S ,7 à 8 RSCA (si SASPAS) et 6 cialis pharmacie cialis rapports de stage.

సంపాదకీయం

06/26/2018 - 23:16

ఆఫ్రికా ఖండానికి ‘సియాఛెల్లెస్’- సీషెల్స్- దేశంలో మన నౌకాదళానికి స్థావరం ఏర్పడలేదు. ఆఫ్రికాలోని జిబౌటీ దేశంలో చైనా పెద్ద నౌకాదళ స్థావరం ఏర్పడి ఉంది. నాలుగేళ్లుగా మన ప్రభుత్వం ప్రయత్నించింది, ‘సియాఛెల్లెస్’ ప్రభుత్వం అంగీకరించింది. కానీ సియాఛెల్లెస్ పార్లమెంటు గతవారం ఈ ప్రతిపాదనను తిరస్కరించిందట! చైనా మాత్రం గత ఏడాది మార్చిలో జిబౌటీలో తన నౌకాదళ స్థావరాన్ని ఏర్పాటు చేసినట్టు ప్రకటించింది.

06/25/2018 - 23:33

ఆహార పదార్థాలను ‘కల్తీ’ చేసేవారికి యావజ్జీవ కారాగార నిర్బంధాన్ని విధించాలన్నది ప్రతిపాదన. దేశంలోని ఆహార, పానీయ పదార్థాలలో దాదాపు అన్నీ ‘కల్తీ’ అవుతున్న నేపథ్యంలో ఈ ప్రతిపాదన వెలువడడం హర్షణీయం. ‘్భరత ఆహార స్వచ్ఛత, ప్రమాణాల పరిరక్షణ సంస్థ’- ఫుడ్ సేఫ్టీ అండ్ స్టాండర్డ్స్ అథారిటీ ఆఫ్ ఇండియా-వారు చేసిన ఈ ప్రతిపాదనను ప్రభుత్వం ఆమోదిస్తే కల్తీచేస్తున్న ముఠాలకు, వ్యాపారులకు ఎంతోకొంత భయం ఏర్పడుతుంది.

06/24/2018 - 00:57

దేశ రాజధాని ఢిల్లీ మహానగరంలో ‘స్వచ్ఛ భారత్’ కార్యక్రమం అమలు జరుగుతున్న దాఖలాలు లేవు. ఇలా ఎందుకు జరుగుతోంది? వాతావరణ కాలుష్యం విషమించిన ప్రాంతాల్లో ఢిల్లీ నగరం ఒకటని శాస్తవ్రేత్తలు ప్రభుత్వానికి తాజాగా ఓ నివేదికను అందజేశారు. రాజధానిలో కాలుష్యం ప్రమాదకర స్థాయికి చేరడానికి చాలా కారణాలున్నాయి. మొదటిది అత్యధిక సంఖ్యలో వాహనాలు. రెండవది పరిపాలనా రాహిత్యం.

06/22/2018 - 23:22

మాల్‌దీవులతో మన స్నేహ సంబంధాలు క్షీణించిపోవడానికి ప్రధాన కారణం మన్‌మోహన్ సింగ్ ప్రధాన మంత్రిత్వంలోని కాంగ్రెస్ ప్రభుత్వం 2012వ సంవత్సరంలో చేసిన విధానపరమైన తప్పిదం. తిరుగుబాటు చేసిన పోలీసుల నుంచి, కిరాయి హంతకుల నుంచి తన ప్రభుత్వాన్ని కాపాడి నిలబెట్టవలసిందిగా అప్పటి మాల్‌దీవుల అధ్యక్షుడు మహమ్మద్ నషీద్ చేసిన విజ్ఞప్తిని మన్‌మోహన్ సింగ్ ప్రభుత్వం ఏ మాత్రం పట్టించుకోలేదు.

06/21/2018 - 23:06

వాణిజ్య ప్రపంచీకరణ- గ్లోబలైజేషన్- వ్యవస్థ బీటలు వారుతోందన్నది మన దేశంలోని రాజకీయ వేత్తలలో అత్యధికులు గుర్తించని ‘మహా విషయం’. ఇలా గుర్తించకపోవడం వల్లనే కేంద్ర, రాష్ట్ర ప్రభుత్వాల వా రు విదేశాల పెట్టుబడుల కోసం ఇప్పటికీ వెంపరలాడుతున్నారు.

