S ,7 à 8 RSCA (si SASPAS) et 6 cialis pharmacie cialis rapports de stage.
సంపాదకీయం
మన దేశ రక్షణ విభాగానికి తగినన్ని నిధులు లేవన్న వాస్తవానికి చైనా ‘విస్తరణ’ విచిత్రమైన నేపథ్యం. చైనా తన సైనిక పాటవాన్ని నిరంతరం విస్తరిస్తోంది, వాణిజ్య దురాక్రమణను కొనసాగిస్తోంది, దౌత్య దౌర్జన్యకాండను తీవ్రతరం చేస్తోంది, వ్యూహాత్మక బీభత్సకాండను వ్యవస్థీకరిస్తోంది. ఈ చతుర్ముఖ విస్తరణకు ప్రధాన లక్ష్యం మన దేశం.
ఇంప్లాంటెడ్ కాంటాక్ట్ లెన్స్- ఐసీఎల్- ప్రస్తుతం బాగా ప్రాచుర్యం పొందిన నయన చికిత్స. దృష్టి మాంద్యాన్ని తొలగించి నిశిత దృష్టిని కలిగించడానికి వీలుగా ఈ ‘లెన్స్’ను కంటిగుడ్డులో అమర్చుతున్నారు. హ్రస్వదృష్టి, దీర్ఘదృష్టి వంటి లోపాలు అపవాదాలు మాత్రమే. ఈ లోపాన్ని అతిగమించడానికి వీలుగా కంటి అద్దాలను అమర్చుకోవడం నేత్ర చికిత్సలో భాగం.
వివిధ పక్షాల సైద్ధాంతిక పతనం మహారాష్టలో నడుస్తున్న రాజకీయానికి ప్రాతిపదిక. ఘోరమైన అవకాశవాదం నూతన ప్రభుత్వ నిర్మాణ కార్యక్రమ ఆర్భాటానికి ఇతివృత్తం! ‘జనాదేశం’ ప్రజాస్వామ్య వ్యవస్థలో ప్రధాన మార్గదర్శకమన్నది గతమైపోయింది, హతమైపోయింది.. జనాదేశాన్ని నిర్లజ్జగా, నిర్భయంగా ఉల్లంఘించవచ్చునన్నది మహారాష్టలో ప్రభుత్వ నిర్మాణ ప్రహసనాన్ని ప్రదర్శించిన, ప్రదర్శిస్తున్న రాజకీయ పక్షాలవారు నిరూపించిన ‘నీతి’!
హాంగ్‌కాంగ్ ‘ప్రత్యేక ప్రాంత’ జిల్లాల పాలక మండలుల ఎన్నికలలో ‘ప్రజాస్వామ్య’ ఉద్యమ పక్షాలు ఘన విజయం సాధించడం చైనా కమ్యూనిస్టు ప్రభుత్వానికి ప్రజల ఘోర అభిశంసన! హాంగ్‌కాంగ్ క్రీస్తుశకం 1841 నుంచి దాదాపు నూట యాబయి ఆరేళ్లు బ్రిటన్ అధీనంలో ఉండేది, 1997లో చైనాలో భాగమయింది. అప్పటి నుంచి ఇప్పటివరకు హాంగ్‌కాంగ్‌లో సంపూర్ణ ప్రజాస్వామ్య వ్యవస్థ ఏర్పడలేదు.
తెలంగాణలో సగం రహదారి రవాణా సేవలను ప్రభుత్వేతర సంస్థలకు అప్పగించాలన్న రాష్ట్ర ప్రభుత్వ నిర్ణయాన్ని ఉన్నత న్యాయస్థానం వారు ఆమోదించడం ‘ప్రయాణ వ్యవస్థ’ ప్రస్థానక్రమంలో మరో ఆరంభం! ఈ ఆరంభం శుభారంభం కాగలదా? అన్నది సామాన్య జన హృదయాలలో ఉత్కంఠను రేపుతున్న ప్రశ్న! ఉన్నత న్యాయస్థానం ఆమోదించిన రాష్ట్ర ప్రభుత్వ నిర్ణయం మరో విధంగా చారిత్రక పునరావృత్తి!
ప్రభుత్వ ఆర్థిక క్రియాకలాపాలలో అత్యంత ప్రధానమైనది ‘‘విక్రయించడం’’- అన్న అభిప్రాయం అతార్కికం కాదు. ప్రభుత్వరంగ సంస్థలను ప్రభుత్వేతరులకు విక్రయించే కార్యక్రమం నిరంతరం వేగవంతం అవుతుండడం ఈ అభిప్రాయానికి ప్రాతిపదిక! ‘్భరత్ పెట్రోలియం కార్పొరేషన్ లిమిటెడ్’- బీపీసీఎల్- అన్న ప్రభుత్వరంగ సంస్థ ఇదివరకే సగం ప్రభుత్వేతరమై ఉంది.
దేశవ్యాప్తంగా ‘జాతీయ పౌర సూచిక’ను రూపొందించనున్నట్టు కేంద్ర ప్రభుత్వం ప్రకటించడం ముదావహం. ప్రస్తుతం అస్సాం ప్రాంతానికి మాత్రమే ఈ ‘జాతీయ పౌర సూచిక’- నేషనల్ రిజస్టర్ ఆఫ్ సిటిజెన్స్- ఎన్‌ఆర్‌సీ- పరిమితమై ఉంది! ఆగస్టు ముప్పయి ఒకటవ తేదీన వెలువడిన తుది జాబితా ప్రకారం ‘అస్సాంలో మూడు కోట్ల పదకొండు లక్షల ఇరవై ఒక్క వేల నలుగురు భారతీయ పౌరులు ఉన్నట్టు’ ధ్రువపడింది.
దేశంలోని ప్రాంతీయ మాతృభాషల అభివృద్ధికి చర్యలు తీసుకుంటున్నట్టు కేంద్ర ప్రభుత్వం ప్రకటించడం హర్షణీయం. అయితే ఆ చర్యల స్వరూప స్వభావాల గురించి వెల్లడి కావలసి ఉంది.
శ్రీలంక అధ్యక్షుడిగా గోతబయ రాజపక్షే ఎన్నిక కావడం శ్రీలంకలో జరిగిన చైనా అనుకూల పరిణామం.. గత పదేళ్లుగా జరిగిన శ్రీలంక అంతర్గత పరిణామక్రమం ఇందుకు నిదర్శనం. 2009వ 2010వ సంవత్సరాలలో శ్రీలంక ప్రభుత్వం ‘తమిళ ఈలం లిబరేషన్ టైగర్ల’ (ఎల్‌టిటిఇ) నడుములను విరిచేయగలిగింది! ఎల్‌టిటిఇ బీభత్స సంస్థ దశాబ్దాలపాటు శ్రీలంకలో భయంకర హత్యాకాండ జరపడం చరిత్ర!
అంతర్జాతీయ వాణిజ్య అనుసంధానం ముదురుతున్నకొద్దీ మన ఆర్థిక ప్రగతి మందగించిపోతోందన్నది ధ్రువపడిన వాస్తవం! ఆర్థిక ప్రగతిని, స్థూల జాతీయ ఉత్పత్తి పెరుగుదలను వేగవంతం చెయడానికి కేంద్ర ప్రభుత్వం వారు రిజర్వ్‌బ్యాంకువారు చేపట్టిన చర్యలు బూడిదలో పోసిన పన్నీరు వలె పరిణమించడానికి ప్రపంచీకరణ - గ్లోబలైజేషన్ - కారణం!