S ,7 à 8 RSCA (si SASPAS) et 6 cialis pharmacie cialis rapports de stage.

సంప్రదాయానికి భిన్నంగా సిఎం ప్రజంటేషన్

కరీంనగర్, ఏప్రిల్ 1: పార్లమెంటరీ సంప్రదాయానికి భిన్నంగా అసెంబ్లీ వేదికగా సిఎం కెసిఆర్ పవర్ పాయింట్ ప్రజంటేషన్ ఇచ్చారని, దీనికి స్పీకర్ అనుమతించడం సరికాదని జగిత్యాల ఎమ్మెల్యే, కాంగ్రెస్ శాసనసభాపక్ష ఉప నేత టి.జీవన్‌రెడ్డి అన్నారు. అయినా, సిఎం కెసిఆర్ ప్రసంగంలో కొత్త అంశాలేమి లేవని విమర్శించారు. శుక్రవారం ఆర్‌అండ్‌బి అతిథి గృహంలో ఏర్పాటు చేసిన విలేఖరుల సమావేశంలో ఆయన మాట్లాడుతూ సిఎం కెసిఆర్ అనాలోచిత నిర్ణయాలతో చేపడుతున్న ప్రాజెక్టుల రీడిజైన్‌లతో తెలంగాణకు తీవ్ర నష్టం జరుగుతుందని అన్నారు.

ఆరు నెలల్లో పాదచారుల క్షేత్రం

హైదరాబాద్, ఏప్రిల్ 1: మహానగర పాలక సంస్థలోని కొందరు ఇంజనీర్ల నిర్వాకం కారణంగా ముప్పై ఏళ్లుగా కొన‘సాగు’తున్న చార్మినార్ పాదచారుల క్షేత్రం పనులను రాష్ట్ర మున్సిపల్, ఐటి శాఖ మంత్రి కె. తారకరామారావు శుక్రవారం పరిశీలించారు. రెండురోజుల క్రితం వరకు జరిగిన తెలంగాణ అసెంబ్లీ బడ్జెట్ సమావేశాల్లో భాగంగా మజ్లిస్ శాసనసభ పక్ష నేత అక్బరుద్దీన్ ఒవైసి సభలో చేసిన అభ్యర్థన మేరకు మంత్రి శుక్రవారం చార్మినార్ పరిసర ప్రాంతాలను సందర్శించారు. చార్మినార్ పాదచారుల క్షేత్ర పనులు జరుగుతున్న తీరును అధికారులను అడిగి తెల్సుకున్నారు.

ప్రజలను మభ్య పెట్టేందుకే..!

నల్లగొండ, ఏప్రిల్ 1: దేశ చరిత్రలో ఇంతకముందెన్నడూ లేని రీతిలో శాసన సభ సంప్రదాయాలను ఖూనీ చేసి సిఎం కెసిఆర్ ప్రభుత్వం ప్రాజెక్టులపై పవర్ పాయింట్ ప్రజంటేషన్ చేసి ప్రజలను మరోసారి మభ్యపెట్టే ప్రయత్నం చేశారని పిసిసి చీఫ్ ఎన్. ఉత్తమ్‌కుమార్‌రెడ్డి దుయ్యబట్టారు. శుక్రవారం నల్లగొండలో ఎంపి గుత్తా సుఖేందర్‌రెడ్డి, ఎమ్మెల్యేలు ఎన్.్భస్కర్‌రావు, ఉత్తమ్ పద్మావతిలతో కలిసి ఆయన విలేఖరుల సమావేశంలో మాట్లాడారు. సిఎం కెసిఆర్ చెబుతున్న ప్రాజెక్టుల రీడిజైనింగ్ కేవలం కమిషన్ల కోసమే తప్ప నీళ్ల కోసం కాదంటు ఉత్తమ్ నిప్పులు చెరిగారు.

