బీభత్సకాండను నియంత్రించడానికి, నిరోధించడానికి, నిర్మూలించడానికి ప్రభుత్వం సాగిస్తున్న భద్రతాప్రస్థానంలో ఇది మరో ముందడుగు, ఉగ్రమూకల పాలిట ‘పిడుగు’.. వివిధ రకాల బీభత్సకాండను కొనసాగిస్తున్న హంతకులను వ్యక్తిగత స్థాయిలో ‘బీభత్సకారుడు’గా నిర్ధారించడానికి శుక్రవారం రాజ్యసభ ఆమోదించిన ‘బిల్లు’ వీలు కల్పిస్తుండడం ఈ ముందడుగు.

భారత జాతీయ జీవన ప్రస్థానంలో ఇది మంచి వైపు మలుపు. ప్రజాస్వామ్య రాజ్యాంగ వ్యవస్థకు మరో గెలుపు. మహిళా సాధికార సూత్రం మరింత బలపడింది, వివాహిత ముస్లిం మహిళల జీవన భద్రత మరింత పటిష్ఠమైంది. ముమ్మారు ‘తలాక్’ను ఎలాపడితే అలా, ఎప్పుడు పడితే అప్పుడు, ఎక్కడ పడితే అక్కడ చెప్పడం- అన్న ‘రుగ్మత’ ఇకపై నేరం. ఈ నేరానికి పాలుపడే ఇస్లాం మతస్థులైన పురుషులు శిక్షను అనుభవించవలసి ఉంటుంది.

నాలుగేళ్లలో దేశంలోని పులుల సంఖ్య ముప్పయి మూడు శాతం పెరగడం మనకు గర్వకారణమన్నది ప్రధానమంత్రి నరేంద్ర మోదీ సోమవారం చెప్పిన మాట. తొమ్మిది ఏళ్లలో దేశంలోని పులుల సంఖ్య రెట్టింపు కావడం ‘పర్యావరణ పరిరక్షణ’కు దోహదం చేస్తున్న మరో అద్భుతం. అటవీ పరిరక్షణ, అటవీ విస్తరణ కేవలం వృక్షజాలంతో ముడివడి ఉన్నదని భావించడం ప్రాకృతిక వాస్తవానికి విరుద్ధం. అడవి అంటే కేవలం వృక్షజాలం కాదు. అడవి జీవజాలం!

సరిహద్దుల రేఖ దాటి
దురాక్రమణ దూకువేళ,
‘కార్గిల్’ కంఠం చుట్టూ
ఉరి బిగించి ఉన్నవేళ..
నిగమాగమ స్వర విపంచి
నిప్పుల రాగం పలికెను,
వరములిచ్చు కరములందు
శత శతఘ్ని చెలరేగెను..