మారిపోదు. మీరు ఎక్కడ, ఎప్పుడు, ఏ సందర్భంలో అడిగినా నా జవాబు ఒకేలా ఉంటుంది. రిటైర్మెంట్ గురించిన ఆలోచనలు ప్రస్తుతానికి లేవు.

బర్న్స్, స్మిత్ శతకాలు

క్రైస్ట్‌చర్చి: న్యూజిలాండ్‌తో జరుగుతున్న రెండవ, చివరి టెస్టు మ్యాచ్ మొదటి ఇన్నింగ్స్‌లో ఆస్ట్రేలియా భారీ స్కోరు దిశగా సాగుతున్నది. కెప్టెన్ స్టీవెన్ స్మిత్, జో బర్న్స్ శతకాలతో రాణించడంతో, మ్యాచ్ రెండో రోజు ఆట ముగిసే సమయానికి ఆస్ట్రేలియా నాలుగు వికెట్లకు 363 పరుగులు చేసింది. న్యూజిలాండ్ మొదటి ఇన్నింగ్స్‌లో 370 పరుగులు చేయగా, ఏడు పరుగులు వెనుకంజలో ఉన్న ఆసీస్ చేతిలో ఇంకా ఆరు వికెట్లు ఉన్నాయి. ఒక వికెట్‌ను కోల్పోయి 57 పరుగుల ఓవర్‌నైట్ స్కోరుతో ఆదివారం ఉదయం ఆటను కొనసాగించిన ఆస్ట్రేలియా తొలుత ఉస్మాన్ ఖాజా (24) వికెట్‌ను కోల్పోయింది. ఆతర్వాత బర్న్స్, స్మిత్ ఆసీస్ ఇన్నింగ్స్‌ను చక్కదిద్దారు.

ఆసియా బాడ్మింటన్ టీం చాంపియన్‌షిప్

హైదరాబాద్: గచ్చిబౌలి ఇండోర్ స్టేడియంలో జరుగుతున్న ఆసియా బాడ్మింటన్ టీం చాంపియన్‌షిప్ మహిళల విభాగంలో చైనా టైటిల్ సాధించింది. ఫైనల్ పోరులో ఈ జట్టు 3-2 తేడాతో జపాన్‌ను ఓడించింది. ఆరంభంలో ఆధిపత్యాన్ని కనబరచిన జపాన్ ఆతర్వాత చైనా ధాటిని ఎదురునిలవలేకపోయింది. తొలి సింగిల్స్ మ్యాచ్‌లో షిజియాన్ వాంగ్‌ను ఒకుహరా నొజొమీ 17-21, 21-16, 21-15 తేడాతో ఓడించింది. అనంతరం డబుల్స్ తొలి మ్యాచ్‌లో ఇంగ్ లివో, క్వింగ్ తియాన్ జోడీపై మిసాకీ మత్సుతొమో, అయాకా తకహషి జోడీ 21-12, 21-16 ఆధిక్యంతో విజయం సాధించి, జపాన్ ఆధిక్యాన్ని 2-0కు పెంచింది. అయితే, ఆతర్వాత చైనా విజృంభణ మొదలైంది.

రోహిత్‌తో సుదీర్ఘ ప్రయాణం

కోల్‌కతా: రోహిత్ శర్మతో కలిసి తన ప్రయాణం సుదీర్ఘకాలం సాగుతుందని భారత ఓపెనర్ శిఖర్ ధావన్ ధీమా వ్యక్తం చేశాడు. ఆసియా కప్ క్రికెట్ టోర్నమెంట్‌లో పాల్గొనేందుకు బంగ్లాదేశ్ బయలుదేరుతున్న సందర్భంగా అతను ఆదివారం ఇక్కడ ఏర్పాటైన విలేఖరుల సమావేశంలో మాట్లాడుతూ, సచిన్ తెండూల్కర్, సౌరవ్ గంగూలీ ఎక్కువ కాలం టీమిండియాకు ఓపెనర్లుగా వ్యవహరించారని, వారి మాదిరిగానే తాను, రోహిత్ కూడా భారత్‌కు సేవలు అందిస్తామన్న నమ్మకం తనకు ఉందని అన్నాడు. ప్రస్తుతం ఫామ్‌లో ఉన్నానని, పరుగులు రాబట్టడం ఎంతో సంతోషంగా ఉందని ధావన్ చెప్పాడు. ఇదే ఫామ్‌ను కొనసాగిస్తానని అన్నాడు.

నేమార్, సౌరెజ్ గోల్స్

మాడ్రిడ్: స్పానిష్ సుకర్ చాంపియన్‌షిప్ లా లిగాలో బార్సిలోనా తన ఆధిపత్యాన్ని కొనసాగిస్తున్నది. లాస్ పల్మాస్‌తో జరిగిన మ్యాచ్‌ని 2-1 తేడాతో గెల్చుకొని, పాయింట్ల పట్టికలో అగ్రస్థానాన్ని నిలబెట్టుకుంది. ఈ జట్టు ఖాతాలో మొత్తం 63 పాయింట్లు ఉండగా, రెండో స్థానంలో నిలిచిన అట్లెటికో మాడ్రిడ్ ఏకంగా తొమ్మిది పాయింట్లు వెనుకంజలో ఉంది. రియల్ మాడ్రిడ్ 53 పాయింట్లతో మూడో స్థానాన్ని ఆక్రమించింది. కాగా, పల్మాస్‌తో జరిగిన మ్యాచ్‌లో నేమార్, లూయిస్ సౌరెజ్ గోల్స్ చేసి బార్సిలోనాను గెలిపించారు. మ్యాచ్ ఆరో నిమిషంలోనే సౌరెజ్ చేసిన గోల్‌తో బార్సిలోనా 1-0 ఆధిక్యాన్ని అందుకుంది.

Pages