06/20/2018 - 23:54

మానవీయ సంస్కారాల సమాహారం సంస్కృతి. ‘యోగం’ వౌలికమైన మానవీయ సంస్కారం, మానవత్వం వికసించడానికి మాధ్యమం. మన దేశంలో అనాదిగా మానవీయ సంస్కారాలు వికసించాయి, పరిమళించాయి. ఈ పరిమళ పవనం ప్రపంచమంతటా విస్తరించడం సనాతన చరిత్ర. ఆద్యంత రహితమైన మానవ ప్రస్థాన చరిత్ర. ఈ చరిత్ర మళ్లీ మళ్లీ ఆవృత్తమైంది. ఈ ‘పునరావృత్తి’కి అంతర్జాతీయ యోగ దినోత్సవం వర్తమాన సాక్ష్యం! యోగ విద్య ప్రపంచానికి భారతీయుల ప్రదానం.

06/19/2018 - 23:56

భారతీయ జనతాపార్టీ తప్పిదాన్ని దిద్దుకొంది. పీపుల్స్ డెమొక్రాటిక్ పార్టీ-పీడీపీ-తో కలసి జమ్మూ కశ్మీర్‌లో ప్రభుత్వాన్ని ఏర్పాటు చేయడం భాజపా చేసిన ఘోరమైన తప్పిదం. మంగళవారం భాజపా ఈ చారిత్రక మహాపరాధాన్ని దిద్దుకొంది, జమ్మూ కశ్మీర్ మంత్రివర్గం నుంచి వైదొలగింది! భాజపాకు చెందిన మంత్రులందరూ తమ రాజీనామా పత్రాలను రాష్ట్ర గవర్నర్‌కు పంపించారట!

06/18/2018 - 23:56

మన మెతకదనం ప్రధాన కారణం.. జమ్మూ కశ్మీర్‌లో మానవ అధికారాలకు భంగం వాటిల్లుతోందని ‘ఐక్యరాజ్య సమితి’ వారి నివేదికలో ఆరోపించడం అన్యాయం మాత్రమే కాదు, అతార్కికం కూడ! మానవుల వౌలికమైన హక్కులకు నియంతృత్వ దేశాలలోను, రాజరిక వ్యవస్థలున్న దేశాలలోను, మత రాజ్యాంగ వ్యవస్థలున్న దేశాలలోను, బీభత్సకాండను ప్రోత్సహిస్తున్న ప్రభుత్వాలున్న దేశాలలోను దశాబ్దుల తరబడి విఘాతం కలిగించింది.

06/15/2018 - 23:45

ప్లాస్టిక్ కాలుష్యంపై తెలంగాణ ప్రభుత్వం యుద్ధం ప్రకటించడం ప్రశంసనీయం. 2022 నాటికి రాజధాని నగరాన్ని ‘ప్లాస్టిక్’ రహిత ప్రాంగణంగా మార్చడం తెలంగాణ ప్రభుత్వం లక్ష్యమట. ప్లాస్టిక్ వ్యర్థాల నుండి దేశాన్ని విముక్తం చేయడానికి దేశవ్యాప్తంగా దశాబ్దుల తరబడి వివిధ రాష్ట్ర ప్రభుత్వాలు, స్థానిక ప్రభుత్వాలు చర్యలను ప్రకటించాయి. కాని ఈ ప్రకటనలు ప్రచారానికి మాత్రమే పరిమితం కావడం నడుస్తున్న కథ.

06/14/2018 - 23:07

న్యాయ ప్రక్రియలో కొనసాగుతున్న అలసత్వానికి ఇది మరో నిదర్శనం. తమిళనాడుకు చెందిన పద్దెనిమిది మంది శాసన సభ్యత్వాలు రద్దయ్యాయా? లేదా? అన్న విషయం గురువారం మదరాసు ఉన్నత న్యాయస్థానం చెప్పిన తీర్పు వల్ల స్పష్టం కాకపోవడం ఈ ‘అలసత్వం’! తమిళనాడు ముఖ్యమంత్రి జయలలిత 2016 డిసెంబర్ ఐదవ తేదీన దివంగత అయిన తరువాత కొనసాగుతున్న నాటకీయ పరిణామక్రమంలో ఈ శాసనసభ్యుల ‘బహిష్కరణ’ గొప్ప వైచిత్రి.

Pages