విద్యా వ్యవస్థను గాడిలో పెడతాం

వరంగల్, ఏప్రిల్ 1: కొత్తగా ఏర్పాటైన తెలంగాణ రాష్ట్రంలో విద్యావ్యవస్థను గాడిన పెట్టేందుకు ప్రభుత్వం అన్ని చర్యలు చేపట్టిందని, సాధించుకున్న తెలంగాణను అన్ని రంగాల్లో అభివృద్ధి చేయడమే ప్రభుత్వ లక్ష్యమని విద్యాశాఖ మంత్రి, డిప్యూటీ సిఎం కడియం శ్రీహరి అన్నారు. శుక్రవారం వరంగల్ జడ్పీ సర్వసభ్య సమావేశంలో ఆయన పాల్గొని మాట్లాడారు. వరంగల్ జిల్లా నుండే విద్యా మార్పులకు శ్రీకారం చుడతామని ఆయన తెలిపారు. విద్యాపరంగా వరంగల్ జిల్లాను రాష్ట్రంలోనే నంబర్ వన్ స్థానంలో నిలుపుతామని తెలిపారు. ఈ మేరకు డిటైల్డ్ యాక్షన్ ప్లాన్, ఎడ్యుకేషన్ సొసైటీ ప్రొఫైల్ తయారు చేస్తున్నామని తెలిపారు.

రైతుల పోరాటానికి దిగొచ్చిన ప్రభుత్వం

మహబూబ్‌నగర్, ఏప్రిల్ 1: మహబూబ్‌నగర్ జిల్లాలోని కోయిల్‌సాగర్ ప్రాజెక్టు నుండి ఆయకట్టుకు సాగునీటిని విడుదల చేయాలన్న ఆయకట్టు రైతులు పోరాటానికి ప్రభుత్వం దిగివచ్చింది. 15 రోజులుగా ఆయకట్టుకు సాగునీరు విడుదల చేయాలని ఆందోళన బాట పట్టిన రైతాంగం డిమాండ్‌ను ప్రభుత్వం సానుకూలంగా స్పందించింది. ఆయకట్టుకు కోయిల్‌సాగర్ ప్రాజెక్టు నుండి వేసవి కాలంలో ఎట్టి పరిస్థితుల్లో నీటిని విడుదల చేసేది లేదని జిల్లా అధికారులు తెల్చి చెప్పడంతో తమ ఆందోళనను రోడ్డుపైకి వచ్చి నిర్వహించడమే కాకుండా ఏకంగా ప్రాజెక్టును ముట్టడించి గేట్లు ఎత్తివేసి కాలువలకు నీటిని విడుదల చేసుకున్నారు.

ఎడమ కాలువకు నీరు విడుదల

నాగార్జునసాగర్, ఏప్రిల్ 1: ఎట్టకేలకు నాగార్జునసాగర్ జలాశయం నుండి ఎడమకాలువకు తాగునీటిని శుక్రవారం నాడు డ్యాం అధికారులు విడుదల చేశారు. గురువారం నాడు ప్రకటించినట్లుగానే శుక్రవారం ఉదయం 6:10నిమిషాలకు పొట్టిచెలిమ వద్ద ఉన్న ఎడమకాలువ ప్రధాన ద్వారం నుండి నీటివిడుదలను ప్రారంభించారు. ఎటువంటి అట్టహాసం లేకుండా జెఇ స్థాయి అధికారితో నీటివిడుదలను గావించారు. డ్యాం జెఇ పి.జనార్ధన్‌రావు ఎడమకాలువ రెండవ గేటు ప్రధాన ద్వారం ద్వారా స్విచ్ ఆన్ చేసి నీటివిడుదల ప్రారంభించారు.

ఉపమాక దేవస్థానం ఉద్యోగుల సస్పెన్షన్

తిరుపతి, ఏప్రిల్ 1: టిటిడి పరిధిలోని విశాఖ జిల్లా ఉపమాక శ్రీ వేంకటేశ్వరస్వామి ఆలయం వద్ద గల సత్రంలో అసాంఘిక కార్యక్రమాలను పాల్పడ్డ ముగ్గురు ఉద్యోగులను సస్పెండ్ చేస్తూ టిటిడి ఇఒ డాక్టర్ డి.సాంబశివరావు శుక్రవారం ఉత్తర్వులు జారీచేశారు. ఉపమాక ఆలయం వద్ద ఒక మహిళతో అసభ్య కార్యక్రమాలకు పాల్పడిన విషయం మీడియాలో విస్తృతంగా ప్రచారమైన నేపధ్యంలో ఇఒ తీవ్రంగా స్పందించారు.

