స్ర్తిలలో రక్తపోటు కేసుల గురించి ఆరా తీస్తూ 31 నుండి 50 సంవత్సరాల వయసు గల 80 వేల మంది మహిళలపై అమెరికన్ వైద్య పరిశోధకులు ప్రత్యేక అధ్యయనం చేశారు. బాధా నివారణ కోసం తరచూ ఉపయోగించే ఇబుప్రొఫెన్, ఎసిటామినోఫెన్ వంటి ఔషధాలు పైన పేర్కొన్న వయసుకు చెందిన మహిళలను తీవ్రమైన రక్తపోటుకు గురి చేస్తున్నాయని వారి అధ్యయనంలో వెల్లడయ్యింది.
రక్తంలో కొలెస్ట్రాల్ ఎక్కువగా ఉండటం గుండె జబ్బులకు దారి తీస్తుందని అందరికీ తెలుసు. కొవ్వు నుండి తయారయ్యే తెల్లని మైనం వంటి కొలెస్ట్రాల్ రక్త కణజాలంలో ఉంటుంది.
కొలెస్ట్రాల్ రక్త ప్రసారంలో ముఖ్య పాత్ర నిర్వహిస్తుంది. రక్తంలో కొలెస్ట్రాల్ మరీ తక్కువయితే మానసిక వ్యధకు, ఆత్మహత్యలకు దారి తీస్తుందని ఫ్రెంచి పరిశోధకులు అభిప్రాయపడుతున్నారు. అనేక మందిని పరిశీలించి ఈ అభిప్రాయానికి వచ్చారు.
అథ్లెట్ల శక్తి సామర్థ్యాలు నియంత్రించేవి ఎముకలు, కండరాలు కాదని, కాలేయం, మూత్రపిండాలు, ఉదరం వంటి ప్రధాన అవయవాలని అమెరికా జీవ శాస్తజ్ఞ్రులు అంటున్నారు.
ఈ అవయవాల కణ నిర్మాణం మెటబాలిక్ చర్యల్లో కీలక పాత్ర నిర్వహిస్తాయని, ఇవి ఏ మేరకు శక్తిని ఇముడ్చుకోగలవో అనే అంశమే అథ్లెట్ల సామర్థ్యాన్ని నిర్ణయిస్తాయని చెబుతున్నారు.
పురుగుల నుండి తమను తాము రక్షించుకునేందుకు కాఫీ మొక్కలు కెఫీన్ను ఉత్పత్తి చేస్తాయి. కాఫీ వల్ల మేలుకన్నా హాని ఎక్కువ జరుగుతుందని వైద్యులు చెబుతున్నారు. కాఫీ, టీలు కొకెయిన్, హెరాయిన్ లాంటి మత్తు మందులంటున్నారు. అలవాటయితే వాటిని మానడం కష్టం. కాఫీ విషయంలో అందులోని కెఫీన్ మెదడుకు తాత్కాలికంగా ఉత్తేజాన్ని కల్గిస్తుంది. దీర్ఘకాలంలో హాని చేస్తుందని అంటున్నారు.
ఏదైనా తినుబండారాన్ని చూడగానే దానిని భుజించాలనే కోరిక ఉద్భవించడానికి కారణం మీ నోరు కాదు మీ మెదడు అని గుర్తు చేస్తున్నారు బ్రిటన్ శాస్తవ్రేత్తలు.
కొన్ని రకాల మానసిక పరిణామాల్లో ఎలాంటి ప్రేరణ లేకుండానే ఇంద్రియాల అనుభూతికి లోనవుతూ ఉంటారు. వీటి వివరాలు తెలుసుకోవాలని ప్రపంచవ్యాప్తంగా పరిశోధకులు నిరంతరం ప్రయత్నాలు చేస్తున్నారు.
‘సంతకం’ ఎంతో విలువయినది. దాని ఆధారంగా ఎన్నో వ్యవహారాలు, వ్యాపారాలు సాగుతూ ఉంటాయి. దొంగ సంతకాలు పెట్టి మోసం చేసేవారి సంఖ్య కూడా తక్కువగా లేదు. దొంగ సంతకాలను చటుక్కున గుర్తుపట్టే సాంకేతిక పద్ధతులను శాస్తవ్రేత్తలు ఇప్పటికే రూపొందించారు. ఫలితంగా దొంగ సంతకాలకు కాలం చెల్లినట్లే అవుతోంది.
‘తన కోపమె తన శత్రువు’ అనే విషయం అందరికీ తెలుసు. ఎప్పుడూ చిర్రుబుర్రులాడే వారి బతుకు అత్యధికంగా కొవ్వు పెరగడం వల్లనో, గుండె జబ్బు వల్లనో తెల్లారిపోతుందని పరిశోధకులు హెచ్చరిస్తున్నారు.
మాంసాహారాన్ని ఎక్కువ కాలం నిల్వ ఉంచితే, అది విషపూరితం కావచ్చు. ఎక్కువ కాలం నిల్వ వున్న మాంసాహారంలో పలు రకాల బాక్టీరియా పెరగడమే దీనికి కారణం. అవన్నీ విష పూరితమైనవి కావడం వల్ల ప్రమాదకరంగా మాంసం తయారవుతుంది.
సౌర కుటుంబంలో నవగ్రహాలు ఉన్నట్లు మనకు తెలుసు. మన భూమికి ఒకే ఒక చందమామ ఉంది. చందమామ అంటే గ్రహం చుట్టూ తిరిగే స్వాభావిక ఉపగ్రహం. సౌర కుటుంబంలో బుధ, శుక్ర గ్రహాలకు అసలు చందమామలే లేవు. శనిగ్రహానికి 23 చందమామలు ఉన్నాయి. గురుగ్రహానికి 16, యురేనస్కు 15, నెప్ట్యూన్కు 8, కుజుడికి 2, ప్లూటోకి ఒకటి చందమామలు ఉన్నాయి. వీటికి సంబంధించిన విశేషాలు-
మన చంద్రుడు
