పాకిస్తాన్ జట్టుతో క్రికెట్ ఆడడానికై శ్రీలంక వెళ్లాలా, ‘చిలీ’కి వెళ్లాలా ఆన్నది ప్రశ్న కాదు. పాకిస్తాన్‌తో మనం ఎందుకు ఆడాలి? ఇదీ దేశప్రజలు అడుగుతున్న ప్రశ్న. పాకిస్తాన్ జట్టుతో మన జట్టు క్రికెట్ ఆట ఆడడానికి వీలుగా భారత క్రికెట్ నియంత్రణా మండలి నడుపుతున్న ప్రహసనం దేశ ప్రజల మనోభావాలను గాయపరుస్తోంది. ఉగ్రవాద బాధితుల గాయాలను మళ్లీ కెలుగుతోంది.

తాత్కాలిక ఉద్రిక్తతల మధ్య నిహితమై ఉన్న చారిత్రక స్నేహ బంధాలకు మన ప్రధానమంత్రి నరేంద్ర మోదీ మలేసియాలో జరిపిన పర్యటన మరో ప్రతీక! మలేసియా రాజధాని కౌలాలంపూర్‌లో శనివారం జరిగిన ‘్భరత-ఆగ్నేయాసియా దేశాల కూటమి’ శిఖరాగ్ర సమావేశానికి దక్షిణ చైనా సముద్ర జలాలు కల్లోల గ్రస్తం అవుతుండడం నేపథ్యం. ఆదివారం మలేసియా రాజధానిలో పాల్గొన్న మైత్రీ సభలకు ఆ దేశంలో అప్పుడప్పుడు నిక్కి చూస్తున్న భారత వ్యతిరేకత నేపథ్యం!