వెన్నెల

అదీ.. సంగతి! -- శరత్కాలం

తాష్కెంట్‌లో జరిగిన ఒక అంతర్జాతీయ ఫిల్మ్ ఫెస్టివల్‌కు జగ్గయ్య నిర్మించిన ‘పదండి ముందుకు’ చిత్రాన్ని ఆహ్వానించారు. షూటింగుల ఒత్తిడితో నిర్మాత జగ్గయ్య హాజరుకాకున్నా -దర్శకుడు వి మధుసూధనరావు, గుమ్మడి, జమున హాజరయ్యారు. గాంధీజీ ఉప్పు సత్యాగ్రహం నేపథ్యంతో నిర్మించిన ఆ చిత్రం సబ్ టైటిల్స్‌తో నిర్మించబడి స్వాతంత్య్ర సమరులు పలువురిని ఆకర్షించింది. ఈ చిత్రానికి సంభాషణలతోపాటు ఒక పాట కూడా జగ్గయ్య రాశారు.

డిక్టేటర్ కోసం..

అంజలి కొత్త ‘జర్నీ’ -కోరుకుంటోంది. ఐదేళ్ల క్రితం ‘జర్నీ’లో తళుక్కుమన్న ఈ అందగత్తె -మళ్లీ అలాంటి ‘గ్లామర్’ కోసం ఆరాటపడుతోందట. ‘డిక్టేటర్’ కోసం ఆ మాత్రం కష్టపడకపోతే ఎలా? అందుకే -లావొక్కింతయు లాభం లేదనుకుని స్లిమ్‌నెస్ కోసం కసరత్తులు ప్రారంభించిందని అంటున్నారు. మామూలుగానే కాస్త బొద్దుగా ఉండే ఈ తెలుగందం -ఆ మధ్య సినిమాలకు కొంత గ్యాప్ రావడంతో ఇంకొంచెం లావుగా తయారైంది.

శృతి’భారతి!

శృతికి ఏం తెలుసు? అంటే -చాలా తెలుసని చెప్పాలి. ఎంచుకున్న రంగంలో విభిన్న పార్శ్వాలను చూపించే సత్తావున్న నటి. గ్లామర్ ఫీల్డ్ కనుక తెరమీదే కాదు, ర్యాంపుమీద హోయలు ప్రదర్శించి మెప్పించింది. కాదనడానికి వీల్లేనిదే -ఈ స్టిల్. ఫ్యాషన్ రంగంలోనూ అనుభమున్న కథానాయిక కనుక -నీలం, నారింజ, పసుపు పచ్చల మేళవింపు మ్యాక్సీని మేనిపై ధరించి ర్యాంపుమీద వయ్యారాలు ఒలకపోస్తూ మెరిసి మెప్పించింది.

అవి వద్దు

స్వతస్సిద్ధంగా వచ్చిన అందానికి మెరుగులు దిద్దుకోవాలే గానీ ఒళ్లంతా కుళ్లపొడిపించుకునే టాటూలకు తాను విర్ధుమంటోంది బెబో కరీనాకపూర్. టాటూలంటే తనకి అసలు నచ్చదని, పచ్చబొట్టు పొడిపించుకోవడం కోసం శరీరాన్ని అలా వాళ్లకప్పగించడం అనేది తనకు నచ్చదని చెబుతోంది. మరి, మీ భర్త సైఫ్ అలీఖాన్, మీ పచ్చబొట్టును పొడిపించుకున్నారు కదా అని అడిగితే, అది ఆయన వ్యక్తిగతమంటూ దాటవేసింది.

ట్రేడ్‌టాక్

థియేటర్లన్నీ పెద్ద హీరోల సినిమాలు ఆడించేవాళ్ల చేతుల్లో నలుగుతున్నాయి. కలెక్షన్లు లేకపోయినా అలాగే ఆడించేస్తున్నారు. కొత్త సినిమాలు విడుదల కావడానికి థియేటర్లు లేకపోవడం బాధాకరం. ఈ వారం ప్రేక్షకుల తీర్పుకోరుతూ పూరి జగన్నాథ్, ఛార్మి కలయికలో వచ్చిన ‘జ్యోతిలక్ష్మీ’, వరుణ్‌సందేశ్ మరోసారి దండయాత్ర రూపంలో వచ్చిన ద్విపాత్రాభినయ ‘లవకుశ’, కొత్త తారలతో రూపొందించిన ‘కేరింత’ చిత్రాలు వచ్చాయి.