టిడిపి కౌన్సిలర్ దారుణ హత్య

కొవ్వూరు, ఏప్రిల్ 1: పశ్చిమ గోదావరి జిల్లా కొవ్వూరు మున్సిపాల్టీలో 16వ వార్డు కౌన్సిలర్ పాకా గోపాలకృష్ణ (52) (టిడిపి) శుక్రవారం మధ్యాహ్నం దారుణ హత్యకు గురయ్యారు. ఒక వివాహ విందుకు హాజరై ద్విచక్ర వాహనంపై వస్తున్న ఆయనను గుర్తు తెలియని వ్యక్తులు మారణాయుధాలతో దాడిచేశారు. ఈ ఘటనలో ఆయన రక్తపుమడుగులో అక్కడికక్కడే మృతిచెందారు. తెలుగుదేశం పార్టీకి చెందిన గోపాలకృష్ణ మూడుసార్లు కౌన్సిలర్‌గా ఎన్నికయ్యారు. గోపాలకృష్ణకు భార్య, ఒక కుమారుడు, ఒక కుమార్తె ఉన్నారు.

8న వరుపుల, 11న జ్యోతుల టిడిపిలో చేరిక

విజయవాడ, ఏప్రిల్ 1: సీనియర్ రాజకీయ నాయకులు జ్యోతుల నెహ్రూ, వరుపుల సుబ్బారావు తెలుగుదేశం పార్టీలో చేరేందుకు ముహూర్తం ఖరారు చేశారు. ఈ నెల ఎనిమిదవ తేదీన వరుపుల సుబ్బారావు, 11వ తేదీన జ్యోతుల నెహ్రూ టిడిపిలో చేరనున్నారు. జ్యోతుల నెహ్రూ వైఎస్‌ఆర్ కాంగ్రెస్ పార్టీ శాసనసభా పక్ష ఉప నాయకునిగా పనిచేశారు. ఇటీవలే ఆయన పార్టీకి రాజీనామా చేసి సంగతి తెలిసిందే. ఆయన ఈ నెల 11వ తేదీన విజయవాడలో చంద్రబాబు సమక్షంలో పార్టీలో చేరనున్నారు. అలాగే వరుపుల సుబ్బారావు ఎనిమిదవ తేదీ మధ్యాహ్నం రెండు గంటలకు విజయవాడలో చంద్రబాబు సమక్షంలో పార్టీలో చేరనున్నారు.

నియోజకవర్గాల విభజనకై ఆరాటం!

ఏలూరు, ఏప్రిల్ 1: రెండేళ్ల క్రితం వరకు విభజన అంటేనే నేతాశ్రీలు చిర్రెత్తుకొచ్చినట్లు విరుచుకుపడేవారు. కానీ ఆ కాలం మారిపోయింది. ఇప్పుడు విభజన కోసం అర్రులు చాస్తున్నవారి సంఖ్యే అధికంగా కన్పిస్తోంది. ఇంతకీ ఆ విభజనకు, ఈ విభజనకి తేడా ఉంది. అప్పట్లో రాష్ట్ర విభజనను తీవ్రంగా వ్యతిరేకించిన నాయకులంతా ఇప్పుడు నియోజకవర్గాల పునర్విభజన కోసం ఆరాటపడుతున్నారు. దీనిపై ఇటీవలి కాలంలో కేంద్ర స్థాయిలో కదలిక కన్పిస్తుండటంతో నేతల్లో ఆశల ఊసులు మాత్రం భారీగా పెరిగిపోయాయి. సామాజిక సమీకరణాల నేపథ్యంలో టిక్కెట్లు దక్కించుకోలేకపోయిన పలువురు నేతలు ఈ నియోజకవర్గాల పెంపుపైనే ఆశలు పెట్టుకున్నారు.

Pages