అయోధ్యలో రఘురాముడు జన్మించిన స్థలం దశాబ్దులపాటు, శతాబ్దులపాటు వివాదగ్రస్తం కావడం ‘ప్రతీక’ మాత్రమే. ‘జాతీయత’ను ‘మత’మని భ్రమించడం వౌలికమైన అనభిజ్ఞత! ఈ ‘అనభిజ్ఞత’- ఇగ్నోరెన్స్- కారణంగా దేశంలో ఏడు దశాబ్దులకు పైగా అనేకానేక అర్థరహిత వివాదాలు తలెత్తుతున్నాయి. ఈ ‘భ్రమ’ను ఈ ‘అనభిజ్ఞత’ను బ్రిటన్ దురాక్రమణదారులు రెండు శతాబ్దులపాటు పథకం ప్రకారం మన దేశంలో వ్యవస్థీకరించిపోయారు.

నేపాల్‌లో చైనా ప్రభుత్వ వాణిజ్య దురాక్రమణ కొనసాగుతుండడం మన ఉత్తరపు సరిహద్దుల భద్రతకు మరింత విఘాతకరమైన విపరిణామ క్రమం! ఈ అ‘క్రమం’లో భాగం నేపాల్ ప్రభుత్వానికీ చైనా ప్రభుత్వానికీ మధ్య కుదిరిన ‘ఇనుప దారి’ ఒప్పందం. గత ఆదివారం కుదిరిన ఈ ‘ఒప్పందం’ప్రకారం టిబెట్‌లోని ‘జ్యీరామ్’ నగరం నుంచి నేపాల్ రాజధాని ఖాట్మండూ వరకు డెబ్బయి కిలోమీరట్లమేర ‘ఇనుప దారి’- రైలుమార్గం-ని నిర్మిస్తారట!

ప్రత్యామ్నాయ ఆర్థిక వ్యవస్థ గురించి అనే్వషణ జరగాలన్నది జాతీయభావ నిష్ఠులు చెబుతున్న మాట! నిజానికి ఈ ప్రత్యామ్నాయ ఆర్థిక వ్యవస్థ ‘ప్రత్యామ్నాయం’- ఆల్టర్‌నేటివ్- కాదు, ఇది మౌలికమైన- ఒరిజినల్- ఆర్థిక వ్యవస్థ. అనాదిగా ఈ వ్యవస్థ మన దేశంలో అలరారింది. ఈ వ్యవస్థ స్వభావం ఉత్పత్తిదారుల సమాజం అవసరాలను తీర్చడం. ఈ వ్యవస్థ స్వరూపం వికేంద్రీకరణ!

పరీక్ష వ్రాసిన విద్యార్థి తన పరీక్షా పత్రాన్ని తానే దిద్దుకుని ‘ఉత్తీర్ణత’ను నిర్ణయించడానికి అవకాశం ఇచ్చినట్టయింది! అందువల్ల పరీక్ష వ్రాసిన వారందరూ ఉత్తీర్ణులయిపోవడం ఖాయం! ‘ఆహార శుద్ధి ప్రక్రి య’ద్వారా తినుబండారాలను ఉత్పత్తి చేస్తున్న సంస్థలకు ఆహార ప్రమాణాలను నిర్ధారించడానికి ప్రభుత్వం ఇలా అవకాశం ఇస్తోంది.