సంతానం

సివి రంగనాథ్‌దాస్, సోదరుడు రామదాసు ఆత్రేయలతో కలిసి ఓ నాటక సంస్థ స్థాపించారు. పరిషత్ నాటకాల్లో ప్రదర్శనలిచ్చి బహుమతులు పొందేవారు. 1948లో ‘సాధనా’ సంస్థను స్థాపించి ‘దాసి’ చిత్రం ప్రారంభించి ఆర్థిక ఇబ్బందులవల్ల ఆపేశారు. 1950లో సాధనా ఫిలింస్ బ్యానర్‌పై అక్కినేని తొలి సాంఘిక చిత్రం ‘సంసారం’ను నటి, నిర్మాత శ్రీమతి లక్ష్మీరాజ్యం సహకారంతో నిర్మించారు.

సరదా సరదా సిగరెట్టు.. నాకు నచ్చిన పాట

‘సరదా సరదా సిగరెట్టు.. ఇది దొరల్ తాగు భల్ సిగరెట్టు. ఎందరో దర్శకులు, నటీనటులు, సాంకేతిక నిపుణులను చిత్రసీమకు పరిచయం చేయడమే కాదు, దాదాసాహెబ్ పాల్కే పురస్కారాన్ని అందుకున్న డి రామానాయుడు సురేష్ ప్రొడక్షన్స్ బ్యానర్‌పై నిర్మించిన ‘రాముడు-భముడు’ చిత్రంలోనిదీ పాట. 1964లో ఎన్టీఆర్ హీరోగా ద్విపాత్రాభినయం చేసిన చిత్రం ఇదేకావడం విశేషం.

దేవుడు చేసిన మనుషులు -- నాకు నచ్చిన సినిమా

పద్మాలయా పిక్చర్స్ బ్యానర్‌పై ఎన్టీఆర్ హీరోగా, తనూ హీరోగా కృష్ణ నిర్మించిన మూడో చిత్రం దేవుడు చేసిన మనుషులు. భారీ బడ్జెట్, ఈస్ట్‌మన్ కలర్, భారీ తారాగణం అప్పట్లో చిత్రం స్పెషాలిటీ. నిర్మాణమైంది. అప్పట్లో 29 కేంద్రాల్లో ఈ చిత్రం శత దినోత్సవాలు జరుపుకుంది. అప్పటి వరకు మాయాబజార్, గుండమ్మకథ, పాండవ వనవాసం చిత్రాల విజయంకన్నా ఈ చిత్రం అఖండ విజయం అందుకుంది.

లవ్, కామెడీలో ప్రేక్షకుడికి రిలీఫ్

డైరెక్టర్స్ ఛాయిస్..
- బల్లెం వేణుమాధవ్

దర్శకుడిగా అందరూ ఒక్కొక్క క్రాఫ్ట్‌లో ఉద్ధండులైతే, బల్లెం వేణుమాధవ్ మాత్రం ఏకంగా 20 క్రాఫ్ట్స్‌లో
ఆధిపత్యాన్ని చూపుతున్నాడు. ఈ విషయంపై తెలుగు బుక్ ఆఫ్ రికార్డ్స్, ఇండియన్ బుక్ ఆఫ్ రికార్డ్స్,' తెలంగాణ బుక్ ఆఫ్ రికార్డ్స్‌లో పెరును నమోదు చేసుకొని, అందరిలోకీ భిన్నం అని నిరూపిస్తున్నాడు. ఆయనతో చిట్‌చాట్..

Pages

X
Enter your Andhrabhoomi - Telugu News Paper Portal | Daily Newspaper in Telegu | Telugu News Headlines | Andhra Bhoomi username.
Enter the password that accompanies your username.
Loading