S ,7 à 8 RSCA (si SASPAS) et 6 cialis pharmacie cialis rapports de stage.

కృష్ణా కరకట్ట అక్రమ కట్టడాల కేసులో ముగిసిన వాదనలు

విజయవాడ (క్రైం), జూలై 16: కృష్ణా కరకట్ట అక్రమ కట్టడాల వ్యవహారంలో చందన భవనానికి ఇచ్చిన స్టే ఎత్తివేయాలంటూ సీఆర్‌డీఏ దాఖలు చేసిన పిటిషన్‌పై మంగళవారం హైకోర్టులో వాదనలు ముగిశాయి. కృష్ణా కరకట్ట ఆక్రమణలపై దృష్టి సారించిన ప్రభుత్వం అక్రమ నిర్మాణాలను కూల్చివేసేందుకు శ్రీకారం చుట్టిన విషయం తెలిసిందే. దీనిలో భాగంగా కొద్దిరోజుల క్రితం ఇక్కడి ప్రజావేదికను తొలిగించింది. ఇదే క్రమంలో మరికొన్ని నిర్మాణాలకు నోటీసులు జారీ చేసింది. ఈ నేపధ్యంలో చందన కేదారనాధ్‌కు చెందిన కట్టడానికి సంబంధించి ప్రభుత్వ ఉత్తర్వులపై హైకోర్టు గతంలో మూడు వారాల స్టే విధించింది.

భారీగా డీఎస్పీల బదిలీ : 38 మందికి స్థానచలనం

విజయవాడ (క్రైం), జూలై 16: రాష్ట్రంలో భారీగా డీఎస్పీల బదిలీ జరిగింది. విజయవాడతోపాటు సీఐడీ విభాగంలో విధులు నిర్వహిస్తున్న పలువురు అధికారులను కీలక స్ధానాల్లో నియమిస్తూ ఏపీ పోలీసుశాఖ ఉత్తర్వులు జారీ చేసింది.

బడ్జెట్‌పై మండలిలో వాడివేడి చర్చ

విజయవాడ (కార్పొరేషన్), జూలై 16: వైఎస్‌ఆర్ కాంగ్రెస్ పార్టీ ప్రభుత్వం తొలిసారిగా ప్రవేశ పెట్టిన వార్షిక బడ్జెట్ పై మంగళవారం శాసన మండలిలో వాడివేడిగా చర్చ జరిగింది. అధికార విపక్షాల మధ్య వాద ప్రతివాదనలు జరుగగా, ఇరు పక్షాల సభ్యులను చైర్మన్ స్థానంలో ఉన్న డెప్యూటీ చైర్మన్ రెడ్డి సుబ్రమణ్యం వారించడం గమనార్హం.

సీపీఎస్ రద్దు సంగతి ఏమైంది?

విజయవాడ (బ్యూరో): కంట్రిబ్యూటరీ పింఛను పథకం (సీపీఎస్) రద్దు సంగతి ఏమైందని ఎమ్మెల్సీ ఏఎస్ రామకృష్ణ ప్రశ్నించారు. రాష్ట్ర శాసన మండలిలో బడ్జెట్‌పై మంగళవారం చర్చ జరిగింది. ఈసందర్భంగా ఆయన మాట్లాడుతూ జగన్ తన పాదయాత్రలో అధికారంలోకి వచ్చిన 7 రోజుల్లో సీపీఎస్ రద్దు చేస్తామని ప్రకటించారని గుర్తు చేశారు. అధికారంలోకి వచ్చి 45 రోజులైందని, రద్దు చేయకపోవడానికి కారణం ఏమిటని ప్రశ్నించారు. కమిటీని మాత్రం వేశారన్నారు. రాష్ట్రంలో సీపీఎస్ అమలు జరుగుతున్న వారు 1.8 లక్షల మంది ఉన్నారని తెలిపారు. వైకాపాకు దాదాపు 25 లక్షల ఓట్లు ఎక్కువ వచ్చి అధికారంలోకి వచ్చిందని, ఇందులో 10 లక్షల ఓట్లు సీపీఎస్ వాళ్లవేనని తెలిపారు.

జంతుజాలం జల దిగ్బంధం

కజిరంగ/గౌహతి, జూలై 16: గత రెండు రోజులుగా ఈశాన్య రాష్ట్రాలను ప్రధానంగా అస్సాంను కకావికలం చేస్తున్న కుంభవృష్టికి ప్రపంచ ప్రఖ్యాత వణ్య సంరక్షణ కేంద్రమైన కజరంగ జాతీయ పార్క్ 90 శాతానికి పైగా మునిగిపోయింది. దాదాపు 10 లక్షలకు పైగా విభిన్న జంతుజాతి ఈ ముంపు వల్ల దెబ్బతిన్నట్టుగా అంచనా వేస్తున్నారు. ప్రాణ భయంతో పరుగులు తీస్తున్న ఈ జంతుజాలానికి అధికారులు మార్గాన్ని సుగమం చేస్తున్నారు. రాష్ట్రంలోని గోలాఘాట్, నాగం అనే రెండు జిల్లాలకు 430 చదరపు కిలోమీటర్ల మేర ఈ వణ్య సంరక్షణ కేంద్రం విస్తరించింది. ముఖ్యంగా ఒంటికొమ్ము కలిగిన ఖడ్గమృగాలు ప్రపంచంలో ఎక్కడా లేనంత పెద్ద సంఖ్యలో ఇక్కడే ఉన్నాయి.

