కళాసాహిత్య రంగాలలో పులులు, పిల్లులూ..
Published Sunday, 11 December 2016తెలంగాణ సాహిత్య చరిత్ర ఎందుకు నిర్మించాలి? ఆ అవసరం రాష్ట్రం ఏర్పడినందువల్ల వచ్చిందా? లేదా? లోకానికి తెలియజేయాల్సిన ప్రత్యేకత, విలక్షణతలు ఉన్నాయనా? ఇప్పటివరకు రా యబడిన చరిత్రలో అసంపూర్ణ, అలిఖిత అంశాలను పూరించడానికా? సమగ్రతని కోరుకునే దృష్ట్యానా? ఆమధ్య నిజాం కళాశాలలో జరిగిన ఒక సదస్సులో కలిగిన ఆలోచనలు ఇవి. రోజురోజుకీ ఇవి బలపడుతున్నాయి. అందుకే వీటిని మీతో పంచుకోవాలనుకుంటున్నాను. నిజానికి ‘చరిత్ర’ రచన సమగ్రం కాకుండా సాహిత్య చరిత్రలో సమగ్రాలు సాధ్యం కాదు. రాజకీయ చరిత్ర రాయడం సులభం. చారిత్రక ఆధారాలు, సాక్ష్యాలు, గ్రంథాలు, చరిత్ర రచనలు, వ్యాసాలు చాలా లభిస్తాయి.