ముంబయి, ఏప్రిల్ 23: ఇప్పటికే ఆడిన ఐదు మ్యాచ్‌లలో కేవలం ఒకదాన్లో విజయం సాధించి, మిగిలిన మ్యాచ్‌లలో ఓటమిపాలైన ముంబయి ఇండియన్స్ స్వంత గడ్డపై సన్‌రైజర్స్ హైదరాబాద్‌లో మంగళవారం జరిగే మ్యాచ్‌లో ఎలాగైనా విజయం సాధించాలని ఆరాటపడుతోంది. ముంబయి టీమ్ ఒకే ఒక మ్యాచ్‌లో రాయల్ చాలెంజర్స్ బెంగళూరుపై విజయం సాధించింది.

బ్యాంకాక్, ఏప్రిల్ 23: అర్జెంటీనాలో జరుగుతున్న యూత్ ఒలింపిక్ గేమ్స్‌లో ఐదుగురు మహిళా బాక్సర్లు క్వాలిఫై అయ్యారు. వీరిలో అనామిక 51 కేజీల విభాగం, ఆస్తా పహ్వా 75 కేజీల విభాగంలో ఆసియా చాంపియన్లుగా పోటీపడేందుకు సెమీఫైనల్‌కు చేరుకున్నారు. మిగిలిన భారత మహిళా బాక్సర్లు 51 కేజీలు, 57 కేజీలు, 75 కేజీలు, 60 కేజీల విభాగంలో పోటీని ఎదుర్కోనున్నారు.

జైపూర్, ఏప్రిల్ 23: రాజస్తాన్‌లోని జైపూర్‌లో ఆదివారం జరిగిన మ్యాచ్‌లో 11 బంతుల్లో 33 పరుగులతో చెలరేగి ఆడి రాజస్థాన్ విజయానికి ప్రధాన కారకుడుగా నిలిచిన కృష్ణప్ప గౌతంపై ప్రశంసల జల్లు కురుస్తోంది. 29 ఏళ్ల గౌతం ఆటతీరును మెచ్చుకున్న అభిమానులు సోషల్ మీడియాలో ప్రశంసలు కురిపిస్తున్నారు. జైపూర్‌లో జరిగిన మ్యాచ్‌లో మూడు వికెట్ల తేడాతో ముంబై ఇండియన్స్ జట్టును రాజస్థాన్ ఓడించింది.

బెంగళూరు, ఏప్రిల్ 23: కన్నడ నటి తనిష్కా కపూర్, తాను మంచి స్నేహితులమని, తమ పెళ్లి జరుగుతున్నట్లు వస్తున్న వార్తలు అసత్యమని టీమిండియా యువ స్పిన్నర్ యుజువేంద్ర చాహల్ స్పష్టం చేశాడు. తనిష్కాతో తన పెళ్లి అని ప్రచారమవుతున్న కథనాలపై యువ క్రికెటర్ స్పందించాడు.