మంచి సేవలకు పన్ను తప్పదు

న్యూఢిల్లీ, జూలై 16: ప్రజలు మంచి సేవలు కావాలనుకుంటే పన్ను (టోల్) చెల్లించాల్సిందేనని కేంద్ర రవాణా శాఖ మంత్రి నితిన్ గడ్కరీ మంగళవారం స్పష్టం చేశారు. ప్రభుత్వం వద్ద తగినన్ని నిధులు లేవని, అందువల్ల టోల్ వ్యవస్థ కొనసాగుతుందని ఆయన తెలిపారు. రోడ్డు రవాణా, హైవేల మంత్రిత్వ శాఖకు గ్రాంట్ల కోసం డిమాండ్లపై లోక్‌సభలో జరిగిన చర్చకు మంత్రి సమాధానమిస్తూ ఈ విషయం తెలిపారు. ప్రభుత్వం గత అయిదేళ్లలో 40వేల కిలో మీటర్ల హైవేలను నిర్మించిందని ఆయన వెల్లడించారు.

శిథిల భవనం కింద 40 మంది

ముంబయి, జూలై 16: ముంబయి దోంగ్రి ప్రాంతంలో గల తాండేల్ వీధిలో మంగళవారంనాడు ఉదయం వందేళ్లనాటి పురాతన భవనం కూలిన సంఘటనలో నలుగురు దుర్మరణం చెందారు. దాదాపు 40 మంది వరకు కుప్పకూలిన ఈ భవనం కింద చిక్కుకుని ఉండవచ్చునని బ్రిహ్మనిముంబయి మున్సిపల్ కార్పొరేషన్ (బీఎంసీ) అధికార వర్గాలు తెలిపాయి. తొలుత భవనం కూలిన సంఘటనలో 12 మంది మరణించారని వార్తలు వెలువడగా, తమ ప్రాథమిక విచారణలో కేవలం నలుగురు మాత్రమే మరణించారని తెలుస్తోందని రాష్ట్ర గృహ నిర్మాణ శాఖ మంత్రి రాధాకృష్ణ వికీ పాటిల్ తెలిపారు. భవనం చాలా ఇరుకైన ప్రాంతంలో ఉండడంతో సహాయక చర్యలు కొనసాగడం కష్టంగా మారింది.

వచ్చామా... వెళ్లామా కాదు!

ముసునూరు : బీ కేర్‌పుల్.... తమాషాలు వద్దు... పనిలో ప్రగతి కనిపించాలి, సమావేశాలకు వచ్చామా.. వెళ్ళామా కాదు చెప్పిన అంశాలను శ్రద్ధగా విని ఆచరణలో పెట్టండి, గత వారంలో చెప్పిన అంశాల్లో ఏ ఒక్కటీ కార్యరూపం దాల్చలేదు సరికదా అధికారుల మధ్య సమన్వయమూ లేదని జేసీ -2 బాబూరావు అధికారులపై ఆగ్రహం వ్యక్తం చేశారు. సమావేశం నిర్వహించి వారం రోజులు గడుస్తున్నప్పటికీ కనీసం గ్రామ కమిటీలను కూడా వేయలేకపోయారు. మండలంలో భూగర్భజలాలు అడుగంటి ప్రమాద ఘంటికలు మోగుతున్నా మండల అధికారుల్లో కాస్తకూడా చలనం రావడం లేదని మండల అధికారుల పనితీరుపై అసహనం వ్యక్తం చేశారు.

సిఫార్సులతోనే ‘వలంటీర్లు’!

మచిలీపట్నం: జిల్లాలో గ్రామ వంలటీర్ల పోస్టుల కోసం పెద్ద ఎత్తున పైరవీలు ప్రారంభమయ్యాయి. ప్రభుత్వ సంక్షేమ పథకాలను ప్రజలకు మరింత చేరువ చేయడంలో ఇకపై గ్రామ వలంటీర్లు కీలకం కానున్నారు. ఇటీవల అధికారంలోకి వచ్చిన జగన్ ప్రభుత్వం నవరత్నాలలో భాగంగా గ్రామ వలంటీర్ల వ్యవస్థను తెర మీదకు తీసుకు వచ్చింది. స్వాతంత్య్ర దినోత్సవ రోజైన ఆగస్టు 15వ తేదీ నుండి గ్రామ వలంటీర్ల సేవలు ప్రారంభం కానున్నాయి. జిల్లాలో 14వేల గ్రామ వలంటీర్ల పోస్టులకు గాను 59 వేల మంది పైబడి దరఖాస్తు చేసుకున్నారు. ముఖ్యంగా యువతీ యువకులు ఈ పోస్టుల కోసం పెద్ద ఎత్తున దరఖాస్తు చేసుకున్నారు.

వ్యాపారి హత్యకేసులో మరో నలుగురి అరెస్టు

ఖైరతాబాద్, జూలై 16: తెలుగు రాష్ట్రాల్లో సంచలనం సృష్టించిన వ్యాపారి రాంప్రసాద్ హత్యకేసుతో సంబంధం ఉన్న మరో నలుగురు నిందితులను పంజాగుట్ట పోలీసులు అరెస్టు చేశారు. ఈనెల 6న పంజాగుట్ట దుర్గానగర్ కాలనీలోని వెంకటేశ్వర స్వామి దేవాలయం సమీపంలో రాంప్రసాద్ దారుణ హత్యకు గురైన విషయం తెలిసిందే. వ్యాపార లావాదేవీల్లో ఏర్పడ్డ వివాదంతో కే.సత్యనారాయణకు మృతుడు రాంప్రసాద్ మధ్య శత్రుత్వం ఏర్పడింది. పగతో రగిలిపోయిన సత్యనారాయణ కత్తులతో రాంప్రసాద్‌పై దాడి చేయించి దారుణంగా హత్య చేయించారు. భార్య వైదేహి తన భర్త హత్యకు సత్యమే కారణం అంటూ ఫిర్యాదు పేర్కొంది.

Pages