‘పదండి ముందుకు! పదండి ముందుకు!’
తోసుకు పోదాం పోదాం పైపైకి!!
కనబడలేదా నవ సమాజపు లుకలుకలు
వినబడలేదా బడి పిల్లల ఆక్రందనలు
ఎవరికి వారు, ఎక్కడికక్కడ వారివారి స్థితిగతులను
దిద్దుకోలేమా మనమందరము
చేయగలచి, చేయదలచిన యువతతో
చేపట్టలేమా నిర్మాణాత్మక కార్యక్రమాలను
బతుకులంతా బండబారి పోవలసిందేనా?
చూస్తూ, చూస్తూ కూర్చుందామా?
ధేశాన్ని పట్టి పీడిస్తున్న సమస్యలలో అప్రజాస్వామ్య వ్యవస్థ అని అన్నాను. అదేంటండీ ప్రపంచంలో అతి పెద్ద ప్రజాస్వామ్యం భారతదేశం కదా! అందులోనూ అపతి 5 సం.లకి జరపవలసిన ఎన్నికలను మనం జరుపుకుంటూనే ఉన్నాం కదా, అని మీరు అడగవచ్చు. నిజమే మరి. మన ప్రజాస్వామ్య వ్యవస్థ ఎలాగ నడుస్తుందో ఒకసారి గమనిద్దాం.
అమెరికాలో సైతం ఛాలా దేశాల్లో భారతదేశం గురించి విశ్లేషణల్లో పాలుపంచుకొనే అదృష్టం నాకు కలిగింది. ఈ సెమినార్లలో భారతదేశాన్ని పట్టి పీడిస్తున్నవి మూడు సమస్యలు అని గుర్తించడం జరిగింది. మొట్టమొదటిది బీదరికం అని, రెండవది నిరక్షరాస్యత అని, మూడవది అప్రజాస్వామిక వ్యవస్థ అనగా సరియైన నాయకత్వ లోపం అని గుర్తించగలిగాము.
ఇఫ్పటివరకు ఇక్కడ గ్రామాలలో ఇంతకు ముందు కొనే్నళ్లుగా గ్రామానుభూతుల్ని మీ ముందు పెడ్తూ వచ్చాను. పూర్వకాలంలో మన తాతముత్తాతలలో ఉన్న మానవత, కరుణ, సేవా తత్పరత, తెలివితేటలు ప్రస్ఫుటంగా ఇంకా (అంటే ఇన్ని వందల సంవత్సరాల బానిసత్వంలో మనం అధోగతి పాలైనా) ఉన్నాయనే ఇక్కడి మా చిన్ని ప్రయత్నాలలో ఎలాగ కనపడ్తూ వస్తున్నాయో మీకు తెలియజేస్తూ వచ్చాను.
అదేంటో గాని చిన్నప్పట్నుంచి దేశం బాగుపడాలంటే ప్రజల నుండి ఉద్యమం వస్తేనే గాని మన దేశానికి నిష్కృతి లేదనిపించేది. నేను పెద్దవాడ్నవుతున్న కొద్దీ అది మరింతగా దృఢపడ్తూనే ఉంది. నాకు వయసు ముంచుకొస్తున్నా కూడా ఇప్పటి దీన పరిస్థితుల నుండి విముక్తి పొందాలంటే ప్రజా ఉద్యమం తప్పించి వేరొక మార్గం లేదని ఢంకా కొట్టి చెప్పాలని ఉంది. కాని నేను ఢంకా కొట్టినా ఎవరికైనా వినపడ్తుందా? ఎవరైనా వింటారా?
అవినీతి నిర్మూలనా సూఛనల్లో ఇది మూడవది. మొదట సూచన పాలనా యంత్రాంగం పద్ధతులు భారతీయులకు అనువుగా ఉండాలని కోరేం. రెండవ అంశం విద్యలో ప్రామాణికాలు నిలదొక్కుకుని అవినీతి నుండి బయటపడాలనుకున్నాం. ఇది మూడవ అంశం నైతిక పునరుజ్జీవనం గావిస్తేగాని అవినీతిని నిర్మూలించలేం.
మనం అవినీతి నిర్మూలన గురింఛి మాట్లాడుకుంటున్నాం కదూ! కిందటి వారం పాలనా యంత్రాంగం మారితే గాని మనకి నిష్కృతి లేదని మనవి చేశాను. ఈసారి విద్య గురించి ఆలోచిద్దాం. ముఖ్యంగా ప్రాథమిక వ్యవస్థలోనే చాలా దెబ్బ తింటున్నాం. పిల్లలు పెడదారిన అక్కడే పడిపోతున్నారు.
