ఉత్తరఖండ్‌లో రాష్టప్రతి పాలనను ఆ రాష్ట్ర ఉన్నత న్యాయస్థానం రద్దు చేయడం మన ప్రజాస్వామ్య చరిత్రలో మరో రాజ్యాంగ విస్ఫోటనం. హైకోర్టు తీర్పు తుది నిర్ణయం కాకపోవచ్చు, ఎందుకంటే కేంద్ర ప్రభుత్వం వారు సర్వోన్నత న్యాయస్థానంలో ఈ తీర్పును సవాలు చేసే అవకాశం ఉంది. అందువల్ల గురువారంనాడు హైకోర్టు నిర్దేశించిన విధంగా ఏప్రిల్ 29వ తేదీన ఉత్తరఖండ్ శాసనసభలో బలాబలాల పరీక్ష జరుగుతుందా?

మనదేశానికి తరలి వస్తున్న విదేశాల పెట్టుబడుల-్ఫరిన్ డైరెక్ట్ ఇన్‌వెస్ట్‌మెంట్-ఎఫ్‌డిఐ-లో అత్యధిక శాతం ‘సేవల రంగం’లో వినియోగమవుతున్నాయన్నది రెండు దశాబ్దుల అనుభవం. ఈ వాస్తవం 2015లో మరోసారి ధ్రువపడడం కొనసాగుతున్న వైపరీత్యం. 1994లో మనదేశంలో ప్రపంచీకరణకు అంకురార్పణ జరిగినప్పటి నుంచి ఈ వైపరీత్యం కొనసాగుతోంది.

ప్రపంచం వేడెక్కుతోందన్నది దీర్ఘకాల పరివర్తనకు సంబంధించిన వైపరీత్యం. మనదేశంలో మరీ ప్రధానంగా తెలుగు రాష్ట్రాల్లో ఇది అతి తక్కువ వ్యవధిలోనే ముంచుకొస్తోంది. వేసవి నిప్పుల కొలిమిగా మారింది. వేసవి అగ్నిగుండం అయింది. ఆకాశం నిప్పులను వర్షిస్తోంది. ప్రపంచంలో సగటున మరోపాతికేళ్లలో పెరగనున్న ఉష్ణోగ్రత తెలుగు రాష్ట్రాల్లో రెండేళ్లలోనే పెరిగిపోతోందన్నది ప్రత్యక్షంగా అనుభవిస్తున్న వ్యథ.

ఇండియన్ ప్రీమియర్ లీగ్-ఐపిఎల్-మహారాష్టల్రో నిర్వహించ తలపెట్టిన క్రికెట్ ఆటల పోటీలను ఇతర ప్రాంతాలకు తరలించాలని ముంబయి హైకోర్టు ఆదేశించడం నీటి కొరత తీవ్రత గురించి పాలకులకు మరోసారి గుర్తుచేస్తోంది. ఇలా తరలించడంవల్ల మహారాష్ట్ర ప్రాంతపు మంచినీటి సమస్యకు సమగ్ర పరిష్కారం లభించబోదని హైకోర్టు స్పష్టం చేయడం కూడ ప్రభుత్వాలకు లభించిన న్యాయాభిశంసన.